2 Mose 15:6 - ŊMALƐ KRƆŊKRƆŊ LƐ

⁶ Yehowa, ohewalɛ lɛ hiɛ eba nyam, Yehowa, ohewalɛ lɛ tserɛɔ henyɛlɔ mli.

Ṅmãle̱ Kroṅkroṅ Le̱

⁶ Iehowa, oninedšŭrõ le̱ hĩe eba nyam ye̱ hewale̱ na; Iehowa, oninedšŭrõ le̱ etšere̱ henye̱lo̱ le̱ mli.

2 Mose 15:6 ပူးပေါင်းရင်းမြစ်များ

Lalai 17:7

Jiemɔ onaakpɛɛ suɔmɔ ni tsakeee lɛ kpo otsɔ̃ɔ mi. Oo, bo yiwalaherelɔ ni okɛ ohewalɛ hereɔ mɛi ni taoɔ abobaa lɛ ayiwala kɛjɛɔ amɛhenyɛlɔi adɛŋ.

Lalai 2:9

Okɛ dade dɛhiɛmɔtso aaakumɔ amɛ wɔtsɔwɔtsɔ, ni ooojwara amɛ tamɔ gbɛshɔ̃lɔ gbɛ.”

Lalai 24:8

Namɔ ji anunyam maŋtsɛ nɛɛ? Lɛ ji Yehowa, hewalɔ kɛ kãkãlɔ lɛ. Lɛ ji Yehowa, ta mli kunimyelɔ lɛ.

Lalai 44:3

Ejaakɛ jeee amɛ diɛŋtsɛ amɛklante nɔ amɛtsɔ̃ amɛŋɔ shikpɔŋ lɛ; asaŋ jeee amɛnineshiwalɛ hã amɛye kunim; shi moŋ ohewalɛ kɛ onyɛmɔ naa, kɛ ohiɛ ni kã amɛhe lɛ hã amɛye kunim; ejaakɛ oyɛ amɛhe tsuijurɔ.

Lalai 44:4

Bo ji mimaŋtsɛ kɛ miNyɔŋmɔ, bo ohã Israel ye kunim srɔtoi lɛ.

Lalai 60:5

Okɛ ohewalɛ lɛ ahere wɔyiwala. Bo wɔ toi bɔ ni afee ni mɛi ni osumɔɔ lɛ ahere amɛyiwala.

Lalai 74:11

Mɛɛba osu onine? Mɛɛba osu ohewalɛ ninejurɔ lɛ owo omlishi?

Lalai 77:10

Kɛkɛ ni mikɛɛ akɛ, “Midɔlɛ sane ji akɛ, Ŋwɛi flooflonyo lɛ hewalɛ lɛ etsake.”

Lalai 89:14

Omaŋtsɛyeli lɛ ato shishi ama jalɛ kɛ jalɛ saneyeli nɔ. Anaa suɔmɔ kɛ anɔkwayeli yɛ onɔ fɛɛ nɔ feemɔ mli.

Lalai 98:1

Oo, nyɛlaa lala hee nyɛhãa Yehowa, ejaakɛ efee naakpɛɛnii. Ejɛ lɛ diɛŋtsɛ ehewalɛ krɔŋŋ lɛŋ eye kunim ehã ehe.

2 Mose 15:11

“Namɔ tamɔ Bo, Yehowa, yɛ nyɔŋmɔi lɛ ateŋ? Namɔ tsuɔ nyam nii ni yɔɔ gbeyei kɛ naakpɛɛ?

2 Mose 15:12

Okpa oninejurɔ mli, ni shikpɔŋ lɛ mi amɛ.

2 Mose 15:16

Gbeyei kɛ ŋmiŋmi eloo amɛ, onineshi tsiimɔ sɔŋŋ ehã amɛmu shi dɛoo kɛyaashi beyinɔ ni Yehowa, omaŋ lɛ aaaho, kɛyaashi mɛi ni okpɔ̃ lɛ aaaho.

2 Mose 18:8

Ni Mose gba eshaanuu lɛ nibii fɛɛ ni Yehowa fee Farao kɛ Ijiptbii yɛ Israelbii lɛ ahewɔ lɛ. Egba lɛ haomɔi hu ni ba Israelbii lɛ anɔ yɛ amɛgbɛfãa lɛ mli, kɛ bɔ ni fee ni Yehowa jie amɛ yɛ mli.

2 Mose 3:20

No hewɔ lɛ, majie mihewalɛ kpo matsɔ̃ɔ Ijipt, ni mikɛ naakpɛɛ nii ni mafee yɛ jɛi lɛ aaagbala Ijipt toi, ni no sɛɛ dani eeehã nyɛya.

2 Mose 6:1

Kɛkɛ ni Yehowa kɛɛ Mose akɛ, “Kpaako obaana nɔ ni mibafee Farao. Ja minineshiwalɛ naa dani eeehã Israelbii lɛ aya. Anɔkwa, minineshiwalɛ naa hu dani eeeshwie amɛ kɛje eshikpɔŋ lɛ nɔ.”

Yesaia 30:14

Ekuumɔ lɛ aaafee tamɔ gbɛshɔ̃lɔ gbɛ ni ajwara lɛ wɔtsɔwɔtsɔ bɔ ni anaaa eŋɛsuko kome po nɛkɛ kɛkɛ yɛ ekoi lɛ amli ni aaanyɛ akɛje la yɛ latɛ mli, aloo akɛyɛ nu yɛ dudɔ mli tete.”

Yesaia 51:9

Tee shi, tee shi koo! Yehowa, wo ohewalɛ nine lɛ nɔ. Tee shi tamɔ ofee blema ko lɛ, tamɔ yɛ jeeŋmɔ yinɔi komɛi anɔ lɛ. Aso jeee bo ofolɔ ŋshɔŋ kooloo Rahab lɛ mli dukuduku lɛ? Aso jeee bo ofolɔ kooloo drako gbeyeigbeyei lɛ mli lɛ?

Yesaia 52:10

Yehowa ejie ehewalɛ krɔŋkrɔŋ lɛ kpo etsɔ̃ɔ majimaji lɛ fɛɛ, ni jeŋ muu lɛ fɛɛ aaana wɔNyɔŋmɔ lɛ dɛŋ yiwalaheremɔ lɛ.

Yesaia 63:12

Nɛgbɛ mɔ ni ha enunyam hewalɛ lɛ tsɔ Mose nɔ etsu nibii wuji lɛ yɔɔ? Nɛgbɛ mɔ ni gba ŋshɔ lɛ mli yɛ amɛhiɛ, ni ekɛna naanɔ gbɛi eha ehe lɛ,

Yeremia 13:14

Ni mibamɔmɔ tsɛmɛi kɛ bii fɛɛ mikɛtswiatswia amɛhe; ni mi, Yehowa, miikɛɛ akɛ minaŋ mɔbɔ, ni mikɔ̃ŋ mifiliŋ, ni mimusuŋ etsɔ̃ŋ mi akɛ mikpãtã amɛhiɛ.’ ”

Mateo 6:13

Ni okɛ wɔ akaya kaa mli; shi jiemɔ wɔ kɛjɛ efɔŋ mli. [Shi onɔ ji maŋtsɛyeli lɛ kɛ hewalɛ lɛ kɛ anunyam lɛ kɛyashiɔ naanɔ. Amen.’]

Kpojiemɔ 2:27

tamɔ bɔ ni mi hu mina kɛjɛ miTsɛ ŋɔɔ lɛ, ni ekɛ dadetso aaakpala amɛ ni eeejwara amɛ tamɔ ajwaraa su gbɛi;

1 Samuel 2:10

Yehowa henyɛlɔi lɛ, aaakumɔ amɛ dukuduku ashwie shi; eeehã ŋwɛi ashimɔ awo amɛ; Yehowa ji je lɛ fɛɛ hiɛnyiɛlɔ; ebaahã emaŋtsɛ lɛ ana hewalɛ, ni emɔ ni efɔ lɛ mu lɛ eeehã eye kunim.”