2 Mose 16:8 - ŊMALƐ KRƆŊKRƆŊ LƐ

⁸ Mose tee nɔ ekɛɛ amɛ akɛ, “Kɛji gbɛkɛ lɛ Yehowa hã nyɛ loo nyɛye, ni leebi lɛ ehã nyɛ aboloo nyɛye nyɛtɔrɔ, ejaakɛ enu huhuuhu wiemɔi ni nyɛwieɔ nyɛshiɔ lɛ lɛ, wɔ lɛ nɛgbɛ wɔdamɔ? Jeee wɔ nyɛwieɔ huhuuhu nyɛshiɔ lɛ, shi Yehowa mɔŋ ni.”

Ṅmãle̱ Kroṅkroṅ Le̱

⁸ Ni Mose sā kē̱ ake̱: Gbe̱ke̱ le̱ Iehowa hahãnye lō ní nyeye, ni lebi le̱ ebahãnye abolo ní nyeye nyetŏ̱ro̱, edšake̱ Iehowa enu nyehũhū̃hũwiemo̱i le̱ ní nyewieo̱ nyešio̱le̱ le̱; we̱ le̱, namei dšiwo̱? Dšeewo̱ nyewie hũhū̃hũ nyeši le̱, ši Iehowa ni.

2 Mose 16:8 ပူးပေါင်းရင်းမြစ်များ

2 Mose 16:12

“Minu Israelbii lɛ ahuhuuhu wiemɔi lɛ. Kɛɛmɔ amɛ akɛ, ‘Gbɛkɛnaashi lɛ nyɛaaye loo, ni leebi lɛ nyɛaaye aboloo nyɛtɔrɔ, ni nyɛaana nyɛle akɛ mi ji Yehowa, nyɛNyɔŋmɔ lɛ.’ ”

2 Mose 16:9

Kɛkɛ ni Mose kɛɛ Aaron akɛ, “Kɛɛmɔ Israelbii asafo muu lɛ fɛɛ akɛ, ‘Nyɛtsia nyɛbaa Yehowa hiɛ; enu nyɛ huhuuhu wiemɔi lɛ.’ ”

2 Mose 17:2

No hewɔ lɛ, amɛkɛɛ Mose akɛ, “Hã wɔ nu wɔnu!” Mose here amɛ nɔ, ni ebi amɛ akɛ, “Mɛɛ hewɔ nyɛkɛ mi beɔ? Mɛɛ hewɔ nyɛkaa Yehowa?”

Yesaia 32:6

Kwashia wieɔ kwashiai awiemɔ, ni nishaianii ahe ejwɛŋɔ, ni enifeemɔ etsɔ̃ɔɔ Nyɔŋmɔ gbeyeishemɔ; ewieɔ eshiɔ Yehowa. Ehãaa mɔ ni hɔmɔ miiye lɛ niyenii, ni egbeɔ mɔ ni kumai miiye lɛ kumai.

Yesaia 37:29

Akɛni ogri owo mi, ni minu shwãa ni oshwã lɛ hewɔ lɛ, mikɛ kpoŋ baatsɛ̃rɛ ogugɔ mli, ni mikɛ mimanyoflɛ baawo odaaŋ, ni mibakpale bo kɛku osɛɛ kɛya; mikɛ bo baatsɔ̃ gbɛ ni otsɔ̃ nɔ kɛba lɛ nɔŋŋ nɔ.”

4 Mose 11:18

Ni okɛɛ maŋbii lɛ akɛ, Nyɛfea nyɛhe krɔŋkrɔŋ nyɛtoa wɔ; shi nyɛbaana loo nyɛye. Yehowa enu yaafo ni nyɛfo akɛ, ‘Namɔ aaahã wɔ loo ni wɔye, ejaakɛ be mli ni wɔyɔɔ Ijipt lɛ ehi moŋ ehã wɔ lɛ. No hewɔ lɛ, agbɛnɛ Yehowa baahã nyɛ loo ni nyɛye.’

4 Mose 14:27

“Mɛɛ beyinɔ nɔŋŋ nɛkɛ asafo fɔŋ nɛɛ baawie huhuuhu amɛshi mi kɛyashi? Huhuuhu lɛ ni Israelbii lɛ wieɔ shiɔ mi lɛ, minu fɛɛ.

4 Mose 21:7

Kɛkɛ ni maŋbii lɛ ba Mose ŋɔɔ, ni amɛbakɛɛ lɛ akɛ, “Wɔfee esha akɛ wɔwie wɔshi Yehowa kɛ bo fɛɛ. Kpa Yehowa fai ohã wɔ koni ejie onufui nɛɛ kɛje wɔteŋ.” Mose kpa fai lɛ ehã Israelbii lɛ.

Mateo 10:40

“Mɔ ni hereɔ nyɛ lɛ, ehereɔ mi; ni mɔ ni hereɔ mi lɛ, ehereɔ mɔ ni tsu mi lɛ.

Mateo 9:4

Ni be ni Yesu na amɛjwɛŋmɔi lɛ, ekɛɛ, “Mɛɛ hewɔ ni nyɛjwɛŋɔ nii fɔ̃ji yɛ nyɛtsuii amli nɛɛ?

Luka 10:16

“Mɔ ni boɔ nyɛ toi lɛ, mi toi eboɔ lɛ, ni mɔ ni kwaa nyɛ lɛ, mi ekwaa lɛ; ni mɔ ni kwaa mi lɛ, mɔ ni tsu mi lɛ ekwaa lɛ.”

Yohane 13:20

Anɔkwale mikɛɔ nyɛ akɛ, mɔ ni hereɔ mɔ ni mitsuɔ lɛ, mi nɔŋŋ ehereɔ lɛ; ni mɔ ni hereɔ mi lɛ, ehereɔ mɔ ni tsu mi lɛ.”

Romabii 13:2

No hewɔ lɛ, mɔ fɛɛ mɔ ni kuɔ hegbɛ lɛ naa lɛ, Nyɔŋmɔ gbɛjianɔtoo lɛ eteɔ shi eshiɔ lɛ; ni mɛi ni teɔ shi nakai lɛ aaana amɛkojomɔ.

1 Korintobii 10:10

Ni nyɛsaa nyɛkawiea huhuuhu tamɔ bɔ ni amɛteŋ mɛi komɛi hu wie huhuuhu ni hiɛkpãtãlɔ lɛ bakpãtã amɛhiɛ lɛ.

1 Tesalonikabii 4:8

Hewɔ lɛ agbɛnɛ, mɔ ni kwaa tsɔ̃ɔmɔ nɛɛ lɛ, jeee gbɔmɔ ko ekwaa, shi moŋ Nyɔŋmɔ ni kɛ eMumɔ Krɔŋkrɔŋ lɛ hãa nyɛ lɛ.

1 Samuel 8:7

ni Yehowa kɛɛ Samuel akɛ, “Nibii fɛɛ ni maŋbii lɛ kɛɔ bo lɛ, feemɔ ohã amɛ; ejaakɛ jeee bo amɛkwa; shi mi moŋ amɛkwa akɛ mikaye amɛnɔ dɔŋŋ lɛ.