2 Mose 14:21 - ŊMALƐ KRƆŊKRƆŊ LƐ

²¹ Mose kpã enine mli yɛ ŋshɔ lɛ nɔ, ni Yehowa hã bokã kɔɔyɔɔ ko ni naa wa batswa nakai nyɔɔŋ lɛ mli fɛɛ, ni ehã ŋshɔ lɛ gbala kɛtee sɛɛ, yɛ biɛ kɛ biɛ, ni emli gba enyɔ, ni eshi shikpɔŋ gbiŋ efɔ̃ shi yɛ eteŋ,

Ṅmãle̱ Kroṅkroṅ Le̱

²¹ Ni Mose kpã enine mli ye̱ ṅšo̱ le̱ no̱; ni Iehowa hã bokã kō̱yo̱ ní nā wa batſa nakai nyõ le̱ṅ fẽ, ni ṅšo̱ le̱ ho ke̱-te, ni eha ṅšo̱ le̱ tšo šikpoṅ gbĩṅ, ni nu le̱ mli gba.

2 Mose 14:21 ပူးပေါင်းရင်းမြစ်များ

1 Mose 8:1

Kɛkɛ ni Nyɔŋmɔ kai Noa kɛ ŋaŋ kooloi lɛ kɛ shĩa kooloi lɛ fɛɛ ni kɛ lɛ yɔɔ adeka lɛ mli lɛ; ni Nyɔŋmɔ hã kɔɔyɔɔ ko batswa yɛ shikpɔŋ lɛ nɔ, ni nu lɛ bɔ̃i kpɔ̃ŋmɔ.

2 Maŋtsɛmɛi 2:8

Kɛkɛ ni Elia jie etade yuu lɛ ni ekota, ni ekɛtswa nu lɛ mli, ni nu lɛ mli gba kɛtee biɛ kɛ biɛ; ni amɛyi enyɔ lɛ fɛɛ amɛnyiɛ shikpɔŋ gbiŋ nɔ kɛfo faa lɛ.

Nehemia 9:11

Ohã ŋshɔ lɛ mli gba yɛ amɛhiɛ, ni amɛnyiɛ shikpɔŋ gbiŋ nɔ kɛtsɔ̃ ŋshɔ lɛ teŋ. Shi mɛi ni tiuɔ amɛ lɛ oshɛrɛ amɛ oshwie ŋshɔ kwɔŋkwɔŋ lɛ mli ni amɛshiu tamɔ tɛ yɛ nu hamahama lɛ mli.

Hiob 26:12

Ejɔɔ ŋshɔ he yɛ ehewalɛ naa, ni ekɛ enilee kpãtãa sasabonsam lɛ hiɛ.

Hiob 38:24

Nɛgbɛ gbɛ ni yaa he ni hulu la lɛ jɛɔ egbɛɔ eshwãa, loo he ni bokãgbɛ kɔɔyɔɔ lɛ jɛɔ eshwãa je lɛ mli lɛ kã?

Lalai 136:13

Lɛ mɔ ni egba Ŋshɔ Tsuru lɛ mli lɛ; ejaakɛ naanɔ esuɔmɔ ni tsakeee lɛ hiɔ shi kɛyaa;

Lalai 148:8

la kɛ nyɔŋmɔŋtɛ, snoo kɛ afua, ahum ni yeɔ efãmɔ nɔ.

Lalai 66:6

Ehã ŋshɔ tsɔ̃ shikpɔŋ gbiŋ, ni wɔblema tsɛmɛi lɛ nyiɛ nɔ kɛfo ŋshɔ lɛ. Jɛi wɔnya yɛ, yɛ nɔ ni efee lɛ hewɔ.

Lalai 74:13

Ogba ŋshɔ lɛ mli yɛ ohewalɛ naa; ojwara ŋshɔŋ bonsoi lɛ ayitsei.

Lalai 78:13

Egba ŋshɔ lɛŋ, ni ehã amɛtsɔ̃ mli kɛho; ni ehã ŋshɔ lɛ tsɔ̃ tamɔ gbogbo ni ma shi.

2 Mose 14:16

Shi bo lɛ, wo otso lɛ nɔ ni okpã onine mli yɛ ŋshɔ lɛ nɔ koni ogba ŋshɔ lɛ mli enyɔ koni Israelbii lɛ anyiɛ shikpɔŋ gbiŋ nɔ kɛtsɔ̃ ŋshɔ lɛ teŋ kɛya.

2 Mose 14:20

yɛ Ijiptbii ata lɛ kɛ Israelbii ata lɛ teŋ. Shwane lɛ atatu lɛ woɔ Ijiptbii lɛ hiɛ duŋ, ni nyɔɔŋ lɛ ekpɛɔ ehãa Israelbii lɛ. No hewɔ lɛ, gbi lɛ nyɔɔŋ lɛ mli fɛɛ lɛ mɛnɛɛmɛi nyɛɛɛ mɛnɛɛmɛi abɛŋkɛ.

2 Mose 15:8

Omu oshwie ŋshɔ lɛ nɔ, ni nu lɛ bua ehe naa, ni ŋshɔkei lɛ ho damɔ shi keikei, ŋshɔ teŋteŋ nu lɛ shɔ̃ etsɔ̃ kpɔ.

2 Mose 7:19

Ni Yehowa fã Mose akɛ, “Kɛɛmɔ Aaron akɛ, ‘Kɔ otso lɛ ni okpã onine mli yɛ Ijipt nu fɛɛ nu, ni ji fai kɛ nujɔi ni aje gbɛ agbala kɛ bukoi kɛ nu ni bua shi fɛɛ, nɔ, ni amɛaatsɔmɔ lá. Nu ni yɔɔ tso kɛ tɛ gogai amli fɛɛ aaatsɔ̃ lá.’ ”

Yesaia 23:11

Yehowa ewo enine nɔ yɛ ŋshɔ nɔ, ni ehoso maŋtsɛyelii. Efã akɛ afite Kanaan mɔji lɛ.

Yesaia 43:16

Bɔ ni Yehowa kɛɛ nɛ, “Be ko lɛ Yehowa gba gbɛ kɛtsɔ̃ ŋshɔ lɛ mli; egba tɛmpɔŋ kɛtsɔ̃ nu hamahama mli.

Yesaia 44:27

Lɛ ekɛɔ ŋshɔ akɛ, ‘Omli nu agbi, mibahã ofai lɛ hu amii?’

Yesaia 50:2

“Mɛɛba miba, ni mɔ ko mɔ ko bɛ? Mɛɛba mibo mitsɛ, ni mɔ ko mɔ ko hereee mi nɔ lɛ? Ani minine efo kuku bɔ ni minyɛɛɛ mɔ yiwala mahere? Aloo mibɛ hewalɛ ni mikɛaakpɔ̃ mɔ? Naa, mifãa, ni ŋshɔ miiɔ. Mihãa fai gbiɔ ni amɛtsɔmɔɔ tamɔ shiaŋa, ni amɛmli loi gboiɔ ni amɛshaa, ejaakɛ amɛnaaa nu.

Yesaia 51:10

Aso jeee bo oha ŋshɔ mii lɛ? Ani jeee bo oha bu kwɔŋkwɔŋ lɛ mli nu mii, ni ogba gbɛ yɛ ŋshɔ lɛ mli oha mɛi ni okpɔ̃ amɛ lɛ, ni amɛfo mli kɛho lɛ?

Yesaia 51:15

Ejaakɛ mi ji Yehowa, oNyɔŋmɔ lɛ, mɔ ni teɔ ŋshɔ shi, ni emli ŋshɔkei feɔ hamahama lɛ. Migbɛi ji Yehowa, Taiatsɛ.

Yesaia 63:12

Nɛgbɛ mɔ ni ha enunyam hewalɛ lɛ tsɔ Mose nɔ etsu nibii wuji lɛ yɔɔ? Nɛgbɛ mɔ ni gba ŋshɔ lɛ mli yɛ amɛhiɛ, ni ekɛna naanɔ gbɛi eha ehe lɛ,

Yesaia 63:13

mɔ ni kpala amɛ kɛtsɔ̃ bu kwɔŋkwɔŋ lɛ mli lɛ yɔɔ? Amɛtɛrɛɛɛ tamɔ okpɔŋɔ tɛrɛɔ yɛ shiaŋa nɔ.”

Habakuk 3:8

Yehowa, ani fai omli wo la wo? Fai ni omli fu, loo ŋshɔ ni ogri owo? No hewɔ ota kunimyeli okpɔŋɔ kɛ tayaa shwiili mli kɛbaa nɛɛ?

Bɔfoi 7:36

Ni lɛ nɔŋŋ ekpala amɛ kɛje kpo, ni efee naakpɛɛnii kɛ okadii yɛ Ijipt shikpɔŋ lɛ nɔ kɛ Ŋshɔ Tsuru lɛ mli kɛ ŋa lɛ nɔ afii nyɔŋmai ejwɛ lɛ.

Yoshua 2:10

ejaakɛ wɔnu bɔ ni Yehowa hã Ŋshɔ Tsuru lɛ mli nu lɛ gbi yɛ nyɛhiɛ be ni nyɛshi Ijipt lɛ. Asaŋ wɔnu bɔ ni nyɛfee Amorbii amaŋtsɛmɛi enyɔ, ni ji Sihon kɛ Og, ni yɔɔ Yordan bokãgbɛ lɛ musumusu nyɛhã lɛ.

Yoshua 3:17

Be ni Israelbii lɛ fɛɛ nyiɛ shikpɔŋ gbiŋ nɔ kɛfoɔ faa lɛ, osɔfoi lɛ ni tere Yehowa Kpãŋmɔ Adeka lɛ wa damɔ shikpɔŋ gbiŋ nɔ yɛ Yordan teŋ tuuŋtu kɛyashi beyinɔ ni maŋ muu lɛ fɛɛ fo faa lɛ tã.

Yoshua 4:23

ejaakɛ Yehowa, nyɛNyɔŋmɔ, lɛ hã Yordan mli nu lɛ gbi hã nyɛ kɛyashi beyinɔ ni nyɛfo nyɛtã tamɔ bɔ ni Yehowa, nyɛNyɔŋmɔ lɛ, fee Ŋshɔ Tsuru lɛ, be ni ehã egbi ehã wɔ kɛyashi beyinɔ ni wɔfo wɔtã lɛ,