2 Mose 15:21 - ŊMALƐ KRƆŊKRƆŊ LƐ

²¹ Miriam wo lala ekɛɛ, “Nyɛlaa nyɛhãa Yehowa ejaakɛ eye kunim kɛwo ehiɛ nyam; etsirɛ okpɔŋɔ kɛ enɔtalɔ lɛ ewo ŋshɔŋ.”

Ṅmãle̱ Kroṅkroṅ Le̱

²¹ Ni Miriam here no̱ ehãame̱ ake̱: Nyelaä nyehãa Iehowa; edšake̱ ewo ehĩe nyam, okpo̱ṅo̱ ke̱ eno̱tálo le etšire̱ame̱ eſie ṅšo̱ṅ. K. 1.

2 Mose 15:21 ပူးပေါင်းရင်းမြစ်များ

2 Samuel 1:20

Nyɛkayagbaa enɛ yɛ Gat; akatsi enɛ tã yɛ Ashkelon blohuiaŋ koni Filistibii lɛ abiyei lɛ akanya, ni foolɔi lɛ abiyei lɛ miitumɔ.

2 Samuel 6:14

David jo kɛ ehewalɛ fɛɛ ekɛwo Yehowa hiɛ nyam, ni emia kɛ klala efod pɛ.

2 Kronika 5:13

Tɛtɛrɛmantɛrɛkpãlɔi nɛɛ kɛ lalatsɛmɛi lɛ anitsumɔ ji akɛ amɛla kɛjie Yehowa yi, asaŋ kɛda lɛ shi hu. Be ni osɔfoi lɛ je kpo nɔŋŋ yɛ He Krɔŋkrɔŋ Fe Fɛɛ lɛ, kɛkɛ ni Levibii lɛ wo lala nɔ kɛ tɛtɛrɛmantɛrɛi kɛ ŋmɛji kɛ saŋkui srɔtoi, ni amɛ jie Yehowa yi amɛkɛɛ, “Yehowa hi, ejaakɛ emɔbɔnalɛ sɛɛ efooo, emɔbɔnalɛ lɛ yɛ kɛmiiya naanɔ.” Kɛkɛ ni atatu bayi Yehowa Sɔlemɔtsu lɛŋ obɔ̃;

Lalai 76:6

Oo Yakob Nyɔŋmɔ, oŋa amɛyi, okpɔŋɔ kɛ enɔtalɔ fɛɛ tswia shi ni amɛgboi.

2 Mose 15:1

Kɛkɛ ni Mose kɛ Israelbii lɛ la nɛkɛ lala nɛɛ kɛjie Yehowa yi, ni amɛkɛɛ, “Mala majie Yehowa yi, ejaakɛ eye kunim kpeteŋkple kɛwo ehiɛ nyam; okpɔŋɔ kɛ enɔtalɔ lɛ etsirɛ amɛ ewo ŋshɔŋ.

2 Mose 15:4

“Farao shwiilii lɛ kɛ eta lɛ eloo ewo ŋshɔŋ, ni etatsɛmɛi kpanakpanaa lɛ, amii amɛ nu yɛ Ŋshɔ Tsuru lɛ mli.

Kpojiemɔ 14:3

Ni amɛlaa lala hee ko yɛ maŋtsɛ sɛ̃i lɛ hiɛ kɛ hiɛkãalɔi ejwɛ lɛ kɛ onukpai lɛ ahiɛ; ni mɔ ko nyɛɛɛ lala lɛ akase, akɛ ja mɛi akpei oha kɛ nyɔŋmai ejwɛ kɛ ejwɛ lɛ ni akpɔ̃ kɛjɛ shikpɔŋ lɛ nɔ lɛ kɛkɛ.

Kpojiemɔ 15:3

Ni amɛla Nyɔŋmɔ tsulɔ Mose lala lɛ kɛ Toobi lɛ lala lɛ amɛkɛɛ, “Onitsumɔi lɛ dara ni amɛyɛ naakpɛɛ, Nuŋtsɔ Nyɔŋmɔ Ofe! Ogbɛi lɛ ja ni anɔkwale ni, bo jeŋmaji lɛ aMaŋtsɛ!

Kpojiemɔ 5:9

Ni amɛla lala hee ko amɛkɛɛ, “Osa akɛ oheɔ wolo lɛ ni otserɛɔ enaasɔomɔi lɛ, ejaakɛ agbe bo, ni okɛ olá lɛ ekpɔ̃ mɛi ehã Nyɔŋmɔ kɛjɛ akutso fɛɛ akutso kɛ wiemɔ fɛɛ wiemɔ kɛ jeŋmaŋ fɛɛ jeŋmaŋ mli.

Kojolɔi 5:3

Nyɛboa toi! Nyɛ maŋtsɛmɛi! Nyɛfea toi! Nyɛ lumɛi! La mala, saŋku matswa mahã Israel Nyɔŋmɔ, Yehowa.

1 Samuel 18:6

Be ni David egbe Filistinyo Goliat lɛ, ni Israel tabilɔi lɛ eku amɛsɛɛ kɛbaa shĩa lɛ, Israel yei lɛ jɛjɛɛ amɛmaji lɛ amli amɛkɛ lala kɛ joo bakpee Maŋtsɛ Saul. Amɛhiɛ fa bii kɛ ŋoŋoi kɛ miji; ni amɛnya;

1 Samuel 18:7

ni amɛla be mli ni amɛnyaa lɛ amɛkɛɛ akɛ, “Saul egbe akpekpei abɔ, shi David egbe akpei nyɔŋmai abɔ.”