2 Mose 14:25 - ŊMALƐ KRƆŊKRƆŊ LƐ

²⁵ Ehã amɛshwiilii lɛ anaji lɛ bɔi fuu, ni ekɛwo Ijiptbii lɛ hejaramɔ. Kɛkɛ ni Ijiptbii lɛ kɛɛ akɛ, “Nyɛhãa wɔjoa Israelbii lɛ anaa foi ejaakɛ Yehowa kɛ wɔ miiwu miihã amɛ.”

Ṅmãle̱ Kroṅkroṅ Le̱

²⁵ ni efãmo̱ ame̱ſīlii le̱ anãdši, ni ewo-ame̱ hedšramo̱; ni Mizraimbii le̱ kē̱: Nye-hãa wo̱dšoa foi ye̱ Israelbii le̱ ahĩe; edšake̱ *Iehowa ke̱ Mizraim mīwu mīhãame̱! *K. 14. Lal. 64,10.

2 Mose 14:25 ပူးပေါင်းရင်းမြစ်များ

2 Kronika 20:29

Kɛkɛ ni Nyɔŋmɔ he ŋmiŋmi mɔmɔ shikpɔji anɔ majimaji lɛ fɛɛ be ni amɛnu bɔ ni Yehowa efee Israel henyɛlɔi lɛ yɛ ta mli yɛ Israelbii ahewɔ lɛ.

Nehemia 4:14

Kɛkɛ ni mikwɛ bɔ ni nibii yɔɔ hãa, ni mikɛɛ maŋ lɛ mli abladei lɛ kɛ nɔyelɔi lɛ kɛ mɛi ni eshwɛ lɛ fɛɛ akɛ, “Nyɛkashea henyɛlɔi lɛ agbeyei; shi moŋ nyɛkaia Nuŋtsɔ kpeteŋkple ni he yɔɔ gbeyei lɛ, ni nyɛwua nyɛhãa nyɛnyɛmimɛi kɛ nyɛbihii kɛ nyɛbiyei kɛ nyɛŋamɛi kɛ nyɛshĩaiaŋ lɛ.”

Nehemia 6:16

Be ni wɔhenyɛlɔi lɛ fɛɛ nu lɛ, jeŋmaji ni bɔle wɔ lɛ fɛɛ she gbeyei, ni amɛhiɛ gboi wo amɛyitseiaŋ, ejaakɛ amɛyoo akɛ, nitsumɔ lɛ, Nyɔŋmɔ yelikɛbuamɔ naa ni anyɛ atsu.

Nehemia 9:11

Ohã ŋshɔ lɛ mli gba yɛ amɛhiɛ, ni amɛnyiɛ shikpɔŋ gbiŋ nɔ kɛtsɔ̃ ŋshɔ lɛ teŋ. Shi mɛi ni tiuɔ amɛ lɛ oshɛrɛ amɛ oshwie ŋshɔ kwɔŋkwɔŋ lɛ mli ni amɛshiu tamɔ tɛ yɛ nu hamahama lɛ mli.

Hiob 11:20

Shi mɛi fɔ̃ji lɛ aaashwila, ni amɛnaŋ foijeehe. Amɛhiɛnɔkãmɔ pɛ ji gbele.”

Hiob 20:24

Ebaajo dade tawuunii anaa foi; shi akɔɔble gãi aaagbu emli kɛho.

Hiob 27:22

Nyɔŋmɔ tsɛ̃ɔ kɛbaa enɔ ni enaaa lɛ mɔbɔ, be ni etaoɔ foi ejo kɛjɛ edɛŋ lɛ.

Lalai 35:1

Oo Yehowa, okɛ mɛi ni kɛ mi ena lɛ ana; okɛ mɛi ni kɛ mi wuɔ lɛ awu!

Lalai 46:9

Ehãa tawuu sɛɛ foɔ kɛyashɛɔ shikpɔŋ lɛ naagbeehei lɛ. Ekumɔɔ gãii amli ni efiteɔ akplɔi. Ekɛ la shãa tsɛŋi lɛ.

Lalai 68:12

“Naa, tai lɛ anɔ maŋtsɛmɛi lɛ ejo foi, amɛjwa saŋ!” Yei ni ashi yɛ shĩaŋ lɛ, ja haanii lɛ;

Lalai 76:6

Oo Yakob Nyɔŋmɔ, oŋa amɛyi, okpɔŋɔ kɛ enɔtalɔ fɛɛ tswia shi ni amɛgboi.

2 Mose 14:14

Yehowa baawu ahã nyɛ, nyɛ lɛ nyɛfea diŋŋ”.

2 Mose 14:18

Ni kɛji miye Farao kɛ eta shwiilii kɛ ekpɔŋɔnɔtalɔi lɛ anɔ lɛ, Ijiptbii aaana amɛle akɛ mi ji Yehowa.”

2 Mose 14:4

Mahã Farao akpliŋ etsui koni etiu nyɛ, ni no aaahã Farao kɛ eta lɛ fɛɛ ashe mi gbeyei, ni Ijiptbii baana ale akɛ mi ji Yehowa lɛ.” Israelbii lɛ fee bɔ ni akɛɛ amɛ lɛ.

2 Mose 15:3

Yehowa, lɛ tawulɔ ni. Ani jeee egbɛi ji Yehowa?

Yesaia 31:4

Ejaakɛ bɔ ni Yehowa kɛɛ mi nɛ, “Bɔ ni kɛji jata loo jatabi miihũu yɛ emilɛ loo he, ni atsɛ tookwɛlɔi asafo tete awo ehe, ni amɛbolɔmɔ wooo ehe gbeyei, ni ebuuu hoo ni amɛaafee lɛ tete lɛ, nakai Yehowa, Taiatsɛ lɛ, aaaba abawu yɛ Zion Gɔŋ kɛ ehewɔ gɔŋkpɔi lɛ anɔ.

Yeremia 51:21

Bo mikɛkumɔɔ okpɔŋɔ kɛ enɔtalɔ lɛ, ni bo mikɛkumɔɔ tayaa shwiilii, ni bo mikɛkumɔɔ shwiilii kɛ kudɔlɔi lɛ.

Amos 1:14

No hewɔ lɛ, mibama Raba maŋ lɛ he gbogbo lɛ naa la, ni ebaashã emli mɔji lɛ. Gbi lɛ abaabɔ tawuu oshe, ni ta lɛ naa baawa tamɔ ahum ni efã.

Amos 5:19

nɔ ni baaba lɛ etamɔ mɔ ko ni joɔ jata naa foi, ni ekɛ oshishibrishi kpeɔ, loo be ni eba shĩa ni ekɛ enine mɔ gbogbo mli lɛ onufu kɔ̃ lɛ.

Amos 9:1

Mina Yehowa damɔ afɔleshãa latɛ lɛ he. Ekɛɛ mi akɛ, “Okɛ nii atswia Sɔlemɔtsu lɛ akulashiŋi lɛ ayiteiaŋ kpɔbii lɛ waa koni kpokui lɛ ahoso, ni ewule eshwie mɛi lɛ fɛɛ anɔ. Mɛi ni ahe baaje mli lɛ mibagbe amɛ yɛ ta mli. Mɔ ko mɔ ko ejoŋ minaa foi lɛ, mɔ ko mɔ ko hu he ejeŋ mli.

5 Mose 1:30

Yehowa, nyɛNyɔŋmɔ lɛ, mɔ ni nyiɛ nyɛhiɛ lɛ, baawu ehã nyɛ lɛ diɛŋtsɛ, tamɔ bɔ ni efee ehã nyɛ yɛ nyɛ diɛŋtsɛ nyɛhiŋmɛiaŋ, yɛ Ijipt,

5 Mose 3:22

Nyɛkashea amɛ gbeyei, ejaakɛ Yehowa, nyɛNyɔŋmɔ lɛ, ji mɔ ni wuɔ ta lɛ hãa nyɛ.’

5 Mose 32:31

Ejaakɛ wɔhenyɛlɔi lɛ diɛŋtsɛ yeɔ enɛ he odase akɛ amɛtɛsaa, amɛnyɔŋmɔ lɛ, tamɔɔɔ wɔTɛsaa, Israel Nyɔŋmɔ lɛ.

Yoshua 10:14

Nakai gbi lɛ henɔ bako pɛŋ dã, ni kɛjɛ no sɛɛ hu eko bako dɔŋŋ ni Yehowa ebo gbɔmɔ toi nɛkɛ, ejaakɛ gbi lɛ Yehowa wu Israel ta lɛ ehã lɛ.

Kojolɔi 4:15

Yehowa hã Sisera kɛ eta lɛ gbɛ shwã yɛ Barak klante naa. Kɛkɛ ni Sisera yi shi yɛ eshwiili lɛ mli, ni ejo foi yɛ enane naa.