2 Mose 14:8 - ŊMALƐ KRƆŊKRƆŊ LƐ

⁸ Shi Yehowa hã Ijipt maŋtsɛ Farao kpliŋ etsui, ni etiu Israelbii lɛ ni Yehowa hewalɛ nine ni tsii lɛ hiɛ amɛ kɛyaa lɛ.

Ṅmãle̱ Kroṅkroṅ Le̱

⁸ Ni Iehowa wadše Mizraim maṅtše̱ Farao tšui ni etiu Israelbii le̱. Ši Israelbii le̱ dše kpo *ke̱ nine ní tšī. *13,9.

2 Mose 14:8 ပူးပေါင်းရင်းမြစ်များ

Lalai 105:43

Hewɔ lɛ ejie emaŋ lɛ kɛje kpo kɛ miishɛɛ, ehalamɔbii lɛ kɛ nyamɔ lala.

Lalai 86:13

Ejaakɛ osuɔmɔ kpele ni sɛɛ efooo lɛ fa hã mi. Ohere misusuma kɛje gbohiiaje tɔ̃ɔ.

2 Mose 10:27

Shi Yehowa hã Farao kpliŋ etsui, ni ekpɛlɛ̃ɛɛ akɛ Israelbii lɛ aya.

2 Mose 13:16

Nyɛhãa enɛ afea tamɔ okadi ko ni fi nyɛnine shi aloo ni kpɛtɛ nyɛhiɛŋtso nɔ ejaakɛ nineshiwalɛ naa Yehowa jie wɔ kɛje Ijipt.’ ”

2 Mose 13:18

No hewɔ lɛ, Nyɔŋmɔ kɛ Israelbii lɛ lɔgɔ shi kɛtsɔ̃ Ŋshɔ Tsuru lɛ he ŋa lɛ nɔ gbɛ. Israelbii lɛ fã yɛ Ijipt ni amɛsaa amɛhe amɛhã ta.

2 Mose 13:9

Nyɛkaia gbijurɔ nɛɛ. Nyɛhãa efea tamɔ okadi ko ni fi nyɛnineshi aloo ni kpɛtɛ nyɛhiɛŋtso nɔ koni Yehowa mla lɛ akã nyɛdaaŋ, ejaakɛ nineshiwalɛ naa Yehowa jie nyɛ kɛje Ijipt.

2 Mose 14:17

Mahã Ijiptbii lɛ akpliŋ amɛtsui koni amɛnyiɛ Israelbii lɛ asɛɛ, ni maye Farao kɛ eta shwiilii kɛ ekpɔŋɔnɔtalɔi lɛ fɛɛ anɔ kunim.

2 Mose 14:4

Mahã Farao akpliŋ etsui koni etiu nyɛ, ni no aaahã Farao kɛ eta lɛ fɛɛ ashe mi gbeyei, ni Ijiptbii baana ale akɛ mi ji Yehowa lɛ.” Israelbii lɛ fee bɔ ni akɛɛ amɛ lɛ.

2 Mose 14:7

Esaa eŋɔ tayaa shwiilii ohai ekpaa ni aje gbɛ ahala, agbɛnɛ kɛ Ijipt shwiilii fɛɛ kɛ amɛnɔ tatsɛmɛi eshwie esɛɛ.

2 Mose 15:9

Henyɛlɔ lɛ kɛɛ, ‘Matiu amɛ mayamɔmɔ amɛ. Maja nomŋɔɔnii lɛ, mitsui aaanyɔ mimli. Magbala miklante ni makpãtã amɛhiɛ.’

2 Mose 4:21

Yehowa kɛɛ Mose ekoŋŋ akɛ, “Kɛji oyashɛ Ijipt lɛ kwɛmɔ ni naakpɛɛ nibii fɛɛ ni mikɛ amɛnɔ hewalɛ ewo odɛ̃ŋ lɛ, ofee yɛ Farao hiɛ; shi mi lɛ mahã Farao akpliŋ etsui, ni ehãŋ maŋ lɛ aya.

2 Mose 6:1

Kɛkɛ ni Yehowa kɛɛ Mose akɛ, “Kpaako obaana nɔ ni mibafee Farao. Ja minineshiwalɛ naa dani eeehã Israelbii lɛ aya. Anɔkwa, minineshiwalɛ naa hu dani eeeshwie amɛ kɛje eshikpɔŋ lɛ nɔ.”

2 Mose 9:12

Shi Yehowa hã Farao kpliŋ etsui, ni ebooo Mose kɛ Aaron toi tamɔ bɔ ni Yehowa ewie eto lɛ.

Yāfó 3:65

Kaahã amɛmii shɛ amɛhe; oloomɔ akã amɛnɔ.

3 Mose 26:13

Mi ji Yehowa, nyɛNyɔŋmɔ lɛ, mɔ ni jie nyɛ yɛ Ijipt shikpɔŋ lɛ nɔ koni nyɛkahi shi akɛ amɛnyɔji dɔŋŋ lɛ. Mikumɔ tsei ni akɛwo nyɛ apã lɛ, ni mihã nyɛnyiɛ ni apã kãaa nyɛkuɛ.”

4 Mose 33:3

Israelbii lɛ fã nyiɛmɔ kɛjɛ Rameses yɛ afi lɛ mli klɛŋklɛŋ nyɔŋ lɛ nɔ gbi ni ji nyɔŋma kɛ enumɔ lɛ, ni ji Hehoo gbi lɛ nɔ jetsɛremɔ lɛ. Ijiptbii lɛ miikwɛ Israelbii lɛ nɛkɛ nɔŋŋ, ni amɛfã yɛ Yehowa hewalɛ naa.

Bɔfoi 13:17

Nɛkɛ maŋ Israel nɛɛ Nyɔŋmɔ lɛ hala wɔtsɛmɛi lɛ, ni be ni amɛyato gbɔ yɛ Ijipt shikpɔŋ lɛ nɔ lɛ, ewo maŋ lɛ nɔ, ni ekɛ hewalɛ jie amɛ kɛjɛ jɛi.

5 Mose 26:8

Kɛkɛ ni Yehowa bakpɔ̃ wɔ yɛ Ijipt yɛ ehewalɛ kɛ enineshiwalɛ naa. Ehã naakpɛɛ kɛ gbeyei nibii ba, ni ekɛto okadi.

5 Mose 32:27

Shi mishe gbeyei akɛ amɛhenyɛlɔi aaashwã ni amɛaaŋɔ nɔ ni eba lɛ ekroko ni amɛaakɛɛ akɛ, ‘Wɔ ni wɔye amɛnɔ kunim lɛ, jeee Yehowa ni fee amɛ enɛ.’

Yoshua 11:20

Ejaakɛ Yehowa ninenaa nitsumɔ nɛ, akɛ ehã maji lɛ amli bii lɛ kpliŋ amɛtsui, bɔ ni afee ni amɛ kɛ Israelbii lɛ awu ta koni atsɔ̃ no nɔ amɛkpãtã amɛhiɛ ni mɔbɔnalɛ bɛ mli, tamɔ bɔ ni Yehowa fã Mose lɛ.

Kojolɔi 4:7

Makpala Sisera, Yabin tatsɛ lɛ, kɛ eshwiilii kɛ etabilɔi babaoo lɛ kɛba oŋɔɔ yɛ Keshon Faa lɛ naa, ni mibahã oye enɔ kunim.’ ”