2 Mose 14:30 - ŊMALƐ KRƆŊKRƆŊ LƐ

³⁰ Nakai gbi lɛ, bɔ ni Yehowa fee ehere Israelbii lɛ ayiwala kɛjɛ Ijiptbii adɛŋ nɛ, ni Israelbii lɛ na Ijiptbii lɛ jwere ŋshɔ lɛ naa ni amɛgboi.

Ṅmãle̱ Kroṅkroṅ Le̱

³⁰ Ne̱ke̱ Iehowa fe ehere Israel yiwala nakai gbĩ le̱ ke̱-dše̱ Mizraimbii le̱ adeṅ; ni Israel na Mizraimbii le̱ ní ame̱gboi ame̱dſere ṅšo̱ le̱ nā.

2 Mose 14:30 ပူးပေါင်းရင်းမြစ်များ

2 Kronika 32:22

Bɔ ni Yehowa fee ehere Hezekia kɛ Yerusalɛmbii lɛ ayiwala yɛ Asiria Maŋtsɛ Sankerib kɛ mɛi krokomɛi fɛɛ adɛŋ nɛ. Asaŋ ehã amɛ kɛ amɛhewɔ maji fɛɛ hi shi yɛ hejɔlɛ mli.

Lalai 106:10

Kɛkɛ ni ehere amɛyiwala kɛjɛ mɔ ni hetsɛ̃ɔ amɛ lɛ dɛŋ, ni ekpɔ̃ amɛ kɛjɛ henyɛlɔ lɛ dɛŋ.

Lalai 106:8

Shi kɛ̃lɛ ehere amɛyiwala yɛ egbɛi lɛ hewɔ; koni ehã ale ehewalɛ kpeteŋkple lɛ.

Lalai 58:10

Jalɔi aaanya be ni amɛaana oweletɔɔ lɛ; amɛaanyiɛ mɛi fɔ̃ji ala mli kɛho.

Lalai 59:10

MiNyɔŋmɔ aaabakpee mi; kɛ esuɔmɔ ni tsakeee lɛ; miNyɔŋmɔ aaahã mihiŋmɛi ana mihenyɛlɔi anɔ kunimyeli lɛ.

Lalai 91:8

Ohiŋmɛi kɛkɛ okɛaakwɛ, ni ooona mɛi fɔ̃ji anyɔmɔwo.

2 Mose 14:13

Ni Mose here Israelbii lɛ nɔ ekɛɛ, “Nyɛkashea gbeyei! Nyɛdamɔa shi shiŋŋ ni nyɛkwɛa nyɛyiwala ni Yehowa baahere ŋmɛnɛ nɛɛ. Ejaakɛ Ijiptbii ni nyɛnaa ŋmɛnɛ nɛɛ lɛ, nyɛnaŋ amɛ dɔŋŋ kɛaatee naanɔ.

Yesaia 63:11

Kɛkɛ ni emaŋ lɛ kai Mose blema be lɛ, ni amɛkɛɛ akɛ, “Nɛgbɛ mɔ ni jie amɛ kɛ amɛhiɛnyiɛlɔ lɛ kɛjɛ ŋshɔ lɛ mli lɛ yɔɔ? Nɛgbɛ mɔ ni to Emumɔ Krɔŋkrɔŋ lɛ yɛ amɛteŋ lɛ yɔɔ?

Yesaia 63:8

Yehowa kɛɛ, “Mimaŋ ji amɛ, bii ni lakaŋ mi.” No hewɔ ehere amɛ

Yesaia 63:9

yɛ amɛhaomɔi fɛɛ amli lɛ. Jeee tsulɔ loo ŋwɛi bɔfo ni here amɛyiwala, shi Yehowa diɛŋtsɛ jɛ esuɔmɔ kɛ emɔbɔnalɛ mli ehere amɛyiwala, ni ehole amɛ, ni ehiɛ amɛ yɛ blema beiaŋ fɛɛ.

Hosea 1:7

Shi mimusuŋ aaatsɔ̃ mi yɛ Yuda he, ni mi Yehowa, amɛNyɔŋmɔ lɛ, mibahere amɛyiwala; shi moŋ mitsɔ̃ŋ gãi loo klante loo ta loo okpɔŋɔi loo tayaa okpɔŋɔnɔtalɔi anɔ mihereŋ amɛyiwala.”

5 Mose 4:34

Aloo nyɛnu nyɔŋmɔ ko eka dã akɛ eeeya maŋ ko nɔ, ni eyakpɔ̃ mɛi komɛi kɛje nakai maŋ lɛ mli ni ebafee mɛi lɛ lɛ diɛŋtsɛ emɛi tamɔ bɔ ni Yehowa, nyɛNyɔŋmɔ lɛ, tsɔ̃ kai kɛ okadii kɛ naakpɛɛ nii, kɛ ta kɛ nineshiwalɛ kɛ hewalɛ kpeteŋkple nɔ efee ehã nyɛ yɛ Ijipt, yɛ nyɛ diɛŋtsɛ nyɛhiŋmɛiiaŋ lɛ?

Yuda 1:5

Shi miitao akɛ makai nyɛ, nyɛ ni nyɛle enɛ fɛɛ momo lɛ, akɛ Nuŋtsɔ lɛ here maŋ lɛ kɛjɛ Ijipt, shi no sɛɛ lɛ ekpãtã mɛi ni heee yeee lɛ ahiɛ.

Kojolɔi 10:11

Yehowa kɛɛ Israelbii lɛ akɛ, “Be ni nyɛbolɔ nyɛtsɛ mi lɛ, ani jeee mi mihere nyɛ yɛ Ijiptbii kɛ Amorbii kɛ Amonbii kɛ Filistibii

1 Samuel 11:13

Shi Saul to he ekɛɛ, “Ashwieŋ la shi ŋmɛnɛ, ejaakɛ ŋmɛnɛ lɛ Yehowa ehere Israel yiwala.”

1 Samuel 14:23

No hewɔ lɛ, Yehowa here Israel nakai gbi lɛ. Atswa ta lɛ aahu kɛho Bet-aven maŋ lɛ he.