2 Mose 15:11 - ŊMALƐ KRƆŊKRƆŊ LƐ

¹¹ “Namɔ tamɔ Bo, Yehowa, yɛ nyɔŋmɔi lɛ ateŋ? Namɔ tsuɔ nyam nii ni yɔɔ gbeyei kɛ naakpɛɛ?

Ṅmãle̱ Kroṅkroṅ Le̱

¹¹ Namo *tamo̱o, Iehowa, ye̱ nyoṅmo̱i le̱ ateṅ? Namo tamo̱o ní ohĩe yo̱ nyam ye̱ kroṅkroṅfemo̱ mli, ni ohe yo̱ gbeyei, ni adšieo oyi, ni †ofeo̱ nākpenii hũ? *18,11. †Lal. 72,18. 19.

2 Mose 15:11 ပူးပေါင်းရင်းမြစ်များ

2 Samuel 7:22

Anɔkwa, oda kpeteŋkple, Ofe, ejaakɛ mɔ ko mɔ ko kɛ bo yeee egbɔ, ni asaŋ yɛ nii fɛɛ ni wɔnu kɛ wɔtoi lɛ naa lɛ, osɛɛ lɛ nyɔŋmɔ ko nyɔŋmɔ ko bɛ.

1 Maŋtsɛmɛi 8:23

ni ekɛɛ, “Yehowa, Israel Nyɔŋmɔ! Nyɔŋmɔ ko bɛ ŋwɛi yɛ yiteŋ gbɛ loo shikpɔŋ lɛ nɔ yɛ shishigbɛ ni tamɔ bo, ni otoɔ kpãŋmɔ kɛ mɔbɔnalɛ ohãa otsuji ni boɔ bo toi kɛ amɛtsui fɛɛ lɛ.

1 Kronika 16:25

Ejaakɛ Yehowa je agbo, ni esa yijiemɔ kpeteŋkple ni esa gbeyeishemɔ fe nyɔŋmɔi srɔtoi fɛɛ.

2 Kronika 2:5

Tsu ni mibama lɛ baada kpeteŋkple diɛŋtsɛ ejaakɛ wɔNyɔŋmɔ lɛ eda fe nyɔŋmɔi krokomɛi fɛɛ.

2 Kronika 6:14

ni esɔle ekɛɛ, “Yehowa, Israel Nyɔŋmɔ, nyɔŋmɔ ko nyɔŋmɔ ko bɛ ni tamɔ bo yɛ ŋwɛi kɛ shikpɔŋ lɛ nɔ fɛɛ. Otoɔ kpãŋmɔ ni okɛ otsuji ekpãŋ, ni ojieɔ osuɔmɔ ni sɛɛ efooo lɛ otsɔ̃ɔ mɛi fɛɛ ni kɛ amɛtsui fɛɛ boɔ bo toi lɛ.

Lalai 113:5

Namɔ tamɔ Yehowa wɔNyɔŋmɔ lɛ, mɔ ni yɔɔ ŋwɛii amli ŋwɛi,

Lalai 119:120

Ohe gbeyei naa lɛ, mihe kpokpoɔ; ni miishe odɛ̃ŋ kojomɔi lɛ agbeyei.

Lalai 136:4

Mɔ koome ni efeɔ naakpɛɛnii wuji lɛ; ejaakɛ naanɔ esuɔmɔ ni tsakeee lɛ hiɔ shi kɛyaa!

Lalai 145:17

Yehowa ja yɛ egbɛi fiaa mli, ni emli hi yɛ enifeemɔi fiaa mli.

Lalai 22:23

Nyɛ Yehowa gbeyeishelɔi, nyɛjiea Yehowa yi. Nyɛ Yakob shwiei fɛɛ, nyɛwoa ehiɛ nyam; ni nyɛ Israel shwiei bluublu, nyɛkɛ woo ahãa lɛ.

Lalai 35:10

Migbɔmɔtso muu lɛ fɛɛ aaakɛɛ akɛ, “Oo Yehowa, namɔ tamɔ bo, bo mɔ ni ohereɔ gbɔjɔlɔi kɛjɛɔ mɛi ni he wawaa fe amɛ lɛ adɛŋ; ni ohereɔ gbedelɔi kɛ ohiafoi kɛjeɔ mɛi ni yeɔ amɛ amim lɛ adɛŋ.”

Lalai 60:2

Ohã shikpɔŋ lɛ ehoso, ni ohã emli egbala; tsaramɔ hei ni egbala lɛ, ejaakɛ ewɔtsɔ.

Lalai 66:5

Nyɛbaa nyɛbakwɛa nɔ ni Nyɔŋmɔ etsu, naakpɛɛnii ni etsu yɛ gbɔmɛi abii ateŋ!

Lalai 77:11

Mibakai Yehowa nitsumɔi lɛ! Hɛɛ! Mibakai oblema naakpɛɛ nitsumɔi lɛ.

Lalai 77:14

Bo ji Naa Nyɔŋmɔ ni tsuɔ naakpɛɛ nii, Bo mɔ ni ohã ana ohewalɛ yɛ majimaji lɛ ateŋ lɛ.

Lalai 77:19

Ofo ŋshɔ kwɔŋkwɔŋ lɛ. Onyiɛ kɛtsɔ̃ ŋshɔkei lɛ amli; shi anaaa onanemaamɔhei.

Lalai 86:10

Ejaakɛ oje agbo, ni ofeɔ naakpɛɛnii. Bo okoome pɛ ji Nyɔŋmɔ.

Lalai 86:8

Oo Nuŋtsɔ, nyɔŋmɔi lɛ ateŋ eko eko bɛ ni tamɔ bo; ni nitsumɔ ko nitsumɔ ko bɛ ni kɛ onitsumɔ yeɔ hegbɔ.

Lalai 89:18

Ejaakɛ bo Yehowa ji mɔ ni fã wɔhe lɛ; ni bo, Israel Nyɔŋmɔ Krɔŋkrɔŋ, bo owo maŋtsɛ ohã wɔ.

Lalai 90:11

Namɔ le omlifu lɛ mli walɛ? Namɔ le gbeyei ni esa akɛ asheɔ bo yɛ omlila lɛ hewɔ?

2 Mose 18:11

Kpaako mina mile akɛ Yehowa fe nyɔŋmɔi fɛɛ ejaakɛ eto Ijiptbii lɛ kpa, akɛni amɛwo amɛhe amɛhã Israelbii lɛ, ni Yehowa ba amɛ shi.”

2 Mose 20:3

“Kaana nyɔŋmɔi krokomɛi yɛ misɛɛ.

2 Mose 3:20

No hewɔ lɛ, majie mihewalɛ kpo matsɔ̃ɔ Ijipt, ni mikɛ naakpɛɛ nii ni mafee yɛ jɛi lɛ aaagbala Ijipt toi, ni no sɛɛ dani eeehã nyɛya.

2 Mose 8:10

Farao jie naa akɛ, “Wɔ”. Mose kɛɛ lɛ akɛ, “Aaafee bɔ ni obi lɛ koni okɛna ole akɛ mɔ ko mɔ ko bɛ ni tamɔ Yehowa wɔNyɔŋmɔ lɛ.

2 Mose 8:6

No hewɔ lɛ, Aaron kpã enine mli yɛ Ijipt nu ni buabua shi lɛ anɔ. Kɛkɛ ni kɔkɔdenei lɛ ba, ni amɛbaha Ijipt shikpɔŋ lɛ nɔ fɛɛ.

2 Mose 9:14

ejaakɛ agbɛnɛ lɛ mahã haomɔi srɔtoi fɛɛ aba bo diɛŋtsɛ kɛ otsuji lɛ kɛ omaŋbii lɛ anɔ koni okɛna ole akɛ mɔ ko mɔ ko bɛ ni tamɔ mi yɛ je lɛ mli fɛɛ.

Yesaia 30:11

nyɛshĩa gbɛ lɛ, nyɛgbaa afã kɛjea tɛmpɔŋ lɛ nɔ; nyɛ kɛ wɔ akawiea Israel Mɔ Krɔŋkrɔŋ lɛ he dɔŋŋ.’ ”

Yesaia 40:18

Belɛ namɔ nyɛkɛaato Nyɔŋmɔ he, ni mɛni yɔɔ su ni tamɔ esu?

Yesaia 40:25

Namɔ nyɛkɛaato mi mihe, ni ekɛ mi aaaye egbɔ? Mɔ Krɔŋkrɔŋ lɛ kɛɛ.

Yesaia 46:9

Nyɛkaia blema teteetenii lɛ. Mi nɔŋŋ ji Nyɔŋmɔ, ni mɔ ko mɔ ko bɛ sɛɛ dɔŋŋ. Mi ji Nyɔŋmɔ, ni mɔ ko mɔ ko bɛ ni tamɔ mi.

Yesaia 57:15

“Ejaakɛ bɔ ni Mɔ Koome ni yɔɔ ŋwɛi flooflo, naanɔ Mɔ ni gbɛi ji Krɔŋkrɔŋ lɛ kɛɛ nɛ, ‘Ŋwɛi shɔŋŋ kɛ He krɔŋkrɔŋ lɛ mihiɔ; asaŋ mikɛ mɔ ni tswiaa shi kɛ dɔlɛ ni ebaa ehe shi yɛ mumɔ mli lɛ hiɔ shi,’ koni maha heshibalɔi amumɔ ana wala hee, ni mɛi ni tswiaa shi kɛ dɔlɛ lɛ atsuii ana wala hee.’

Yesaia 6:3

Mɔnɛ boɔ ekɛɔ mɔnɛ akɛ, “Krɔŋkrɔŋ, krɔŋkrɔŋ, krɔŋkrɔŋ ji Yehowa, Taiatsɛ lɛ! Shikpɔŋ muu lɛ fɛɛ eyi obɔ kɛ enunyam lɛ.”

Yeremia 10:16

Yakob Nyɔŋmɔ lɛ tamɔɔɔ enɛɛmɛi, ejaakɛ lɛ ji mɔ ni bɔ nii fɛɛ; ni eŋɔ Israel ekɛfee lɛ diɛŋtsɛ emaŋ ni egbɛi ji Yehowa, Taiatsɛ.

Yeremia 49:19

Naa, bɔ ni jata fãa kɛjɛɔ Yordan Faa he koo hayii mli kɛbaa ebatuaa too ku yɛ amɛniyelihe lɛ, nakai mibaba trukaa, ni mahã Edombii ajo foi amɛshi amɛshikpɔŋ lɛ nɔ, ni mi, mibato mɔ ni misumɔɔ koni eye Edom nɔ. Ejaakɛ namɔ kɛ mi ye egbɔ? Namɔ baanyɛ mi sane ebi? Mɛɛ maŋ hiɛnyiɛlɔ baanyɛ mihiɛ edamɔ?

3 Mose 19:2

ni ekɛɛ Israelbii lɛ akɛ, “Nyɛfea nyɛhe krɔŋkrɔŋ, ejaakɛ mi, Yehowa, nyɛNyɔŋmɔ lɛ, mɔ krɔŋkrɔŋ ji mi.

Mika 7:18

Nyɔŋmɔ ko bɛ ni kɛ esha faa tamɔ bo. Okuɔ ohiɛ ofɔ̃ɔ omaŋbii ni eshwɛ lɛ amlatɔ̃mɔ nɔ. Ohiɛɛɛ mlifu mli kɛyaaa naanɔ, ejaakɛ onaa mɔbɔnalɛ he tsui.

Luka 12:5

Shi matsɔ̃ɔ nyɛ mɔ gbeyei ni nyɛshe: nyɛshea mɔ ni kɛ egbe sɛɛ ni eyɔɔ hegbɛ akɛ eshɛɔ efɔ̃ɔ abonsamiiaje lɛ. Hɛɛ, miikɛɛ nyɛ akɛ, lɛ gbeyei nyɛshea.

5 Mose 1:30

Yehowa, nyɛNyɔŋmɔ lɛ, mɔ ni nyiɛ nyɛhiɛ lɛ, baawu ehã nyɛ lɛ diɛŋtsɛ, tamɔ bɔ ni efee ehã nyɛ yɛ nyɛ diɛŋtsɛ nyɛhiŋmɛiaŋ, yɛ Ijipt,

5 Mose 3:24

‘Nuŋtsɔ Yehowa, ogbojee kɛ ohewalɛ lɛ eshishi kɛkɛ oje ojieɔ otsɔ̃ɔ otsulɔ nɛɛ; ejaakɛ mɛɛ Nyɔŋmɔ yɔɔ dɔŋŋ, yɛ ŋwɛi jio, shikpɔŋ lɛ nɔ jio, ni aaanyɛ hewalɛ naa nibii wuji ni otsu nɛɛ etsu?

5 Mose 33:26

Mɔ ko mɔ ko bɛ ni tamɔ Israel Nyɔŋmɔ lɛ, mɔ ni taa okpɔŋɔ nɔ kɛnyiɛɔ ŋwɛi, ni ekɛ agbojee tsɔ̃ɔ atatuiaŋ kɛbayeɔ ebuaa bo lɛ.

5 Mose 4:34

Aloo nyɛnu nyɔŋmɔ ko eka dã akɛ eeeya maŋ ko nɔ, ni eyakpɔ̃ mɛi komɛi kɛje nakai maŋ lɛ mli ni ebafee mɛi lɛ lɛ diɛŋtsɛ emɛi tamɔ bɔ ni Yehowa, nyɛNyɔŋmɔ lɛ, tsɔ̃ kai kɛ okadii kɛ naakpɛɛ nii, kɛ ta kɛ nineshiwalɛ kɛ hewalɛ kpeteŋkple nɔ efee ehã nyɛ yɛ Ijipt, yɛ nyɛ diɛŋtsɛ nyɛhiŋmɛiiaŋ lɛ?

Kpojiemɔ 13:4

ni amɛja drako lɛ, ejaakɛ ekɛ hegbɛ lɛ ehã kooloo lɛ, ni amɛja kooloo lɛ hu amɛkɛɛ, “Namɔ tamɔ kooloo lɛ, ni namɔ aaanyɛ ekɛ lɛ awu?”

Kpojiemɔ 15:4

Namɔ po sheŋ bo gbeyei, Nuŋtsɔ, ni ewoŋ ogbɛ́i lɛ hiɛ nyam? Ejaakɛ bo okometoo ji Mɔ krɔŋkrɔŋ; ejaakɛ jeŋmaji lɛ fɛɛ aaaba ni amɛbaja yɛ ohiɛ, ejaakɛ ajie ojalɛ nitsumɔi lɛ ashi faŋŋ.”

Kpojiemɔ 4:8

Ni hiɛkãalɔi ejwɛ lɛ ateŋ mɔ fɛɛ mɔ yɛ fiji ekpaa, ni amɛhewɔ kɛ amɛmli eyimɔ obɔ̃bɔ̃ kɛ hiŋmɛii, ni amɛjɔɔɔ amɛhe nyɔɔŋ kɛ shwane ni amɛkɛɔ akɛ, “Krɔŋkrɔŋ, krɔŋkrɔŋ, krɔŋkrɔŋ ji Nuŋtsɔ Nyɔŋmɔ Ofe lɛ, mɔ ni yɛ momo lɛ kɛ mɔ ni yɔɔ lɛ kɛ mɔ ni baaba lɛ.”

1 Samuel 2:2

“Mɔ krɔŋkrɔŋ ko bɛ tamɔ bo, Yehowa, osɛɛ lɛ mɔ ko bɛ dɔŋŋ; Mɔ ko bɛ hewalɛ tamɔ wɔNyɔŋmɔ lɛ.