2 Mose 14:13 - ŊMALƐ KRƆŊKRƆŊ LƐ

¹³ Ni Mose here Israelbii lɛ nɔ ekɛɛ, “Nyɛkashea gbeyei! Nyɛdamɔa shi shiŋŋ ni nyɛkwɛa nyɛyiwala ni Yehowa baahere ŋmɛnɛ nɛɛ. Ejaakɛ Ijiptbii ni nyɛnaa ŋmɛnɛ nɛɛ lɛ, nyɛnaŋ amɛ dɔŋŋ kɛaatee naanɔ.

Ṅmãle̱ Kroṅkroṅ Le̱

¹³ Ši Mose kē̱ maṅ le̱ ake̱: Nyekasea gbeyei, nyedame̱a ši siṅṅ, ni nyekwe̱a nyeyiwala ni Iehowa bahere ṅme̱ne̱ ne̱; edšake̱ Mizraimbii ni nyenaä ṅme̱ne̱ ne̱, nyenaṅame̱ doṅṅ ke̱-ate nāno̱.

2 Mose 14:13 ပူးပေါင်းရင်းမြစ်များ

1 Mose 15:1

Enɛ sɛɛ lɛ Yehowa kɛ Abram wie yɛ ninaa mli akɛ, “Kaashe gbeyei, Abram, mabu ohe, ni mabaa oyi.”

1 Mose 26:24

Yehowa jie ehe kpo etsɔ̃ɔ lɛ nakai nyɔɔŋ lɛ mli nɔŋŋ ni ekɛɛ, “Mi ji otsɛ Abraham Nyɔŋmɔ lɛ; kaashe gbeyei, ejaakɛ mikɛ bo yɛ, ni majɔɔ bo; mahã oshwiei afa yɛ mitsulɔ Abraham hewɔ.”

1 Mose 46:3

Kɛkɛ ni Nyɔŋmɔ kɛɛ lɛ akɛ, “Mi ji Yehowa, otsɛ Nyɔŋmɔ lɛ. Kaashe Ijipt yaa gbeyei ejaakɛ mahã oshwiei atsɔ̃ jeŋmaŋ kpeteŋkple yɛ jɛi.

1 Mose 49:18

“Yehowa, oyiwalaheremɔ lɛ, gbɛ miikwɛɔ nɛɛ!

2 Maŋtsɛmɛi 6:16

Elisha here nɔ akɛ, “Kaashe gbeyei ejaakɛ mɛi ni kɛ wɔ yɔɔ lɛ fa fe mɛi ni kɛ amɛ yɔɔ lɛ.”

1 Kronika 11:14

Shi Eleazar nɛɛ ho edamɔ shi akɛ nuu, ni ekpee ta lɛ naa yɛ shikpɔŋ kuku lɛ teŋ tuuŋtu efã shikpɔŋ lɛ he, ni ekɛ esɛɛnyiɛlɔi lɛ gbe Filistibii lɛ. Yehowa hã eye kunim kpeteŋkple.

2 Kronika 20:15

Kɛkɛ ni Yahaziel kɛɛ asafo lɛ akɛ, “Maŋtsɛ kɛ Yudabii kɛ Yerusalɛm maŋbii fɛɛ ni naa ekpe shi, nɔ ni Yehowa kɛɔ nyɛ nɛ, ‘Nyɛkashea gbeyei, asaŋ nyɛtsui akafãa hu yɛ ta babaoo nɛɛ hewɔ, ejaakɛ ta ni abaawu lɛ ebɛ nyɛdɛŋ, Nyɔŋmɔ dɛŋ eyɔɔ.’

2 Kronika 20:17

Ta nɛɛ lɛ nyɛtswaŋ eko. Nyɛ lɛ nyɛgbaa nyɛta lɛ kɛkɛ koni nyɛdamɔa shi nyɛmɛ koni nyɛkwɛ kunim ni Yehowa baaye ahã nyɛ Yuda kɛ Yerusalɛmbii. Nyɛkashea gbeyei, asaŋ nyɛtsui akafãa hu. Wɔ lɛ, nyɛfãa ta koni nyɛ kɛ amɛ ayakpea ejaakɛ Yehowa kɛ nyɛ yɛ.”

Nehemia 9:9

“Ona amanehulu ni wɔtsɛmɛi lɛ na yɛ Ijipt lɛ, ni obo amɛtsɛmɔ ni amɛtsɛ bo lɛ toi yɛ Ŋshɔ Tsuru lɛ naa.

Lalai 3:8

Kunimyeli lɛ Yehowa dɛŋ ejɛɔ, Yehowa, ojɔɔmɔ aba omaŋ lɛ nɔ. Sela

Lalai 68:21

Shi Nyɔŋmɔ aaajwara ehenyɛlɔi lɛ ayitsei, mɛi ni baa jeŋ fɔŋ ni amɛto amɛyi kusukusuu lɛ.

Lalai 78:53

Ekpala amɛ shweshweeshwe bɔ ni amɛsheee gbeyei; shi ŋshɔ lɛ gbe amɛhenyɛlɔi lɛ,

Lalai 91:8

Ohiŋmɛi kɛkɛ okɛaakwɛ, ni ooona mɛi fɔ̃ji anyɔmɔwo.

2 Mose 14:30

Nakai gbi lɛ, bɔ ni Yehowa fee ehere Israelbii lɛ ayiwala kɛjɛ Ijiptbii adɛŋ nɛ, ni Israelbii lɛ na Ijiptbii lɛ jwere ŋshɔ lɛ naa ni amɛgboi.

2 Mose 20:20

Mose kɛɛ maŋ lɛ akɛ, “Nyɛkashea gbeyei, ejaakɛ kaa Nyɔŋmɔ ba nyɛ kaa, bɔ ni afee ni lɛ egbeyeishemɔ ahi nyɛmli daa koni nyɛkafee esha.”

Yesaia 26:3

Yehowa ohãa maŋ ni hiɛ kã onɔ lɛ naa toiŋjɔlɛ krɔŋŋ, ejaakɛ bo onɔ amɛhiɛkãa.

Yesaia 30:15

Bɔ ni Nuŋtsɔ Nyɔŋmɔ, Israel Mɔ Krɔŋkrɔŋ lɛ, kɛɔ nɛ, “Sɛɛkuu kɛbaa kɛ diŋŋfeemɔ mli nyɛyi aaana wala yɛ; kpoofeemɔ kɛ hiɛnɔkãmɔ mli nyɛhewalɛ yɔɔ. Shi moŋ nyɛkwa,

Yesaia 35:4

Nyɛkɛa mɛi ni tsui fãa lɛ akɛ, “Nyɛfea ekãa, nyɛkashea gbeyei! Naa nyɛNyɔŋmɔ lɛ baaba koni ebatɔ nyɛhe owele. Ebaaba koni ebahere nyɛyiwala.”

Yesaia 43:11

“Mi, mi nɔŋŋ mi ji Yehowa lɛ, ni misɛɛ lɛ yiwalaherelɔ ko bɛ dɔŋŋ.

Yesaia 7:4

Kɛɛmɔ lɛ akɛ, ‘Kwɛ ohe ni ahi, ni ofee dioo; kaashe gbeyei, ni otsui hu akafã yɛ grimɔ waa ni Maŋtsɛ Rezin kɛ Siriabii kɛ Remalia bi Maŋtsɛ Peka egri lɛ hewɔ, ejaakɛ amɛtamɔ tsei kukuji ni miije lasu kɛkɛ.

Yeremia 3:23

Eji anɔkwa akɛ gɔji lɛ ayiteiaŋ jamɔ hoo lɛ lakamɔ sɔŋŋ kɛkɛ ni. Anɔkwa, Yehowa, wɔNyɔŋmɔ lɛ, lɛ edɛŋ Israel yiwalaheremɔ yɔɔ.

Yāfó 3:26

Ehi akɛ atoɔ tsui shi kpoo amɛɔ Yehowa yiwalaheremɔ lɛ.

Hosea 1:7

Shi mimusuŋ aaatsɔ̃ mi yɛ Yuda he, ni mi Yehowa, amɛNyɔŋmɔ lɛ, mibahere amɛyiwala; shi moŋ mitsɔ̃ŋ gãi loo klante loo ta loo okpɔŋɔi loo tayaa okpɔŋɔnɔtalɔi anɔ mihereŋ amɛyiwala.”

Hosea 13:4

Yehowa kɛɛ, “Mi ji Yehowa, nyɛNyɔŋmɔ lɛ, ni here nyɛyiwala kɛjɛ Ijipt shikpɔŋ lɛ nɔ beebe lɛ. Nyɛleee Nyɔŋmɔ ko akɛ ja mi; ni mi misɛɛ hu lɛ yiwalaherelɔ ko bɛ dɔŋŋ.

Hosea 13:9

“Kwɛ, Israel! Mibakpãtã ohiɛ; ni namɔ aaanyɛ oyiwala ahere?

Habakuk 3:13

Otee oyahere omɛi lɛ ayiwala, koni oyahere mɔ ni ofɔ lɛ mu lɛ yiwala. Ojwara mɔ fɔŋ lɛ weku lɛ yitso, ni oŋmɛ lɛ yayai kɛjɛ eshuɔ kɛyata ekuɛ.

Habakuk 3:8

Yehowa, ani fai omli wo la wo? Fai ni omli fu, loo ŋshɔ ni ogri owo? No hewɔ ota kunimyeli okpɔŋɔ kɛ tayaa shwiili mli kɛbaa nɛɛ?

4 Mose 14:9

Shi moŋ Yehowa hiɛ atua kɛkɛ ni nyɛkatsea; ni asaŋ nyɛkashea shikpɔŋ lɛ nɔ bii lɛ gbeyei, ejaakɛ amɛshɛŋ wɔwaosɛɛkpelɔ tete; amɛkɔlɔ eje amɛnɔ momo; shi wɔ lɛ, Yehowa kɛ wɔ yɛ. No hewɔ lɛ, nyɛkashea gbeyei.”

Mateo 28:5

Shi bɔfo lɛ kɛɛ yei lɛ akɛ, “Nyɛkashea gbeyei, ejaakɛ mile akɛ nyɛmiitao Yesu mɔ ni asɛŋ lɛ lɛ;

5 Mose 20:3

ni ekɛɛ amɛ akɛ, ‘Hiiabii Israelbii, nyɛboa toi! Ta ebanina nyɛ ŋmɛnɛ, ni nyɛkɛ nyɛhenyɛlɔi yaakpe. Nyɛtsui akafãa; nyɛkashea gbeyei, ni nyɛhe akakpokpoa; nyɛkahãa ŋmiŋmi mɔmɔa nyɛ yɛ amɛhiɛ,

1 Samuel 11:13

Shi Saul to he ekɛɛ, “Ashwieŋ la shi ŋmɛnɛ, ejaakɛ ŋmɛnɛ lɛ Yehowa ehere Israel yiwala.”

1 Samuel 12:16

No hewɔ lɛ, nyɛdamɔa shi ni nyɛkwɛa naakpɛɛ nɔ ko ni Yehowa baafee.