2 Mose 16:34 - ŊMALƐ KRƆŊKRƆŊ LƐ

³⁴ Aaron kɛ mana lɛ yama Kpãŋmɔ Adeka lɛ hiɛ tamɔ bɔ ni Yehowa fã Mose lɛ koni akɛto.

Ṅmãle̱ Kroṅkroṅ Le̱

³⁴ Bo̱ni Iehowa fã́ Mose le̱, nakai Aaron ṅo-mã odasenõ le̱ hĩe, ni aṅõ-to.

2 Mose 16:34 ပူးပေါင်းရင်းမြစ်များ

1 Maŋtsɛmɛi 8:9

Nɔ ko nɔ ko bɛ Adeka lɛ mli akɛ ja tɛi tɛtɛrɛbii enyɔ lɛ ni Mose ŋɔ to mli yɛ Sinai Gɔŋ lɛ nɔ, he ni Yehowa kɛ Israelbii lɛ kpãŋ yɛ, be ni amɛjɛ Ijipt shikpɔŋ lɛ nɔ amɛbaa lɛ.

2 Mose 25:16

Okɛ odaseyeli tɛi lɛ ni mikɛbaahã bo lɛ awo Kpãŋmɔ Adeka lɛ mli.

2 Mose 25:21

Okɛ odaseyeli tɛi lɛ ni mikɛbaahã bo lɛ awo Kpãŋmɔ Adeka lɛ mli koni okɛ naanɔ lɛ abu naa.

2 Mose 27:21

Aaron kɛ ebihii lɛ asu kane lɛ ama muhɔɔ ni etsĩ Kpãŋmɔ Adeka lɛ hiɛ lɛ hiɛ yɛ Kpee Buu Krɔŋkrɔŋ lɛ mli, ni amɛkwɛ koni kane nɛɛ atso kɛjɛ gbɛkɛ kɛyashi leebi yɛ mi, Yehowa, mihiɛ. Enɛ atsɔ̃ akpɔ ni kã shi hã Israelbii ayinɔbii fɛɛ.”

2 Mose 30:36

Oshimɔ eko ni ebo mɔnyɔmɔnyɔ, ni okɛ eko ama Kpãŋmɔ Adeka lɛ hiɛ, yɛ Kpee Buu lɛ mli, he ni mikɛ bo aaakpe yɛ lɛ. Tsofakɛŋma nɛɛ afee nɔ krɔŋkrɔŋ jogbaŋŋ kɛwula shi ahã nyɛ.

2 Mose 30:6

Okɛ latɛ lɛ ama muhɔɔ lɛ ni yɔɔ Kpãŋmɔ Adeka lɛ masɛi lɛ hiɛ, yɛ Kpãŋmɔ Adeka lɛ naanɔ lɛ, ni ji he ni mikɛ bo aaakpe yɛ lɛ, hiɛ.

2 Mose 31:18

Be ni Yehowa kɛ Mose ewie egbe naa yɛ Sinai Gɔŋ lɛ nɔ lɛ, ekɛ tɛi enyɔ ni ji tɛi tɛtɛrɛbii ni lɛ Nyɔŋmɔ lɛ diɛŋtsɛ kɛ ewao eŋma nii yɛ nɔ lɛ hã Mose.

2 Mose 38:21

Naa bɔ ni dadei srɔtoi lɛ fɛɛ ni akɛma Yehowa Kpee Buu Krɔŋkrɔŋ lɛ ni akɛ Kpãŋmɔ Adeka lɛ maa mli lɛ naa yakpa, be ni Mose fã Itamar, ni ji Aaron, osɔfo lɛ binuu lɛ, koni ekwɛ Levibii lɛ anɔ koni amɛbu fɛɛ naa lɛ.

2 Mose 40:20

Ni Mose kɛ tɛi ni aŋmala kitãi lɛ yɛ nɔ lɛ wo Kpãŋmɔ Adeka lɛ mli, ni ekɛ tsei bloblobii lɛ hɔlɔ Adeka lɛ he, ni ekɛ naanɔ lɛ bu Kpãŋmɔ Adeka lɛ naa.

4 Mose 1:50

Moŋ akɛ miKpee Buu Krɔŋkrɔŋ lɛ kɛ ehe nibii lɛ fɛɛ kɛ nɔ fɛɛ nɔ ni fata he lɛ nɔkwɛmɔ awo amɛdɛŋ. Amɛ amɛtere Buu lɛ kɛ ehe nibii lɛ fɛɛ, ni amɛ nɔŋŋ amɛkura Buu lɛ. Ni kɛji ato shi yɛ he ko lɛ, amɛmãmɔ amɛwɔɔhei amɛkɛbɔle Buu lɛ he kpula kɛkpe.

4 Mose 1:53

Shi Levibii lɛ ashishii amɛbui lɛ kɛbɔle miKpee Buu Krɔŋkrɔŋ lɛ; amɛbu he bɔ ni afee ni mɔ folo ko akabɛŋkɛ Buu lɛ ni no yatsɛ mimlifu bahã Israelbii lɛ.”

4 Mose 17:10

Kɛkɛ ni Yehowa kɛɛ Mose akɛ, “Kpalemɔ ni okɛ Aaron tso lɛ ayafɔ̃ Kpãŋmɔ Adeka lɛ hiɛ ekoŋŋ koni akɛto okadi ahã toigbolɔi lɛ bɔ ni afee ni huhuuhu ni amɛwieɔ amɛshiɔ mi lɛ sɛɛ afo, koni amɛkagboi.”

5 Mose 10:5

ni mitsɔ̃ mihe, ni mikpeleke shi kɛjɛ gɔŋ lɛ nɔ kɛba. Ni tamɔ bɔ ni Yehowa fã akɛ mifee lɛ, mikɛ tɛi tɛtɛrɛbii lɛ bawo adeka lɛ ni mikpɛ lɛ mli, ni amɛyɛ mli kɛbashi ŋmɛnɛ.”