2 Mose 16:32 - ŊMALƐ KRƆŊKRƆŊ LƐ

³² Kɛkɛ ni Mose kɛɛ maŋ lɛ akɛ, “Kitã ni Yehowa ewo nɛ, ‘Nyɛkɛ niyenii nɛɛ tsenesa kome falɛ atoa nyɛhãa nyɛshwiei koni amɛbana ŋmaa ni mikɛlɛ nyɛ yɛ ŋa lɛ nɔ be mli ni mijie nyɛ kɛje Ijipt shikpɔŋ lɛ nɔ lɛ.’ ”

Ṅmãle̱ Kroṅkroṅ Le̱

³² Ni Mose kē̱: Kitã ní Iehowa ewo ne̱: Nyeṅõa eko nyewoa gomer obõ ní aṅõ-to ahã nyesešibii le̱, koni ame̱na abolo ní miṅõ-lè̱nye ye̱ ṅã le̱ no̱, beni midšienye ke̱-dše̱ Mizraim šikpoṅ le̱ no̱ le̱.

2 Mose 16:32 ပူးပေါင်းရင်းမြစ်များ

Lalai 105:5

Oo nyɛ, etsulɔ Abraham shwiei, nyɛ Yakobbii ni ehala, nyɛkaia naakpɛɛ nitsumɔi ni etsu lɛ; kɛ kojomɔi ni ekojo lɛ.

2 Mose 16:16

Ŋmaa nɛɛ he kitã ni Yehowa ewo nɛ: ‘Mɔ fɛɛ mɔ abua bɔ ni eeenyɛ eye naa, shi moŋ mɔ fɛɛ mɔ naa nii afee tsenesa loo gomer kome falɛ yɛ nyɛyibɔ naa. Mɔ fɛɛ mɔ akɔlɔ ahã mɛi abɔ ni ekɛyɔɔ ebuu mli lɛ.’ ”

2 Mose 16:31

Israelbii lɛ wo niyenii nɛɛ gbɛi akɛ mana. Edalɛ tamɔ mlɛ bibii, ni eyɛɔ futafuta, ni eŋɔɔmɔ tamɔ akpãanɔɔ kɛ wo.

2 Mose 16:33

Kɛkɛ ni Mose kɛɛ Aaron akɛ, “Wo kpulu ni osusu mana tsenesa kome falɛ owo mli, ni okɛyama Yehowa hiɛ koni akɛto ahã nyɛshwiei yɛ yinɔi fɛɛ mli.”

Yeremia 7:23

Shi moŋ miwo amɛ kitã akɛ, ‘Nyɛyea migbee nɔ, ni matsɔ̃ nyɛNyɔŋmɔ, ni nyɛ hu nyɛbaatsɔ̃ mimaŋ; nyɛbaa nyɛjeŋ yɛ kitãi ni miwo nyɛ lɛ anaa, bɔ ni afee ni ahi ahã nyɛ.’

Hosea 11:4

Mikɛ suɔmɔ kɛ mlitsɔlɛ gbala amɛ kɛba miŋɔɔ; ni mitsɔ̃ tamɔ mɔ ni fãa amɛdaaŋ manyoflɛ, ni mikɛ niyenii ma amɛhiɛ.”

Luka 22:19

Ni ekɔ aboloo, ni eda shi, ni ekumɔ mli, ni ekɛhã amɛ ni ekɛɛ, [“Enɛ ji migbɔmɔtso ni akɛhã yɛ nyɛhewɔ lɛ; nyɛfea enɛ ni nyɛkɛkaia mi.”

Hebribii 2:1

No hewɔ lɛ, esa akɛ wɔjwɛŋmɔ ahi nii ni wɔnu lɛ anɔ jogbaŋŋ, koni wɔkakplaŋ kɛje he be ko.

Hebribii 9:4

Jɛi shika tsofakɛŋma shãa nɔ lɛ kɛ Kpãŋmɔ Adeka ni akɛ shika eha he fɛɛ lɛ yɔɔ; no mli shika kpulu kɛ emli mana lɛ kɛ Aaron tso ni gba afofro lɛ kɛ kpãŋmɔ tɛi tɛtɛrɛbii lɛ yɔɔ.