2 Mose 14:27 - ŊMALƐ KRƆŊKRƆŊ LƐ

²⁷ No hewɔ lɛ, Mose kpã enine mli yɛ ŋshɔ lɛ nɔ. Ni jetsɛremɔ mli leebi lɛ ŋshɔ lɛ yiridi kɛjɛ biɛ kɛ biɛ kɛmiiba abatsa ekoŋŋ, ni Ijiptbii lɛ wo foi, shi amɛkɛ ŋshɔ lɛ bakpe, ni Yehowa hã Ijiptbii lɛ ahiɛ kpãtã yɛ ŋshɔ lɛ teŋ.

Ṅmãle̱ Kroṅkroṅ Le̱

²⁷ Ni Mose kpã enine mli ye̱ ṅšo̱ le̱ no̱, ni beni dše tše̱re lebi le̱, ṅšo̱ le̱ kũ se̱ ke̱-baho ekoṅ, ni Mizraimbii le̱ dšo foi ame̱ke̱ ṅšo̱ le̱ bakpe; ni Iehowa še̱re̱ame̱ eſie ṅšo̱ le̱ teṅ.

2 Mose 14:27 ပူးပေါင်းရင်းမြစ်များ

Yoshua 4:18

Be ni osɔfoi lɛ ni tere Yehowa Kpãŋmɔ Adeka lɛ je Yordan lɛ mli, ni amɛnaji sa shikpɔŋ gbiŋ nɔ pɛ, kɛkɛ ni Yordan mli nu lɛ yiridi kɛba ekoŋŋ, ni esram nɔ tamɔ tsuutsu lɛ.

Lalai 78:53

Ekpala amɛ shweshweeshwe bɔ ni amɛsheee gbeyei; shi ŋshɔ lɛ gbe amɛhenyɛlɔi lɛ,

Hebribii 11:29

Hemɔkɛyeli amɛkɛfo Ŋshɔ Tsuru lɛ tamɔ shikpɔŋ gbiŋ, nɔ ni Ijiptbii lɛ hu ka feemɔ, ni emii amɛ lɛ.

5 Mose 11:4

Nyɛna nɔ ni Yehowa fee Ijiptbii ata lɛ kɛ amɛkpɔŋɔi lɛ kɛ amɛtayaa shwiilii lɛ; bɔ ni ehã Ŋshɔ Tsuru lɛ baha amɛ fɛɛ amɛnɔ, ni amɛhiɛ kpãtã be mli ni amɛtiuɔ nyɛ lɛ.

Nehemia 9:11

Ohã ŋshɔ lɛ mli gba yɛ amɛhiɛ, ni amɛnyiɛ shikpɔŋ gbiŋ nɔ kɛtsɔ̃ ŋshɔ lɛ teŋ. Shi mɛi ni tiuɔ amɛ lɛ oshɛrɛ amɛ oshwie ŋshɔ kwɔŋkwɔŋ lɛ mli ni amɛshiu tamɔ tɛ yɛ nu hamahama lɛ mli.

Lalai 106:11

Nu lɛ su amɛhenyɛlɔi lɛ ayi gbidigbidi, eshwɛɛɛ amɛteŋ mɔ kome folo nɛkɛ.

Lalai 136:15

Shi eplenee Farao kɛ eta lɛ yɛ Ŋshɔ Tsuru lɛŋ; ejaakɛ naanɔ esuɔmɔ ni tsakeee lɛ hiɔ shi kɛyaa!

Yesaia 10:26

Ni mi, Yehowa, Taiatsɛ lɛ, mibadɔ kpelebi mato amɛnɔ magwao amɛ tamɔ bɔ ni mifee Midianbii lɛ yɛ Oreb Tɛsaa lɛ nɔ lɛ. Mibawó tso nɛɛ nɔ yɛ ŋshɔ nɔ tamɔ mifee yɛ Ijipt lɛ.

Yoshua 24:7

Nyɛtsɛmɛi lɛ bolɔ amɛtsɛ Yehowa, ni ekɛ duŋ kpii fo nyɛ kɛ Ijiptbii lɛ ateŋ; asaŋ ehã ŋshɔ lɛ yi, ni eha Ijiptbii lɛ anɔ. Nyɛna nɔ ni mifee Ijiptbii lɛ kɛ nyɛhiŋmɛi. Nyɛhi ŋã lɛ nɔ be babaoo.