2 Mose 14:14 - ŊMALƐ KRƆŊKRƆŊ LƐ

¹⁴ Yehowa baawu ahã nyɛ, nyɛ lɛ nyɛfea diŋŋ”.

Ṅmãle̱ Kroṅkroṅ Le̱

¹⁴ Iehowa bawu ahãnye, ši nye le nyefea diṅṅ! 5 Mose 1,30. 2 Kron. 20,16. Ies. 30,16.

2 Mose 14:14 ပူးပေါင်းရင်းမြစ်များ

2 Kronika 20:15

Kɛkɛ ni Yahaziel kɛɛ asafo lɛ akɛ, “Maŋtsɛ kɛ Yudabii kɛ Yerusalɛm maŋbii fɛɛ ni naa ekpe shi, nɔ ni Yehowa kɛɔ nyɛ nɛ, ‘Nyɛkashea gbeyei, asaŋ nyɛtsui akafãa hu yɛ ta babaoo nɛɛ hewɔ, ejaakɛ ta ni abaawu lɛ ebɛ nyɛdɛŋ, Nyɔŋmɔ dɛŋ eyɔɔ.’

2 Kronika 20:17

Ta nɛɛ lɛ nyɛtswaŋ eko. Nyɛ lɛ nyɛgbaa nyɛta lɛ kɛkɛ koni nyɛdamɔa shi nyɛmɛ koni nyɛkwɛ kunim ni Yehowa baaye ahã nyɛ Yuda kɛ Yerusalɛmbii. Nyɛkashea gbeyei, asaŋ nyɛtsui akafãa hu. Wɔ lɛ, nyɛfãa ta koni nyɛ kɛ amɛ ayakpea ejaakɛ Yehowa kɛ nyɛ yɛ.”

2 Kronika 20:29

Kɛkɛ ni Nyɔŋmɔ he ŋmiŋmi mɔmɔ shikpɔji anɔ majimaji lɛ fɛɛ be ni amɛnu bɔ ni Yehowa efee Israel henyɛlɔi lɛ yɛ ta mli yɛ Israelbii ahewɔ lɛ.

Nehemia 4:14

Kɛkɛ ni mikwɛ bɔ ni nibii yɔɔ hãa, ni mikɛɛ maŋ lɛ mli abladei lɛ kɛ nɔyelɔi lɛ kɛ mɛi ni eshwɛ lɛ fɛɛ akɛ, “Nyɛkashea henyɛlɔi lɛ agbeyei; shi moŋ nyɛkaia Nuŋtsɔ kpeteŋkple ni he yɔɔ gbeyei lɛ, ni nyɛwua nyɛhãa nyɛnyɛmimɛi kɛ nyɛbihii kɛ nyɛbiyei kɛ nyɛŋamɛi kɛ nyɛshĩaiaŋ lɛ.”

Nehemia 4:20

No hewɔ lɛ, he fɛɛ he ni nyɛaanu tɛtɛrɛmantɛrɛ gbɛɛmɔ yɛ lɛ, nyɛbuaa nyɛhe naa kɛbaa wɔŋɔɔ yɛ jɛi; wɔNyɔŋmɔ lɛ aaawu ahã wɔ.”

Nehemia 9:11

Ohã ŋshɔ lɛ mli gba yɛ amɛhiɛ, ni amɛnyiɛ shikpɔŋ gbiŋ nɔ kɛtsɔ̃ ŋshɔ lɛ teŋ. Shi mɛi ni tiuɔ amɛ lɛ oshɛrɛ amɛ oshwie ŋshɔ kwɔŋkwɔŋ lɛ mli ni amɛshiu tamɔ tɛ yɛ nu hamahama lɛ mli.

Lalai 35:1

Oo Yehowa, okɛ mɛi ni kɛ mi ena lɛ ana; okɛ mɛi ni kɛ mi wuɔ lɛ awu!

Lalai 50:3

WɔNyɔŋmɔ lɛ miiba, ebaaa lɛ kpoo. La ni kpãtãa nii ahiɛ nyiɛ ehiɛ; ni ahum kpele bɔle ehe.

Lalai 83:1

Oo Naa Nyɔŋmɔ, kaafee dioo! Kaamua onaa, ni kaafee kpoo, Naa Nyɔŋmɔ!

2 Mose 14:15

Yehowa kɛɛ Mose akɛ, “Mɛɛba ni obolɔɔ otsɛɔ mi? Kɛɛmɔ Israelbii lɛ akɛ amɛya amɛhiɛ.

2 Mose 14:25

Ehã amɛshwiilii lɛ anaji lɛ bɔi fuu, ni ekɛwo Ijiptbii lɛ hejaramɔ. Kɛkɛ ni Ijiptbii lɛ kɛɛ akɛ, “Nyɛhãa wɔjoa Israelbii lɛ anaa foi ejaakɛ Yehowa kɛ wɔ miiwu miihã amɛ.”

2 Mose 15:3

Yehowa, lɛ tawulɔ ni. Ani jeee egbɛi ji Yehowa?

Yesaia 30:15

Bɔ ni Nuŋtsɔ Nyɔŋmɔ, Israel Mɔ Krɔŋkrɔŋ lɛ, kɛɔ nɛ, “Sɛɛkuu kɛbaa kɛ diŋŋfeemɔ mli nyɛyi aaana wala yɛ; kpoofeemɔ kɛ hiɛnɔkãmɔ mli nyɛhewalɛ yɔɔ. Shi moŋ nyɛkwa,

Yāfó 3:26

Ehi akɛ atoɔ tsui shi kpoo amɛɔ Yehowa yiwalaheremɔ lɛ.

5 Mose 1:30

Yehowa, nyɛNyɔŋmɔ lɛ, mɔ ni nyiɛ nyɛhiɛ lɛ, baawu ehã nyɛ lɛ diɛŋtsɛ, tamɔ bɔ ni efee ehã nyɛ yɛ nyɛ diɛŋtsɛ nyɛhiŋmɛiaŋ, yɛ Ijipt,

5 Mose 20:4

ejaakɛ Yehowa, nyɛNyɔŋmɔ lɛ, kɛ nyɛ yaa ta lɛ koni ekɛ nyɛhenyɛlɔi lɛ ayawu ahã nyɛ koni nyɛye kunim.’

5 Mose 3:22

Nyɛkashea amɛ gbeyei, ejaakɛ Yehowa, nyɛNyɔŋmɔ lɛ, ji mɔ ni wuɔ ta lɛ hãa nyɛ.’

Yoshua 10:10

Yehowa hã Amorbii lɛ jijaa yɛ Israelbii lɛ ahiɛ, ni Israelbii lɛ gbe amɛ babaoo diɛŋtsɛ yɛ Gibeon. Asaŋ amɛnyiɛ Amorbii lɛ asɛɛ kɛtsɔ̃ Bet Horon Gɔŋ lɛ nɔ, ni amɛgbe amɛ kɛyashi Azeka kɛ Makeda tɔ̃ɔ.

Yoshua 10:14

Nakai gbi lɛ henɔ bako pɛŋ dã, ni kɛjɛ no sɛɛ hu eko bako dɔŋŋ ni Yehowa ebo gbɔmɔ toi nɛkɛ, ejaakɛ gbi lɛ Yehowa wu Israel ta lɛ ehã lɛ.

Yoshua 10:42

Ta shi kome ni Yoshua fã lɛ, ekɛye shikpɔji nɛɛ kɛ amɛmaŋtsɛmɛi lɛ fɛɛ anɔ kunim ejaakɛ Yehowa, Israel Nyɔŋmɔ lɛ, ji mɔ ni wu tai lɛ ehã Israelbii lɛ.

Yoshua 23:10

Nyɛteŋ gbɔmɔ kome aaashwie mɛi akpe kɛ foi. Ejaakɛ Yehowa, nyɛNyɔŋmɔ lɛ, lɛ ji mɔ ni wuɔ nyɛta lɛ ehãa nyɛ tamɔ bɔ ni ewo nyɛ shi eto lɛ.

Yoshua 23:3

Te nyɛna nii fɛɛ ni Yehowa, nyɛNyɔŋmɔ lɛ, efee majimaji ni bɔle nyɛ nɛɛ fɛɛ yɛ nyɛhewɔ? Yehowa, nyɛNyɔŋmɔ lɛ, lɛ ewu nyɛtai lɛ ehã nyɛ.

Kojolɔi 5:20

Ŋulamii jɛ ŋwɛi wu, Amɛjɛ amɛgbɛhei lɛ amɛkɛ Sisera wu.

1 Samuel 4:7

Filistibii lɛ she gbeyei, ni amɛkɛɛ, “Jemawɔŋ ko eba amɛta lɛ mli. Sane eye wɔ ei! Nɛkɛ nɔ ko bako dã.