2 Mose 14:31 - ŊMALƐ KRƆŊKRƆŊ LƐ

³¹ Ni Israelbii lɛ na Yehowa hewalɛ wulu ni ejie lɛ kpo etsɔ̃ɔ Ijiptbii lɛ, ni Israelbii lɛ she Yehowa gbeyei, ni amɛhe Yehowa kɛ etsulɔ Mose amɛye.

Ṅmãle̱ Kroṅkroṅ Le̱

³¹ Ni Israel na nine wulu ní Iehowa ṅõ-tšõ Mizraim le̱; ni maṅ le̱ še Iehowa gbeyei, ni amehe Iehowa ke̱ *etšũle̱ Mose ame̱ye. *19,9. 2 Kron. 20,20.

2 Mose 14:31 ပူးပေါင်းရင်းမြစ်များ

2 Kronika 20:20

Yuda hii lɛ kɛ Yerusalɛm hii lɛ fã enɔ jetsɛremɔ leebi maŋkpa kɛtee Tekoa shiaŋa lɛ nɔ. Shi dani amɛfã lɛ Yehoshafat ho edamɔ shi ni ekɛ ta lɛ wie. Ekɛɛ amɛ akɛ, “Agoo! Yuda hii kɛ Yerusalɛm hii, nyɛhea Yehowa, nyɛNyɔŋmɔ lɛ, nyɛyea, ni nyɛbaanyɛ shi nyɛfi; ni nyɛhea gbalɔi lɛ hu nyɛyea, ni nyɛbaaye omanye.”

Nehemia 9:9

“Ona amanehulu ni wɔtsɛmɛi lɛ na yɛ Ijipt lɛ, ni obo amɛtsɛmɔ ni amɛtsɛ bo lɛ toi yɛ Ŋshɔ Tsuru lɛ naa.

Lalai 119:120

Ohe gbeyei naa lɛ, mihe kpokpoɔ; ni miishe odɛ̃ŋ kojomɔi lɛ agbeyei.

2 Mose 19:9

Yehowa kɛɛ Mose akɛ, “Miiba oŋɔɔ yɛ atatu kpii mli koni kɛ mi kɛ bo miiwie lɛ, maŋ lɛ anu ni amɛhe bo hu amɛye kɛya naanɔ.”

2 Mose 4:31

Maŋ lɛ he lɛ ye. Ni be ni amɛnu akɛ Yehowa ekwɛ ni ena Israelbii lɛ amanehulu lɛ, amɛmamɔ amɛyitsei ashi ni amɛja.

Luka 8:13

Tɛsaa nɔ bii lɛ ji mɛi ni nuɔ ni amɛheɔ amɛyeɔ be kuku kɛkɛ, ni kaa be mli lɛ amɛkwaa amɛhemɔkɛyeli lɛ.

Yohane 11:45

No hewɔ lɛ, Yudafoi lɛ ni ba Maria ŋɔɔ lɛ ateŋ mɛi pii he Yesu nɔ amɛye, be ni amɛna nii ni efee lɛ.

Yohane 2:11

Enɛ Yesu fee yɛ Kana yɛ Galilea ekɛje ekadii ashishi ni ekɛ enunyam lɛ tsɔ̃ɔ, ni ekaselɔi lɛ he enɔ amɛye.

Bɔfoi 8:13

Kɛkɛ ni Simon diɛŋtsɛ hu he ye, ni abaptisi lɛ, ni ekɛ ehe kpɛtɛ Filipo, ni be ni ena okadii ni afee kɛ hewalɛ nitsumɔi wuji ni atsu lɛ, enaa kpɛ ehe.

Hebribii 3:5

Ni Mose lɛ, eye anɔkwa yɛ eshĩa muu lɛ fɛɛ mli akɛ sɔ̃ɔlɔ, koni eye nii ni abaawie lɛ ahe odase.

Yoshua 24:7

Nyɛtsɛmɛi lɛ bolɔ amɛtsɛ Yehowa, ni ekɛ duŋ kpii fo nyɛ kɛ Ijiptbii lɛ ateŋ; asaŋ ehã ŋshɔ lɛ yi, ni eha Ijiptbii lɛ anɔ. Nyɛna nɔ ni mifee Ijiptbii lɛ kɛ nyɛhiŋmɛi. Nyɛhi ŋã lɛ nɔ be babaoo.

Yoshua 4:14

Nakai gbi lɛ nɔ Yehowa wo Yoshua hiɛ nyam etsɔ̃ɔ Israelbii fɛɛ, ni amɛshe Yoshua gbeyei ewala gbii abɔ fɛɛ tamɔ amɛshe Mose gbeyei lɛ.

Yoshua 4:24

koni je lɛŋ gbɔmɛi fɛɛ ana ale akɛ Yehowa yɛ hewalɛ, koni nyɛshe Yehowa, nyɛNyɔŋmɔ lɛ, gbeyei kɛya naanɔ.”

1 Samuel 12:16

No hewɔ lɛ, nyɛdamɔa shi ni nyɛkwɛa naakpɛɛ nɔ ko ni Yehowa baafee.

1 Samuel 12:18

Kɛkɛ ni Samuel sɔle etsɛ Yehowa, ni ehã ŋwɛi shimɔ, ni nu nɛ nakai gbi lɛ, ni maŋ lɛ fɛɛ she Yehowa kɛ Samuel gbeyei.