2 Mose 15:20 - ŊMALƐ KRƆŊKRƆŊ LƐ

²⁰ Kɛkɛ ni gbalɔyoo Miriam, Aaron nyɛmiyoo lɛ, kɔ fao ehiɛ edɛ̃, ni yei lɛ fɛɛ kɔlɔ fabii kɛnyiɛ esɛɛ, ni amɛsha ni amɛjo.

Ṅmãle̱ Kroṅkroṅ Le̱

²⁰ Ni gbalo̱yō Miriam ní dši Aaron nyemiyō le̱ ke̱ *fao hĩe edeṅ, ni yei le̱ fẽ nyie ese̱ ni ame̱ša fabii, ni ame̱dšodšoi. *Lal. 68,26.

2 Mose 15:20 ပူးပေါင်းရင်းမြစ်များ

1 Mose 31:27

Mɛɛ hewɔ ni ojo foi dujiaŋ ni oshɛɛɛ mi koni kulɛ mikɛ lala kɛ milɛ̃ kɛ kpãa saŋku ayajie bo gbɛ kɛ miishɛɛ?

2 Samuel 1:20

Nyɛkayagbaa enɛ yɛ Gat; akatsi enɛ tã yɛ Ashkelon blohuiaŋ koni Filistibii lɛ abiyei lɛ akanya, ni foolɔi lɛ abiyei lɛ miitumɔ.

2 Samuel 6:14

David jo kɛ ehewalɛ fɛɛ ekɛwo Yehowa hiɛ nyam, ni emia kɛ klala efod pɛ.

2 Samuel 6:16

Be ni akɛ Kpãŋmɔ Adeka lɛ shɛ Yerusalɛm lɛ, Mikal, Saul biyoo lɛ, bu samflɛ naa, ni ena Maŋtsɛ David ni eehuru ni eejo kɛmiiwo Yehowa hiɛ nyam, ni David he fee Mikal hiɛgbele.

2 Samuel 6:5

David kɛ Israel maŋ muu lɛ fɛɛ nya kɛ lalai kɛ saŋkui kɛ obentai kɛ fabii kɛ miji kɛ ŋoŋoi amɛkɛwo Yehowa hiɛ nyam kɛ amɛnyɛmɔ fɛɛ.

2 Maŋtsɛmɛi 22:14

No hewɔ lɛ, Osɔfo Hilkia kɛ Ahikam kɛ Akbor kɛ Shafan kɛ Asaia yiŋ amɛtee gbalɔyoo Hulda ŋɔɔ, ni amɛyabɔ lɛ amaniɛ. Yerusalɛm akutso hee ko mli Hulda yɔɔ. Hulda nɛɛ ji mɔ ni kwɛɔ atadei ni yɔɔ Sɔlemɔ we lɛ mli lɛ nɔ.

1 Kronika 15:16

David fã Levibii lɛ anukpai lɛ akɛ amɛhala amɛnyɛmimɛi lɛ ateŋ jooshwɛlɔi lɛ ateŋ mɛi komɛi koni amɛla, kɛ mɛi komɛi hu koni amɛkɛ obentai kɛ saŋkui kɛ ŋmɛji ashwɛ joo kɛwo nifeemɔ lɛ he sɔlɛ.

1 Kronika 6:3

Amram fɔ bihii enyɔ, Aaron kɛ Mose, kɛ biyoo kome ni ji Miriam. Aaron fɔ bihii ejwɛ: Nadad kɛ Abihu kɛ Eleazar kɛ Itamar.

Nehemia 6:14

Misɔle mikɛɛ, “MiNyɔŋmɔ, kaimɔ ni okɛ Tobia kɛ Sanbalat aye kɛ joomɔ yɛ nibii ni amɛfee lɛ naa. Kaimɔ gbalɔyoo Noadia kɛ gbalɔi krokomɛi lɛ hu koni okɛ amɛ aye; amɛ amɛtaoɔ ni kulɛ amɛwo mihe gbeyei lɛ.”

Lalai 149:3

Hã amɛkɛ joo ajie egbɛi lɛ yi, ni amɛkɛ miji kɛ saŋku ala amɛkɛjie eyi.

Lalai 150:4

Nyɛjiea eyi kɛ miji kɛ joo, nyɛjiea eyi kɛ kpãa saŋku kɛ bɛji!

Lalai 30:11

Ohã mikɔmɔyeli lɛ etsɔ̃ miishɛɛ joo ehã mi. Ojie mihe kpekpe lɛ, ni okɛ miishɛɛ ebu mi tamɔ mama.

Lalai 68:11

Nuŋtsɔ lɛ fã, ni yei babaoo diɛŋtsɛ gbɛ kunimyeli wiemɔ lɛ shwã.

Lalai 68:25

Lalɔi lɛ nyiɛ hiɛ, saŋkutswalɔi lɛ nyiɛ sɛɛ, ni oblayei ni shaa fabii lɛ nyiɛ teŋ.

Lalai 68:26

Ajie Nyɔŋmɔ yi yɛ asafo kpele lɛ mli. Oo, nyɛ Yakob shwiei, nyɛjiea Nuŋtsɔ lɛ yi.

Lalai 81:2

Nyɛwoa lala, ni nyɛtswaa ŋoŋo; nyɛkɛ saŋku kɛ obenta atswaa lala kɛ ŋɔɔmɔ.

2 Mose 2:4

Belɛ abifao lɛ nyɛmiyoo damɔ sɛɛ flɛŋŋ eekwɛ nɔ ni aaaba enɔ.

Jajelɔ 3:4

Yaafo be yɛ, ni ŋmɔlɔ be hu yɛ; awerɛhoyeli be yɛ, ni be yɛ ni ajoɔ.

Yeremia 31:4

Ao! Oblayoo foro Israel! Mibasaa matswa bo tamɔ tsu mama shi ekoŋŋ, ni oooma shi hu. Oookɔlɔ omiji lɛ otsotsoro ekoŋŋ ni oooje kpo okɛ mɛi ni amli efili amɛ aaayajo kɛ miishɛɛ.

Mika 6:4

Ejaakɛ mi mijie bo kɛjɛ Ijipt shikpɔŋ lɛ nɔ, ni mikpɔ̃ bo yɛ nyɔŋyeli mli. Mitsu Mose kɛ Aaron kɛ Miriam kɛba akɛ ohiɛnyiɛlɔi.

4 Mose 12:1

Miriam kɛ Aaron wie amɛshi Mose yɛ Kushyoo ko ni Mose yaŋɔ̃ lɛ hewɔ,

4 Mose 12:2

ni amɛkɛɛ akɛ, “Ani Mose kome kɛkɛ Yehowa kɛwieɔ? Ani wɔ hu ekɛ wɔ ewieko pɛŋ?” Yehowa nu Miriam kɛ Aaron wiemɔ nɛɛ.

4 Mose 20:1

Israelbii asafo muu lɛ fɛɛ yashɛ Zin ŋa lɛ nɔ yɛ klɛŋklɛŋ nyɔŋ lɛ nɔ, ni amɛto shi yɛ Kadesh. Biɛ Miriam gbo ni afu lɛ yɛ.

4 Mose 26:59

mɔ ni kɛ Levi biyoo Yokebed, mɔ ni efɔ yɛ Ijipt lɛ, hi shi akɛ eŋa lɛ. Amran kɛ Yokebed fɔ Aaron kɛ Mose kɛ amɛnyɛmi yoo Miriam.

Luka 2:36

Ni gbalɔyoo ko ni atsɛɔ lɛ Hana yɛ, ni ji Fanuel biyoo, ni jɛ Asher akutso lɛ mli; egbɔ naakpa, ni ekɛ ewu ehi shi afii kpawo kɛjɛ eblayeiaŋ,

Bɔfoi 21:9

Ni eyɛ biyei oblayei ejwɛ ni gbaa.

1 Korintobii 11:5

Shi yoo fɛɛ yoo ni sɔleɔ loo egbaa ni ehiɛ eyitso folo lɛ, lɛ hu eegbe eyitso lɛ he guɔ; ejaakɛ etamɔ nɔ ni eshɛ eyi nɔŋŋ pɛ.

1 Korintobii 14:34

yei lɛ afee dioo yɛ asafoi lɛ amli, ejaakɛ aŋmɛɛɛ amɛ gbɛ ni amɛwie, shi moŋ amɛba amɛhe shi, tamɔ bɔ ni Mla lɛ kɛɔ lɛ.

Kojolɔi 11:34

Be ni Yefta ku esɛɛ kɛbaa ewe lɛ yɛ Mizpa lɛ, naa, ebiyoo lɛ je kpo kɛ fabii kɛ joi kɛba koni ebakpee lɛ. Yefta bi koome pɛ ji lɛ; esɛɛ lɛ ebɛ binuu lɛ, ebɛ biyoo hu.

Kojolɔi 21:21

Kɛji Shilo oblayei lɛ je kpo ba amɛbajo lɛ, kɛkɛ lɛ nyɛfãa kpo kɛjɛa waintromi lɛ amli kɛbaa koni nyɛteŋ mɔ fɛɛ mɔ abamɔ eŋã yɛ Shilo oblayei lɛ ateŋ, koni nyɛkɛ amɛ aya Benyamin shikpɔŋ lɛ nɔ.

Kojolɔi 4:4

Nɛkɛ be nɛɛ mli lɛ, gbalɔ yoo Debora, Lapidot ŋã lɛ, ji Israelbii lɛ akojolɔ.

1 Samuel 10:5

No sɛɛ lɛ, obaaya oyashɛ Nyɔŋmɔ Gɔŋ lɛ nɔ yɛ Gibea he ni Filistibii asraafoi yɔɔ lɛ. Kɛji obɛŋkɛ maŋ lɛ, okɛ gbalɔi asafo ku baakpe ni amɛjɛ afɔleshãa latɛ lɛ he yɛ gɔŋ lɛ nɔ amɛmiikpeleke shi, ni akɛ obenta kɛ milɛ kɛ blɛ kɛ saŋku nyiɛ amɛhiɛ, ni asaŋ amɛmiigba.

1 Samuel 18:6

Be ni David egbe Filistinyo Goliat lɛ, ni Israel tabilɔi lɛ eku amɛsɛɛ kɛbaa shĩa lɛ, Israel yei lɛ jɛjɛɛ amɛmaji lɛ amli amɛkɛ lala kɛ joo bakpee Maŋtsɛ Saul. Amɛhiɛ fa bii kɛ ŋoŋoi kɛ miji; ni amɛnya;