2 Mose 15:7 - ŊMALƐ KRƆŊKRƆŊ LƐ

⁷ Ogbojee lɛ naa sɔŋŋ lɛ, obutu mɛi ni te shi wo bo lɛ. Omlila lɛ gri wo amɛ, ni eshã amɛ tamɔ la shãa gbetseli.

Ṅmãle̱ Kroṅkroṅ Le̱

⁷ Ogbodšē le̱ nā so̱ṅṅ obutu mei ní te ši woö le̱; otšũ omlila le̱ ke̱-ba, ešã-ame̱ *tamo̱ gbetšelii. *Ies. 47,14.

2 Mose 15:7 ပူးပေါင်းရင်းမြစ်များ

Hiob 9:4

Nilelɔ ji lɛ, ni eyɛ hewalɛ; namɔ ete shi ewo lɛ, ni eye kunim pɛŋ?

Lalai 148:13

hã amɛ jie Yehowa gbɛi lɛ yi, ejaakɛ ekoome egbɛi lɛ nɔ awo gojoo fe gbɛii fɛɛ. Lɛ enunyam lɛ kwɔ fe shikpɔŋ kɛ ŋwɛi fɛɛ tete.

Lalai 59:13

okɛ mlifu akpãtã amɛhiɛ. Kpãtãmɔ amɛhiɛ kɛyaashi amɛyi aaatã, koni mɛi ni yɔɔ jeŋ naagbeehei fɛɛ ana ale akɛ Nyɔŋmɔ ji mɔ ni yeɔ Israel nɔ.

Lalai 68:33

mɔ ni taa okpɔŋɔ nɔ kɛnyiɛɔ ŋwɛi amli ŋwɛi lɛ. Nyɛboa toi, ewoɔ egbee, egbee ni wa lɛ.

Lalai 83:13

Oo miNyɔŋmɔ, gbɛɛ amɛ oshwã tamɔ lasuogbele mlu, tamɔ tutuu yɛ kɔɔyɔɔ naa.

2 Mose 14:27

No hewɔ lɛ, Mose kpã enine mli yɛ ŋshɔ lɛ nɔ. Ni jetsɛremɔ mli leebi lɛ ŋshɔ lɛ yiridi kɛjɛ biɛ kɛ biɛ kɛmiiba abatsa ekoŋŋ, ni Ijiptbii lɛ wo foi, shi amɛkɛ ŋshɔ lɛ bakpe, ni Yehowa hã Ijiptbii lɛ ahiɛ kpãtã yɛ ŋshɔ lɛ teŋ.

2 Mose 5:12

No hewɔ lɛ, Israelbii nitsulɔi lɛ gbɛ shwã Ijipt shikpɔŋ lɛ nɔ fɛɛ, ni amɛyabuabua gbetselii anaa amɛkɛfee jwɛi.

2 Mose 9:16

Shi enɛ hewɔ mihã oyɔɔ wala mli lolo koni majie mihewalɛ kpo matsɔ̃ɔ bo koni akɛtsi mitã yɛ jeŋ fɛɛ.

Yesaia 37:17

Ao Yehowa, ba otoi shi ni obo toi. Ao Yehowa, gbɛɛ ohiŋmɛiŋ ni okwɛ nɔ ni yaa nɔ lɛ. Bo wiemɔi fɛɛ ni Sankerib kɛtsu kɛba koni akɛbabɔ bo, Nyɔŋmɔ hiɛkãalɔ lɛ, ahora lɛ toi.

Yesaia 37:23

Namɔ ahora obɔ, ni asaŋ ojɛ lɛ lɛ? Namɔ obolɔ owo, ni ogbɛ ohiŋmɛiŋ owo lɛ lɛ? Mi, Israel Mɔ Krɔŋkrɔŋ lɛ ni.

Yesaia 37:29

Akɛni ogri owo mi, ni minu shwãa ni oshwã lɛ hewɔ lɛ, mikɛ kpoŋ baatsɛ̃rɛ ogugɔ mli, ni mikɛ mimanyoflɛ baawo odaaŋ, ni mibakpale bo kɛku osɛɛ kɛya; mikɛ bo baatsɔ̃ gbɛ ni otsɔ̃ nɔ kɛba lɛ nɔŋŋ nɔ.”

Yesaia 37:36

Yehowa bɔfo ko tee Asiria tabilɔi lɛ ashitoohe lɛ mli, ni eyagbe mɛi akpei oha kɛ nyɔŋmai kpaanyɔ kɛ enumɔ. Be ni ate shi leebi maŋkpa lɛ, naa gbɔmɛi lɛ jwere shi ni amɛgboi.

Yesaia 37:38

Ni gbi ko pɛ ni etee ejaa yɛ enyɔŋmɔ ni egbɛi ji Nisrok we lɛ, lɛ nɔŋŋ ebihii, Adramelek kɛ Sharezer, kɛ klante gbe lɛ. Kɛkɛ ni ebihii nɛɛ jo foi kɛtee Ararat shikpɔŋ lɛ nɔ. Kɛkɛ ni bihii lɛ eko ni egbɛi ji Esa-Hardon lɛ baye Sankerib sɛɛ akɛ maŋtsɛ.

Yesaia 47:14

Naa, amɛtamɔ gbetseli, ni la aaakpãtã amɛhiɛ wɛɛ; amɛnyɛŋ amɛhe amɛhere kɛje la lɛ naawalɛ mli. Enɛ jeee ŋai la ni awereɔ, loo la ni ataa he awereɔ.

Yesaia 5:16

Shi Yehowa, Taiatsɛ lɛ, jieɔ egbojee kpo kɛtsɔ̃ jalɛnii ni efeɔ nɔ, ni Nyɔŋmɔ Krɔŋkrɔŋ lɛ tsɔ̃ɔ akɛ ehe tse krɔŋkrɔŋ lɛɛlɛŋ kɛtsɔ̃ jalɛ sane ni eyeɔ lɛ nɔ.

Yesaia 5:24

No hewɔ lɛ, bɔ ni lalilɛi shãa gbetseli, ni la ni tsoɔ shãa jwɛi gbiŋ lɛ, nakai nɔŋŋ amɛfãi lɛ aaakpɔtɔ, ni kɔɔyɔɔ baatswa amɛfofro lɛ ashwie, ejaakɛ amɛkwa Yehowa, Taiatsɛ, mla lɛ, ni amɛgbe Israel Mɔ Krɔŋkrɔŋ Koome lɛ wiemɔ lɛ he guɔ.

Yeremia 10:6

Yehowa, mɔ ko mɔ ko bɛ ni tamɔ bo. Bo lɛ oje agbo, ni ogbɛi hu je agbo, ni eyɛ hewalɛ.

Mika 4:11

Maji pii ekpe ewo nyɛhe, ni amɛkɛɔ akɛ, “Afite Yerusalɛm koni wɔna ni ejwere shi koikoi.”

Zakaria 14:3

Enɛ sɛɛ lɛ Yehowa kɛ nakai maji lɛ baawu tamɔ efeɔ yɛ ta beiaŋ lɛ.

Zakaria 14:8

Nakai gbi lɛ nɔ lɛ wala nu baaho kɛaajɛ Yerusalɛm; fã kome kɛ enaa baaya ayawo Ŋoo Ŋshɔ lɛ mli, ni fã kome lɛ hu kɛ enaa baaya ayawo Mediterenia Ŋshɔ lɛ mli. Hulutsoobe kɛ fɛ̃ibe mli fɛɛ lɛ nu nɛɛ baakã he eho.

Zakaria 2:8

Bɔ ni Yehowa Taiatsɛ lɛ kɛɛ nɛ, “Enunyam lɛ sɛɛ lɛ etsu mi kɛtee maji ni hahaa nyɛnii lɛ aŋɔɔ; ejaakɛ kɛji mɔ ko ta nyɛhe lɛ eta mi diɛŋtsɛ mihiŋmɛiŋ ajaŋmalaatɛ he.

Maleaki 4:1

Yehowa kɛɛ akɛ, “Naa, gbi ko miiba; ni emli edɔ la tamɔ flɔnɔɔ. Eshishɛɛ lɛ gbɔmɛi fɔ̃ji fɛɛ baatsɔ̃mɔ tamɔ abele gbetselii; ebaashã amɛ bɔ ni eshwɛŋ eko eko shishifã loo tso nine.

Mateo 3:12

Ehiɛ eshaatsene yɛ edɛŋ, ni ebaabɛɛ eshikpɔŋ lɛ fitsofitso, ni ebaabua eŋmaa lɛ naa eto eboŋo mli; shi tutuu lɛ, ekɛ la ni gbooo baashã.”

Bɔfoi 9:4

ni eflɛo egbee shi, ni enu gbee ko ni miikɛɛ lɛ akɛ, “Saul, Saul, mɛɛba owaa mi yi?”

5 Mose 33:26

Mɔ ko mɔ ko bɛ ni tamɔ Israel Nyɔŋmɔ lɛ, mɔ ni taa okpɔŋɔ nɔ kɛnyiɛɔ ŋwɛi, ni ekɛ agbojee tsɔ̃ɔ atatuiaŋ kɛbayeɔ ebuaa bo lɛ.

5 Mose 4:24

ejaakɛ Yehowa, nyɛNyɔŋmɔ lɛ, etamɔ la grigri ni shãa nii wɛɛ; ni Nyɔŋmɔ ni yeɔ awuŋã ni.

Hebribii 12:29

Ejaakɛ wɔNyɔŋmɔ lɛ, la ni fiteɔ nii hu ji lɛ.