2 Mose 17:12 - ŊMALƐ KRƆŊKRƆŊ LƐ

¹² Shi Mose niji bɔ̃i lɛ shɔ̃ɔ, ni no hewɔ lɛ, awo tɛ akɛto Mose shishi ni eho eta nɔ, ni Aaron kɛ Hur hiɛ eniji lɛ amli, mɔ kome yɛ biɛ, ni mɔ kome hu yɛ biɛ, ni eniji lɛ ma shi shiŋŋ kɛyashi hulushinyɔɔ mli.

Ṅmãle̱ Kroṅkroṅ Le̱

¹² Ši Mose nidši tšī; ni ame̱wó te̱, ni ame̱ṅõ-to ešiši, ni eho etá no̱; ni Aaron ke̱ Hur hĩe enidši amli, mokome ye̱ bie̱ ne̱, ni mokome hũ ye̱ bie̱ ne̱; ni enidši le̱ damo ši šiṅṅ ke̱-yaši hũlũ šinyō̃ mli.

2 Mose 17:12 ပူးပေါင်းရင်းမြစ်များ

Lalai 35:3

Gbalamɔ akplɔ kɛ lema owo mɛi ni nyiɛ misɛɛ lɛ. Kɛɛmɔ misusuma akɛ, “Mi ji oyiwalaheremɔ.”

2 Mose 17:11

Kɛji Mose wo enine nɔ kɛtee ŋwɛi pɛ, kɛkɛ lɛ Israelbii lɛ anine miitsɔ̃ Amalekbii lɛ anɔ; shi kɛji Mose kɛ enine ba shi pɛ Amalekbii lɛ anine miitsɔ̃ Israelbii lɛ anɔ.

2 Mose 17:13

Ni Yoshua kpãtã Amalek kɛ emaŋ lɛ hiɛ.

2 Mose 24:14

Shi ekɛɛ maŋ onukpai lɛ akɛ, “Nyɛhia biɛ nyɛmɛa wɔ kɛyashi beyinɔ ni wɔɔku wɔsɛɛ kɛba. Aaron kɛ Hur kɛ nyɛ yɛ biɛ. Kɛji mɔ ko hiɛ sane ko lɛ akɛyahã amɛ.”

Yesaia 35:3

Nyɛwajea mɛi ni anijiaŋ eje wui lɛ, kɛ mɛi ni anakutseiaŋ egbɔjɔ lɛ.

2 Korintobii 1:11

kɛji nyɛfata he kɛkpa fai nyɛhã wɔ, koni mɛi pii ada shi ahã wɔ yɛ dromɔ keenii ni akɛhã wɔ yɛ mɛi pii afaikpamɔ lɛ hewɔ.

Efesobii 6:18

Ni nyɛkɛ sɔlemɔ kɛ faikpamɔ fɛɛ asɔlea be fɛɛ be yɛ mumɔ mli, ni enɛ hewɔ lɛ nyɛsaraa, ni nyɛkãa he daa nyɛkpaa fai nyɛhãa krɔŋkrɔŋbii lɛ fɛɛ

Filipibii 1:19

ejaakɛ mile akɛ enɛ baatsɔ̃ miyiwalaheremɔ yɛ nyɛfaikpamɔ kɛ Yesu Kristo Mumɔ lɛ yelikɛbuamɔ naa.

Kolosebii 4:2

Nyɛhiɛa sɔlemɔ mli, ni nyɛshia kpe yɛ mli kɛ shidaa.

1 Tesalonikabii 5:25

Anyɛmimɛi, nyɛsɔlea nyɛhãa wɔ hu.

Hebribii 12:12

Hewɔ lɛ nyɛwajea niji ni egbede kɛ nakutsei ni egbɔjɔ lɛ.

Yakobo 1:6

Shi ekpa fai yɛ hemɔkɛyeli mli, ni ekaje nɔ ko nɔ ko he ŋwane; ejaakɛ ŋwanejelɔ lɛ etamɔ ŋshɔke ni kɔɔyɔɔ tswaa kɛyaa kɛbaa.

Yoshua 8:26

Ejaakɛ Yoshua esuuu enine ni hiɛ akplɔ ni ekɛtsɔ̃ɔ Ai maŋ lɛŋ gbɛ lɛ kɛyashi agbe Aibii fɛɛ.