2 Mose 14:12 - ŊMALƐ KRƆŊKRƆŊ LƐ

¹² Ani jeee wiemɔ ni wɔkɛ bo wie yɛ Ijipt lɛ nɛ akɛ, ‘Fɔ̃ɔmɔ ni ohã wɔsɔ̃mɔ Ijiptbii lɛ kɛkɛ?’ Shi faŋ nɔ moŋ ni wɔsɔ̃mɔ Ijiptbii lɛ fe nɔ ni wɔɔyagboi yɛ ŋa lɛ nɔ lɛ.”

Ṅmãle̱ Kroṅkroṅ Le̱

¹² Ani dšee wiemo̱ ní wo̱ke̱o wie ye̱ Mizraim le̱ ne̱ ake̱: Fõmo̱ ní ohã wo̱súmo̱ Mizraimbii le̱? Ši fãṅ nõ moṅ ní wo̱súmo̱ Mizraimbii le̱ fè noni wo̱o̱bagboi ye̱ ṅã le̱ no̱ le̱!

2 Mose 14:12 ပူးပေါင်းရင်းမြစ်များ

Lalai 106:7

Be ni wɔblematsɛmɛi lɛ yɔɔ Ijipt lɛ, amɛyooo onaakpɛɛ nitsumɔi lɛ asɛɛ, amɛkaiii osuɔmɔ babaoo ni tsakeee lɛ; shi moŋ, amɛtse Ŋwɛi Flooflonyo lɛ hiɛ atua, yɛ Ŋshɔ Tsuru lɛ naa.

2 Mose 13:17

Be ni Farao ŋmɛ Israelbii lɛ gbɛ akɛ amɛya lɛ, Nyɔŋmɔ kpalaaa amɛ kɛtsɔ̃ɔɔ Filistibii lɛ ashikpɔŋ lɛ nɔ gbɛ lɛ nɔ; tsɛbelɛ jɛi gbɛ lɛ jɛkɛɛɛ, ejaakɛ Nyɔŋmɔ kɛɛ, “Koni Israelbii lɛ kɛ ta ko akayakpe yɛ gbɛteŋ, ni no hã amɛshwa amɛhe ni amɛku amɛsɛɛ kɛtee Ijipt ekoŋŋ.”

2 Mose 3:9

Israelbii lɛ akɔmɔyeli lɛ jwere mitoiŋ, ni mihiɛ tua bɔ ni Ijiptbii haoɔ amɛ lɛ.

2 Mose 5:21

Amɛkɛɛ Mose kɛ Aaron akɛ, “Yehowa akojo nyɛ ejaakɛ nyɛhã wɔsane eje Farao kɛ etsuji agugɔŋ fũ, ni nyɛwo amɛdɛ̃ŋ klante ni amɛkɛgbe wɔ.”

2 Mose 6:9

Mose bɔ Israelbii lɛ amaniɛ, shi amɛbooo Mose toi yɛ amɛwerɛ ni eho amɛhe kɛ amɛnɔ nyɔŋyeli ni naa wa lɛ hewɔ.

Hosea 4:17

Israel ekɔ wɔŋjamɔ efɔ enɔ; nyɛŋmɛa ejeŋ he nyɛhãa lɛ.

Yona 4:3

No hewɔ lɛ, agbɛnɛ, Yehowa, foo miwala nɔ ohã mi, ejaakɛ faŋ nɔ ni migbo moŋ fe nɔ ni mihiɛ kã nɛɛ.”

Yona 4:8

Ni be ni hulu te shi lɛ, Nyɔŋmɔ hã bokã kɔɔyɔɔ ko ni mli edɔ batswa, ni Yona tɔ biti yɛ hulu ni shã epampam lɛ naawalɛ hewɔ. Kɛkɛ ni Yona shwe gbele, ni ekɛɛ akɛ, “Faŋ nɔ ni migbo moŋ fe nɔ ni mihiɛ kã nɛɛ.”

Marko 1:24

“Mɛɛ sane wɔkɛ bo yɔɔ, Yesu Nazarenyo? Oba wɔhiɛ kpãtãmɔ? Mile mɔ ni ji bo. Bo ji Nyɔŋmɔ Mɔ krɔŋkrɔŋ lɛ!”

Marko 5:7

ni ebo kɛ gbee ni wa ekɛɛ, “Yesu, Nyɔŋmɔ ni yɔɔ ŋwɛi shɔŋŋ lɛ Bi, mɛni sane mikɛ bo yɔɔ? Mina Nyɔŋmɔ akɛ kaapiŋ mi!”