2 Mose 15:10 - ŊMALƐ KRƆŊKRƆŊ LƐ

¹⁰ Ohã kɔɔyɔɔ tswa, ni ŋshɔ lɛ ha amɛnɔ; amɛshiu tamɔ sumui yɛ nu hamahama lɛ mli.

Ṅmãle̱ Kroṅkroṅ Le̱

¹⁰ Otfa okō̱yo̱ le̱ hū, ṅšo̱ le̱ tšĩmo̱ ame̱no̱; ame̱šiu take̱ sumui ye̱ nui ní yo̱ hãmãhãmã le̱ mli.

2 Mose 15:10 ပူးပေါင်းရင်းမြစ်များ

1 Mose 8:1

Kɛkɛ ni Nyɔŋmɔ kai Noa kɛ ŋaŋ kooloi lɛ kɛ shĩa kooloi lɛ fɛɛ ni kɛ lɛ yɔɔ adeka lɛ mli lɛ; ni Nyɔŋmɔ hã kɔɔyɔɔ ko batswa yɛ shikpɔŋ lɛ nɔ, ni nu lɛ bɔ̃i kpɔ̃ŋmɔ.

2 Samuel 18:8

Ta lɛ gbɛ shwã jɛi kpokpai lɛ anɔ fɛɛ, ni koo lɛ kpãtã gbɔmɛi ahiɛ kwraa fe klante tete.

Nehemia 9:11

Ohã ŋshɔ lɛ mli gba yɛ amɛhiɛ, ni amɛnyiɛ shikpɔŋ gbiŋ nɔ kɛtsɔ̃ ŋshɔ lɛ teŋ. Shi mɛi ni tiuɔ amɛ lɛ oshɛrɛ amɛ oshwie ŋshɔ kwɔŋkwɔŋ lɛ mli ni amɛshiu tamɔ tɛ yɛ nu hamahama lɛ mli.

Lalai 135:7

Lɛ ji mɔ ni hãa atatui woɔ kɛjɛɔ shikpɔŋ lɛ naagbeehei lɛ. Lɛ ehãa srawa gbalaa kɛfataa nunɛmɔ he ni ehãa kɔɔyɔɔ fãa kɛjɛɔ enitoohe lɛ.

Lalai 147:18

Efãa, ni ewiemɔ lɛ naa lɛ, nutɛi lɛ sereɔ. Ehãa ekɔɔyɔɔ lɛ tswaa, ni nui lɛ hoɔ.

2 Mose 14:21

Mose kpã enine mli yɛ ŋshɔ lɛ nɔ, ni Yehowa hã bokã kɔɔyɔɔ ko ni naa wa batswa nakai nyɔɔŋ lɛ mli fɛɛ, ni ehã ŋshɔ lɛ gbala kɛtee sɛɛ, yɛ biɛ kɛ biɛ, ni emli gba enyɔ, ni eshi shikpɔŋ gbiŋ efɔ̃ shi yɛ eteŋ,

2 Mose 15:5

Ŋshɔ lɛ ha amɛnɔ, ni amɛshiu kɛtee nu shishi tamɔ tɛ.

Abe̱i 30:4

Namɔ ekwɔ kɛtee ŋwɛi, ni esaa ekpeleke shi? Namɔ ebua kɔɔyɔɔ naa yɛ ekɔkɔŋ dã? Namɔ efi nu yɛ emama mli dã? Namɔ ŋɔ shikpɔŋ lɛ koji lɛ emamɔ shi? Te egbɛi hu? Ni mɛni ji ebi lɛ hu gbɛi? Bɛ ole?

Yesaia 11:15

Yehowa baafite he ni Ijipt Faa lɛ kɛ enaa woɔ ŋshɔŋ yɛ lɛ, ni ekɛ ehewalɛ baahã kɔɔyɔɔ ni mli edɔ atswa yɛ Eufrate Faa lɛ nɔ, ni ebaaŋala Faa lɛ niji kpawo lɛ, ni mɛi aaanyiɛ shikpɔŋ gbiŋ nɔ kɛfo.

Yeremia 10:13

Kɛji ewo egbeiaŋ lɛ, nu shimɔɔ yɛ ŋwɛiniiaŋ; ni ehãa afua teɔ shi kɛjɛɔ shikpɔŋ lɛ naagbeehei lɛ kɛbaa. Lɛ ehãa srawa gbalaa yɛ nunɛmɔ mli, ahum fãa kɛjɛɔ hei ni ekɛ lɛ eto.

Yeremia 46:17

“Gbɛi ni okɛtsɛ Farao, Ijipt maŋtsɛ lɛ, agbɛnɛ ji ‘Naafuutsɛ ni hã be ho yaka.’

Amos 4:13

Naa, mɔ ni shɔ̃ gɔji lɛ, ni ebɔ kɔɔyɔɔ, ni egbaa gbɔmɔ nɔ ni ji lɛ Nyɔŋmɔ lɛ eyiŋtoo. Lɛ mɔ ni ehãa jetsɛremɔ tsɔ̃ɔ duŋ, ni enyiɛɔ shikpɔŋ lɛ nɔ hei grɔŋŋi lɛ, Egbɛi ji Yehowa, Taiatsɛ.

Mateo 8:27

Shi gbɔmɛi lɛ ahiɛ fee amɛ yaa amɛkɛɛ, “Mɛɛ gbɔmɔ srɔto nɛ, ni kɔɔyɔɔ kɛ ŋshɔ tete boɔ lɛ toi nɛɛ?”

5 Mose 11:4

Nyɛna nɔ ni Yehowa fee Ijiptbii ata lɛ kɛ amɛkpɔŋɔi lɛ kɛ amɛtayaa shwiilii lɛ; bɔ ni ehã Ŋshɔ Tsuru lɛ baha amɛ fɛɛ amɛnɔ, ni amɛhiɛ kpãtã be mli ni amɛtiuɔ nyɛ lɛ.