2 Mose 15:26 - ŊMALƐ KRƆŊKRƆŊ LƐ

²⁶ ni ekɛɛ, “Kɛji nyɛaaye Yehowa, ni ji nyɛNyɔŋmɔ lɛ, gbee nɔ kadikadi, ni nyɛaafee nɔ ni ja gbɛ yɛ ehiɛ, ni nyɛaaye ekpɔi kɛ kitãi fɛɛ anɔ lɛ, no lɛ helai ni mihã ye Ijiptbii lɛ eko eko yeŋ nyɛ, ejaakɛ mi ji Yehowa, nyɛtsalɔ lɛ.”

Ṅmãle̱ Kroṅkroṅ Le̱

²⁶ ni ekē̱: Ke̱dši oobo Iehowa, o-Nyoṅmo̱ le̱, gbē toi, ni oofe noni dša gbe̱ ye̱ ehĩe, ni oobo ekitãi le̱ atoi, ni ooye ekpoi le̱ fẽ no̱ le̱, no le̱ *helai le̱ ní mike̱ba Mizraimbii ano̱ le̱, mike̱ ekomeflo baṅ ono̱; edšake̱ midši Iehowa †otšalo̱ le̱. *5 Mose 7,15. †5 Mose 32,39. Mat. 9,12.

2 Mose 15:26 ပူးပေါင်းရင်းမြစ်များ

1 Maŋtsɛmɛi 11:33

Mibafee enɛ, ejaakɛ Solomon ekwa mi, eyaja Astarte, Sidonbii lɛ anyɔŋmɔ lɛ, kɛ Kemosh, Moab nyɔŋmɔ lɛ, kɛ Molek, Amonbii anyɔŋmɔ lɛ; ebaaa ejeŋ jogbaŋŋ koni efee jalɛnii ni sa mihiɛ ni eye mikpɔi kɛ mimlai lɛ anɔ, tamɔ bɔ ni etsɛ David fee lɛ.

1 Maŋtsɛmɛi 11:38

Kɛji ooobo mi toi, ni oooye kitãi ni miwoɔ bo lɛ nɔ, ni oooba ojeŋ jogbaŋŋ, ni ooofee nɔ ni ja yɛ mihiɛ, ni oooye mikpɔi kɛ mikitãi lɛ anɔ tamɔ bɔ ni mitsulɔ David fee lɛ, no lɛ mi kɛ bo aaahi shi; mawo bo Israel nɔ maŋtsɛ, ni mahã oshwiei aye lumɔ yɛ osɛɛ, tamɔ bɔ ni mifee mihã David lɛ.

2 Maŋtsɛmɛi 2:21

Ni etee nuhiŋmɛi lɛ he, ni eyatsi ŋoo lɛ ewo mli, ni ekɛɛ akɛ, “Bɔ ni Yehowa kɛɛ nɛ, ‘Mifee nu nɛɛ krɔŋŋ, ni ehaŋ gbele loo sharakemɔ aba dɔŋŋ.’ ”

2 Maŋtsɛmɛi 20:5

“Kũu osɛɛ ni oyakɛɛ Hezekia, mimaŋ lɛ nɔ lumɔ lɛ, akɛ, ‘Bɔ ni Yehowa, otsɛ David Nyɔŋmɔ lɛ, kɛɛ nɛ, minu ofaikpamɔ lɛ, ni mina ohiɛ yaafonu lɛ; naa, mibatsa bo; ni biɛ gbii etɛ̃ lɛ, ooonyiɛ onane nɔ kɛaaya Yehowa we lɛ.

2 Maŋtsɛmɛi 22:2

Yosia fee jalɛ nii ni sa Yehowa hiɛ, ni ekɔ eblematsɛ David nane. Eshihilɛ mli lɛ, egbaaa ninejurɔ lɛ, egbaaa abɛku.

Hiob 5:18

Ejaakɛ epilaa mɔ, shi lɛ nɔŋŋ efiɔ nɔ, etswaa mɔ nɔ, ni enine nɔŋŋ tsaa.

Lalai 103:3

Lɛ ji mɔ ni kɛ onishaianii fɛɛ faa; ni etsaa ohelai fiaa kwa lɛ.

Lalai 147:3

Lɛ etsaa mɛi ni tsuii ekumɔ lɛ, ni efimɔɔ amɛpilamɔi lɛ anɔ.

Lalai 81:9

Nyɔŋmɔ kroko ko kwraa akahi nyɛteŋ; nyɛkajaa maŋsɛɛ nyɔŋmɔ ko kwraa.

2 Mose 12:29

Gbi lɛ nyɔɔŋteŋ lɛ Yehowa tswia Ijipt shikpɔŋ lɛ nɔ kromɔbii fɛɛ nii, kɛjɛ Farao kromɔbi lɛ ni baaye etsɛ sɛɛ yɛ maŋtsɛ sɛi lɛ nɔ lɛ nɔ, kɛyashi gboklɛfonyo ni kã kpabu mli lɛ kromɔbii kɛ shĩa kooloi akromɔbii fɛɛ nɔ.

2 Mose 19:5

No hewɔ lɛ, agbɛnɛ kɛji nyɛaabo mi toi, ni nyɛaaye mikpãŋmɔ lɛ nɔ lɛ, no lɛ nyɛaatsɔ̃ mi diɛŋtsɛ minɔ yɛ maji fɛɛ ateŋ; ejaakɛ je lɛ fɛɛ lɛ minɔ ni.

2 Mose 19:6

Mibafee nyɛ osɔfoi abladei, mibafee nyɛ maŋ krɔŋkrɔŋ. Nɔ ni okɛɛ Israelbii lɛ nɛ.’ ”

2 Mose 20:2

“Mi ji Yehowa, oNyɔŋmɔ lɛ, ni mi mijie bo yɛ nyɔŋyeli mli kɛjɛ Ijipt shikpɔŋ lɛ nɔ lɛ.

2 Mose 23:25

Kɛji nyɛsɔ̃mɔ mi, Yehowa nyɛNyɔŋmɔ lɛ, madro nyɛ niyenii kɛ nu, ni makɔ hela yɛ nyɛteŋ mashɛ mafɔ̃ kwraa.

Yesaia 55:3

“Nyɛfea toi, ni nyɛbaa miŋɔɔ! Nyɛboa mi toi, ni nyɛyi aaana wala. Mi kɛ nyɛ baakpãŋ naanɔ kpãŋmɔ, ni ji mimɔbɔnalɛ ni sɛɛ efooo ni mikɛwo David shi lɛ.

Yesaia 57:18

“Mina gbɛ fɔŋ ni enyiɛ lɛ, shi mibatsa lɛ. Mibakpala lɛ, ni mibashɛje lɛ kɛ mɛi ni ekɛyeɔ ŋkɔmɔ lɛ amii.

Yeremia 11:7

Ejaakɛ mikpã miwo nyɛtsɛmɛi lɛ atoiŋ gbi nɔ ni mijie amɛ kɛje Ijipt shikpɔŋ lɛ nɔ lɛ, ni mikã he miikpã miiwo amɛtoiŋ lolo kɛbashi ŋmɛnɛ gbi nɛɛ akɛ, nyɛboa migbee toi.

Yeremia 17:24

“Shi mi, Yehowa miikɛɛ akɛ, ‘Kɛji nyɛbo mi toi, ni nyɛkɛ jatsu ko jatsu ko tsɔ̃ɔɔ maŋ nɛɛ agbo ko mli kɛboteee maŋ lɛ mli yɛ hejɔɔmɔ gbi lɛ nɔ, shi moŋ nyɛye hejɔɔmɔ gbi lɛ akɛ gbi krɔŋkrɔŋ, ni nyɛtsuuu nitsumɔ ko nitsumɔ ko yɛ nɔ lɛ,

Yeremia 30:17

Ejaakɛ mahã nyɛna hewalɛ ekoŋŋ, ni matsa nyɛfaji lɛ, ejaakɛ amɛtsɛ bo mɔ ni ashwie lɛ, ‘Zion ni jeee mɔ ko he sane ji lɛ.’ Mi, Yehowa mikɛɛ.

Yeremia 33:6

Shi naa, mi nɔŋŋ mibasaa maŋ lɛ ni matee lɛ shi ekoŋŋ ni mahã emli bii ana toiŋjɔlɛ babaoo, amɛbaashwere ni amɛbaafee shweshweeshwe.

Yeremia 7:23

Shi moŋ miwo amɛ kitã akɛ, ‘Nyɛyea migbee nɔ, ni matsɔ̃ nyɛNyɔŋmɔ, ni nyɛ hu nyɛbaatsɔ̃ mimaŋ; nyɛbaa nyɛjeŋ yɛ kitãi ni miwo nyɛ lɛ anaa, bɔ ni afee ni ahi ahã nyɛ.’

Yeremia 8:22

Ani tsofa bɛ Gilead lo? Tsofatsɛmɛi bɛ jɛi lo? Mɛni hewɔ mɔ ni atsako mimaŋbii lɛ?

Ezekiel 18:5

“Ŋɔɔ lɛ akɛ mɔ ko yɛ ni ji jalɔ, ni eyeɔ jalɛ sane, ni efeɔ nɔ ni ja.

Hosea 11:3

Tsɛbelɛ mi mifee Israel tataa ni ele nyiɛmɔ. Mihole amɛ mifɔ̃ mikpɔkɔiaŋ, shi amɛŋɔɔɔ nɔ akɛ mi mihere amɛ.

Hosea 6:1

Maŋbii lɛ aaakɛɛ akɛ, “Nyɛbaa koni wɔkpalea kɛyaa Yehowa ŋɔɔ. Akɛni lɛ etserɛ wɔmli lɛ, lɛ eeetsa wɔ; ni akɛni lɛ etswia wɔ nii lɛ, lɛ eeefi nɔ ehã wɔ.

3 Mose 26:13

Mi ji Yehowa, nyɛNyɔŋmɔ lɛ, mɔ ni jie nyɛ yɛ Ijipt shikpɔŋ lɛ nɔ koni nyɛkahi shi akɛ amɛnyɔji dɔŋŋ lɛ. Mikumɔ tsei ni akɛwo nyɛ apã lɛ, ni mihã nyɛnyiɛ ni apã kãaa nyɛkuɛ.”

3 Mose 26:3

“Kɛji nyɛba nyɛjeŋ yɛ mikpɔi lɛ anaa, ni nyɛbu mikitãi lɛ, ni nyɛye amɛnɔ lɛ,

4 Mose 12:13

No hewɔ lɛ, Mose bo etsɛ Yehowa, ni ekɛɛ akɛ, “Naa Nyɔŋmɔ, ofainɛ, tsa obiyoo.”

5 Mose 12:25

Nyɛkayea la lɛ bɔ ni afee ni kɛji nyɛfee nɔ ni ja yɛ Yehowa hiɛ lɛ, ahi ahã nyɛ kɛ nyɛshwiei fɛɛ.

5 Mose 12:28

Nyɛjwɛŋa nɔ, ni nyɛyea nibii fɛɛ ni mikɛɛ nyɛ lɛ nɔ, ni ebaahi ehã nyɛ kɛ nyɛshwiei fɛɛ kɛya naanɔ, kɛ nyɛfee nɔ ni hi kɛ nɔ ni ja yɛ Yehowa, nyɛNyɔŋmɔ lɛ, hiɛ lɛ.

5 Mose 13:18

ejaakɛ nyɛbo Yehowa, nyɛNyɔŋmɔ lɛ, toi, ni nyɛye ekitãi ni miwoɔ nyɛ ŋmɛnɛ gbi nɛɛ lɛ nɔ, ni nyɛfee nɔ ni ja yɛ Yehowa, nyɛNyɔŋmɔ lɛ, hiɛ.”

5 Mose 28:27

Yehowa aaahã asanei ni ye Ijiptbii lɛ eko kɛ fala kɛ abuasha kɛ kpla ni ehiii tsamɔ aye bo.

5 Mose 28:58

“Kɛji okwɛɛɛ ni ahi koni oye nɛkɛ mlai ni aŋma yɛ nɛkɛ wolo nɛɛ mli lɛ anɔ, ni oooshe Yehowa, oNyɔŋmɔ lɛ, gbɛi ni yɔɔ nyam kɛ gbeyei fɛɛ lɛ gbeyei lɛ,

5 Mose 28:60

Eeehã helai lɛ ni osheɔ amɛ gbeyei, nɔ ni ona Ijiptbii ye eko lɛ aye bo; ni helai nɛɛ baaka ohe.

5 Mose 32:39

“‘Te nyɛna akɛ Mi nɔŋŋ ji Mi, ni misɛɛ lɛ nyɔŋmɔ ko bɛ dɔŋŋ? Migbeɔ, ni mihãa wala, mipilaa mɔ, ni mitsaa mɔ, ejaakɛ mɔ ko nyɛɛɛ nɔ ko ashɔ̃ yɛ mi midɛŋ.

5 Mose 5:1

Mose tsɛ Israelbii lɛ fɛɛ kɛbakpe, ni ekɛɛ amɛ akɛ, “Israelbii, nyɛboa akpɔi kɛ mlai ni mibajaje mawo nyɛtoiiaŋ ŋmɛnɛ nɛɛ toi; nyɛkasea ni nyɛjwɛŋa nɔ jogbaŋŋ ni nyɛye nɔ.

5 Mose 7:15

Ni Yehowa baajie helai fɛɛ kɛje nyɛteŋ; ehaŋ Ijipt helai fɔ̃ji lɛ eko kwraa aye nyɛ; shi moŋ ebaahã helai nɛɛ aye nyɛhenyɛlɔi lɛ fɛɛ.