2 Mose 15:9 - ŊMALƐ KRƆŊKRƆŊ LƐ

⁹ Henyɛlɔ lɛ kɛɛ, ‘Matiu amɛ mayamɔmɔ amɛ. Maja nomŋɔɔnii lɛ, mitsui aaanyɔ mimli. Magbala miklante ni makpãtã amɛhiɛ.’

Ṅmãle̱ Kroṅkroṅ Le̱

⁹ Henye̱lo le̱ kē̱: Matiuame̱, mayaninaame̱; madša nomṅõnii le̱ amli, mitšui aanyõ mimli ye̱ ame̱he; magbla miklante le̱, ni minine aafiteame̱!

2 Mose 15:9 ပူးပေါင်းရင်းမြစ်များ

1 Mose 49:27

“Benyamin lɛ, klaŋ ni yɔɔ hahaaha ni. Leebi kɛ gbɛkɛ lɛ emɔɔ emilɛloo ni eyeɔ.”

2 Samuel 22:38

Mitiuɔ mihenyɛlɔi lɛ, ni mikpãtãa amɛhiɛ, ni mikpaleee kɛyashi mipleneɔ amɛ.

1 Maŋtsɛmɛi 19:2

Kɛkɛ ni Yezebel tsu bɔfo kɛtee Elia ŋɔɔ ayakɛɛ lɛ akɛ, “Nyɔŋmɔi lɛ atswa mi nɔ koni magbo kɛji wɔ benɛ yinɔ lɛ mifeko bo bɔ ni ofee gbalɔi lɛ pɛpɛɛpɛ.”

1 Maŋtsɛmɛi 20:10

Ben-Hadad saa etsu Ahab ŋɔɔ ekoŋŋ, ni abakɛɛ lɛ akɛ, “Kɛji mikɛ tabilɔi bɔ ni sa baaa koni abakpãtã omaŋ lɛ hiɛ koni amɛloo emli mlu lɛ tete amɛhiɛ amɛdɛ̃ kɛya fĩi, no lɛ nyɔŋmɔi lɛ atswa mi nɔ amɛgbe mi.”

2 Mose 14:5

Be ni ababɔ Ijipt maŋtsɛ lɛ amaniɛ akɛ Israelbii lɛ ejo foi amɛtee lɛ, Farao kɛ etsuji lɛ tsake amɛjwɛŋmɔ yɛ Israelbii lɛ ahe, ni amɛkɛɛ akɛ, “Kwɛ mɛni po wɔfee nɛɛ, ni wɔhã Israelbii lɛ kpa wɔ sɔ̃ɔmɔ ni amɛtee nɛɛ?”

Abe̱i 16:19

Ehi akɛ ohi shi akɛ humi yɛ ohiafoi ateŋ, fe nɔ ni okɛ hewolɔi aaaja nomŋɔɔnii.

Yesaia 36:20

Te nyɔŋmɔi nɛɛ ateŋ nɔ ni ehere amɛshikpɔŋ yiwala kɛje midɛŋ pɛŋ, hewɔ ni Yehowa lɛ, lɛ lɛ eeehere Yerusalɛm yiwala kɛjɛ midɛŋ lɛ?”

Yesaia 53:12

No hewɔ lɛ, maha lɛ egbɛfaŋnɔ yɛ mɛi wuji ateŋ; ni ekɛ hewalɔi aaaja haanii, ejaakɛ eŋɔ ehe eha gbele, ni abu lɛ ashi mlanɔtɔlɔi anɔ, kɛ̃lɛ etere mɛi pii ahe eshai, ni edamɔ mli eha eshafeelɔi.”

Yeremia 46:17

“Gbɛi ni okɛtsɛ Farao, Ijipt maŋtsɛ lɛ, agbɛnɛ ji ‘Naafuutsɛ ni hã be ho yaka.’

Habakuk 3:14

Okɛ okpɔlɔ lɛ gbulɔ etabilɔi ni ba tamɔ lasuogbele koni amɛbagbɛ mi amɛshwã kɛ mliflimɔ, tamɔ nɔ ni amɛba ohiafo piŋmɔ yɛ teemɔ mli lɛ.

Luka 11:22

shi kɛji mɔ ni he wa fe lɛ batua lɛ ni eye enɔ kunim lɛ, eshɔ̃ɔ etawuunii ni eŋɔɔ ehiɛ efɔ̃ɔ nɔ lɛ fɛɛ yɛ edɛŋ ni ejaa enomŋɔɔnii lɛ.

Kojolɔi 5:30

‘Amɛna haanii ko kɛ̃ ni amɛmiija, nuu fɛɛ nuu aaana oblayoo kome loo enyɔ tete; blɛ mi, Sisera, hu mana haanii lɛ amli mamai ni awo amɛ tsofa? Mamai enyɔ ni awo amɛ tsofa, ni alo nii awo mli koni mikɛha mikuɛ?’

1 Samuel 30:8

Kɛkɛ ni David bi Yehowa nii ekɛɛ, “Mitiu gbɔmɛi nɛɛ lo?” Yehowa hã hetoo akɛ, “Tiumɔ amɛ, bɔ fɛɛ bɔ ni fee lɛ obaaya oyanina amɛ yɛ gbɛteŋ, ni onine baashɛ nyɛgbɔmɛi lɛ anɔ shweshweeshwe.”