2 Mose 15:8 - ŊMALƐ KRƆŊKRƆŊ LƐ

⁸ Omu oshwie ŋshɔ lɛ nɔ, ni nu lɛ bua ehe naa, ni ŋshɔkei lɛ ho damɔ shi keikei, ŋshɔ teŋteŋ nu lɛ shɔ̃ etsɔ̃ kpɔ.

Ṅmãle̱ Kroṅkroṅ Le̱

⁸ Ogũgõ mli mumo̱ le̱ ake̱-bua nui le̱ anā; ṅšo̱kei le̱ mãmo̱ ši keikei ni bui le̱ hũ fĩmo̱ ye̱ ṅšo̱ le tšuiṅ.

2 Mose 15:8 ပူးပေါင်းရင်းမြစ်များ

2 Samuel 22:16

Kɛkɛ ni ana ŋshɔ shishi kã shi, ni agbele je lɛ shishitoo atsɔ̃ɔ faŋŋ, be ni Yehowa kã ehenyɛlɔi lɛ ahiɛ, ni ekɛ mlifu bolɔ ewo amɛ lɛ.

Hiob 4:9

Nyɔŋmɔ mumɔ ni shwieɔ amɛnɔ lɛ kpãtãa amɛhiɛ, ni emlifu kɔɔyɔɔ pleneɔ amɛ.

Lalai 33:7

Ebua ŋshɔ mli nu fɛɛ naa, efee lɛ bibioo tamɔ tɔ mli nii; ni shikpɔŋ lɛ shishi bu kwɔŋkwɔŋ lɛ mli nu babaoo lɛ, etsi naa eto nitoohe.

Lalai 78:13

Egba ŋshɔ lɛŋ, ni ehã amɛtsɔ̃ mli kɛho; ni ehã ŋshɔ lɛ tsɔ̃ tamɔ gbogbo ni ma shi.

2 Mose 14:29

Shi Israelbii lɛ nyiɛ shikpɔŋ gbiŋ nɔ kɛtsɔ̃ ŋshɔ lɛ teŋ, ni nu lɛ tsɔ̃ tamɔ gbogbo hã amɛ yɛ amɛninejurɔ kɛ amɛbɛku.

Yesaia 11:4

Shi moŋ eeekojo ohiafoi lɛ yɛ jalɛ naa; ni eeebu shikpɔŋ lɛ nɔ humii lɛ atɛŋ yɛ jalɛ naa. Ekɛ edaaŋ wiemɔ aaaplene shikpɔŋ lɛ nɔ bii, ni ekɛ emumɔ lɛ aaagbe mɔ fɔŋ lɛ.

Yesaia 37:7

Naa, mi diɛŋtsɛ mikɛ mumɔ ko baawo emli ni aaahã enu sane ko, ni no aaahã eku esɛɛ kɛya lɛ diɛŋtsɛ eshikpɔŋ lɛ nɔ; ni mibahã enyɔ yɛ klante naa yɛ lɛ diɛŋtsɛ nɔŋŋ eshikpɔŋ lɛ nɔ.’ ”

Habakuk 3:10

Gɔji lɛ na bo, ni amɛhosohosoo; nu tue kɛbaho yoo. Bu kwɔŋkwɔŋ lɛ wo egbee; ehole eniji anɔ kɛtee ŋwɛi.

Habakuk 3:15

Okɛ okpɔŋɔi lɛ naanaa ŋshɔ ni ji nu kpeteŋkple ni kumɔɔ lɛ nɔ.

2 Tesalonikabii 2:8

Ni no dani aaajie mlakwalɔ lɛ kpo; Nuŋtsɔ Yesu kɛ edaaŋ mumɔ lɛ aaagbe lɛ ni ekɛ ebaa lɛ puemɔ lɛ aaakpãtã ehiɛ.

Yoshua 3:13

Ni naa, amrɔ pɛ ni osɔfoi ni tere Yehowa, ni ji shikpɔŋ tso muu lɛ fɛɛ Nuŋtsɔ lɛ, Adeka lɛ anaji aaasa Yordan mli nu lɛ mli lɛ, nu lɛ aaakpa hoo, ni nu ni jɛɔ yiteŋgbɛ baa lɛ baawa, ni eeema shi tamɔ gbogbo.”

Yoshua 3:16

kɛkɛ ni nu ni jɛ yiteŋgbɛ baa lɛ wa, ni ekwɔ kɛtee ŋwɛi shɔŋŋ, yɛ Adam ni ji maŋ ko ni bɛŋkɛ Zaretan lɛ he. Kɛkɛ ni nu ni kpelekeɔ shi kɛyaboteɔ Araba ŋshɔ, ni ji Ŋoo Ŋshɔ, lɛ mli lɛ tã, ni esɛɛ fo kwraa. Kɛkɛ ni Israelbii lɛ fo faa lɛ yɛ Yeriko ŋlɛnɔ tuuŋtu.