2 Mose 14:22 - ŊMALƐ KRƆŊKRƆŊ LƐ

²² ni Israelbii lɛ yi shikpɔŋ gbiŋ lɛ nɔ yɛ ŋshɔ lɛ teŋ, ni nu lɛ ma shi tamɔ gbogbo yɛ amɛninejurɔ kɛ amɛbɛku.

Ṅmãle̱ Kroṅkroṅ Le̱

²² Ni Israelbii le̱ nyie šikpoṅ gbĩṅ no̱ ke̱-tšṍ ṅšo̱ le̱ teṅ, ni nui le̱ mãmo̱ ši tamo̱ gbogbo ye̱ ame̱ninedšŭrõ ke̱ ame̱be̱kuiaṅ. Ios. 4,23. Ies. 11,15. 16. 1 Kor. 10,1. Heb. 11,29.

2 Mose 14:22 ပူးပေါင်းရင်းမြစ်များ

2 Maŋtsɛmɛi 2:14

Kɛkɛ ni ekɔ Elia atade ni je ehe egbee shi lɛ, ni ekɛtswa nu lɛ mli, ni ekɛɛ akɛ, “Nɛgbɛ Yehowa, Elia Nyɔŋmɔ lɛ, yɔɔ?” Ni be ni ekɛ atade lɛ tswa nu lɛ mli lɛ, nu lɛ mli gba enyɔ, kɛtee biɛ kɛ biɛ. Ni Elisha tsɔ̃ mli kɛho.

2 Maŋtsɛmɛi 2:8

Kɛkɛ ni Elia jie etade yuu lɛ ni ekota, ni ekɛtswa nu lɛ mli, ni nu lɛ mli gba kɛtee biɛ kɛ biɛ; ni amɛyi enyɔ lɛ fɛɛ amɛnyiɛ shikpɔŋ gbiŋ nɔ kɛfo faa lɛ.

Nehemia 9:11

Ohã ŋshɔ lɛ mli gba yɛ amɛhiɛ, ni amɛnyiɛ shikpɔŋ gbiŋ nɔ kɛtsɔ̃ ŋshɔ lɛ teŋ. Shi mɛi ni tiuɔ amɛ lɛ oshɛrɛ amɛ oshwie ŋshɔ kwɔŋkwɔŋ lɛ mli ni amɛshiu tamɔ tɛ yɛ nu hamahama lɛ mli.

Lalai 106:9

Eŋa Ŋshɔ Tsuru lɛ yi, ni egbi; ni enyiɛ amɛhiɛ kɛtsɔ̃ bu kwɔŋkwɔŋ lɛ mli, oookɛɛ shiaŋa nɔ.

Lalai 136:13

Lɛ mɔ ni egba Ŋshɔ Tsuru lɛ mli lɛ; ejaakɛ naanɔ esuɔmɔ ni tsakeee lɛ hiɔ shi kɛyaa;

Lalai 136:14

ni ekpala Israelbii kɛtsɔ̃ teŋ kɛho lɛ; ejaakɛ naanɔ esuɔmɔ ni tsakeee lɛ hiɔ shi kɛyaa!

Lalai 66:6

Ehã ŋshɔ tsɔ̃ shikpɔŋ gbiŋ, ni wɔblema tsɛmɛi lɛ nyiɛ nɔ kɛfo ŋshɔ lɛ. Jɛi wɔnya yɛ, yɛ nɔ ni efee lɛ hewɔ.

Lalai 74:15

Ohã nuhiŋmɛii kɛ faa niji tue; ni ohã faa ni hoɔ daa lɛ ŋala.

Lalai 78:13

Egba ŋshɔ lɛŋ, ni ehã amɛtsɔ̃ mli kɛho; ni ehã ŋshɔ lɛ tsɔ̃ tamɔ gbogbo ni ma shi.

2 Mose 14:29

Shi Israelbii lɛ nyiɛ shikpɔŋ gbiŋ nɔ kɛtsɔ̃ ŋshɔ lɛ teŋ, ni nu lɛ tsɔ̃ tamɔ gbogbo hã amɛ yɛ amɛninejurɔ kɛ amɛbɛku.

2 Mose 15:19

Be ni Farao okpɔŋɔi lɛ kɛ eshwiilii lɛ kɛ ekpɔŋɔiatsɛmɛi lɛ bote ŋshɔ lɛ mli lɛ, Yehowa hã ŋshɔ lɛ mli nu lɛ ku esɛɛ ebaha amɛnɔ, shi Israelbii lɛ nyiɛ shikpɔŋ gbiŋ nɔ kɛtsɔ ŋshɔ lɛ mli kɛtee.

2 Mose 15:8

Omu oshwie ŋshɔ lɛ nɔ, ni nu lɛ bua ehe naa, ni ŋshɔkei lɛ ho damɔ shi keikei, ŋshɔ teŋteŋ nu lɛ shɔ̃ etsɔ̃ kpɔ.

Yesaia 11:15

Yehowa baafite he ni Ijipt Faa lɛ kɛ enaa woɔ ŋshɔŋ yɛ lɛ, ni ekɛ ehewalɛ baahã kɔɔyɔɔ ni mli edɔ atswa yɛ Eufrate Faa lɛ nɔ, ni ebaaŋala Faa lɛ niji kpawo lɛ, ni mɛi aaanyiɛ shikpɔŋ gbiŋ nɔ kɛfo.

Yesaia 11:16

Ni eeetsɔ̃ tɛmpɔŋ ehã emaŋ lɛ mli mɛi ni eshwɛ lɛ, mɛi ni eshwɛ ni aaajɛ Asiria aba lɛ, tamɔ bɔ ni jɛi tsɔ̃ gbɛ ha Israel be ni amɛje Ijipt lɛ.

Yesaia 43:16

Bɔ ni Yehowa kɛɛ nɛ, “Be ko lɛ Yehowa gba gbɛ kɛtsɔ̃ ŋshɔ lɛ mli; egba tɛmpɔŋ kɛtsɔ̃ nu hamahama mli.

Yesaia 51:10

Aso jeee bo oha ŋshɔ mii lɛ? Ani jeee bo oha bu kwɔŋkwɔŋ lɛ mli nu mii, ni ogba gbɛ yɛ ŋshɔ lɛ mli oha mɛi ni okpɔ̃ amɛ lɛ, ni amɛfo mli kɛho lɛ?

Yesaia 63:12

Nɛgbɛ mɔ ni ha enunyam hewalɛ lɛ tsɔ Mose nɔ etsu nibii wuji lɛ yɔɔ? Nɛgbɛ mɔ ni gba ŋshɔ lɛ mli yɛ amɛhiɛ, ni ekɛna naanɔ gbɛi eha ehe lɛ,

Yesaia 63:13

mɔ ni kpala amɛ kɛtsɔ̃ bu kwɔŋkwɔŋ lɛ mli lɛ yɔɔ? Amɛtɛrɛɛɛ tamɔ okpɔŋɔ tɛrɛɔ yɛ shiaŋa nɔ.”

Zakaria 2:5

Mi, Yehowa, matsɔ̃ la kɛbɔle maŋ lɛ he kɛkpe, tamɔ gbogbo, ni matsɔ̃ emli anunyam. Mi, Yehowa, mikɛɛ.”

4 Mose 33:8

Amɛshi Pi-Hahirot ni amɛfo Ŋshɔ Tsuru lɛ kɛyashɛ Shur Shiaŋa lɛ nɔ; ni be ni amɛnyiɛ gbii etɛ̃ gbɛ lɛ amɛto shi yɛ Mara.

1 Korintobii 10:1

Shi, anyɛmimɛi, misumɔ̃ɔɔ akɛ nyɛhiɛ aje nɔ akɛ wɔtsɛmɛi lɛ fɛɛ hi atatu lɛ shishi, ni amɛ fɛɛ amɛfo Ŋshɔ Tsuru lɛ,

Hebribii 11:29

Hemɔkɛyeli amɛkɛfo Ŋshɔ Tsuru lɛ tamɔ shikpɔŋ gbiŋ, nɔ ni Ijiptbii lɛ hu ka feemɔ, ni emii amɛ lɛ.

Yoshua 3:16

kɛkɛ ni nu ni jɛ yiteŋgbɛ baa lɛ wa, ni ekwɔ kɛtee ŋwɛi shɔŋŋ, yɛ Adam ni ji maŋ ko ni bɛŋkɛ Zaretan lɛ he. Kɛkɛ ni nu ni kpelekeɔ shi kɛyaboteɔ Araba ŋshɔ, ni ji Ŋoo Ŋshɔ, lɛ mli lɛ tã, ni esɛɛ fo kwraa. Kɛkɛ ni Israelbii lɛ fo faa lɛ yɛ Yeriko ŋlɛnɔ tuuŋtu.

Yoshua 3:17

Be ni Israelbii lɛ fɛɛ nyiɛ shikpɔŋ gbiŋ nɔ kɛfoɔ faa lɛ, osɔfoi lɛ ni tere Yehowa Kpãŋmɔ Adeka lɛ wa damɔ shikpɔŋ gbiŋ nɔ yɛ Yordan teŋ tuuŋtu kɛyashi beyinɔ ni maŋ muu lɛ fɛɛ fo faa lɛ tã.

Yoshua 4:22

nyɛgbaa nyɛbii lɛ akɛ, ‘Israel nyiɛ shikpɔŋ gbiŋ nɔ kɛfo Yordan nɛɛ,’

1 Samuel 25:16

Moŋ bei fɛɛ ni wɔ kɛ amɛ yɔɔ ni wɔlɛɔ toi lɛ, amɛbu wɔhe shwane kɛ nyɔɔŋ fɛɛ.