2 Mose 13:5 - ŊMALƐ KRƆŊKRƆŊ LƐ

⁵ Kɛji Yehowa kɛ nyɛ yashɛ Kanaanbii kɛ Hitbii kɛ Amorbii kɛ Hivbii kɛ Yebusbii lɛ ashikpɔŋ kpakpa ni da ni yɔɔ frɔ̃frɔ̃ ni niyenii pii yɔɔ nɔ, nɔ ni ekã nyɛ kɛ nyɛtsɛmɛi lɛ kitã akɛ ekɛbaahã nyɛ, lɛ nɔ lɛ, jamɔ ni nyɛkɛja lɛ yɛ nyɔɔŋ nɛɛ nɔ nɛ:

Ṅmãle̱ Kroṅkroṅ Le̱

⁵ Nohewo̱ le̱ ke̱dši Iehowa ke̱o yaše̱ Kanaanbii ke̱ Hitbii ke̱ Amorbii ke̱ Hivbii ke̱ Iebusbii le̱ ašikpoṅ le̱, šikpoṅ ni fufo̱ ke̱ wò hoo̱ ye̱ no̱ ní ekã *otše̱mei le̱ akitã ake̱ eeṅõ-hão le̱, no̱ le̱, hã aba mli ake̱ dšámo̱ ní oke̱-dšále̱ ye̱ nyõṅ ne̱ no̱ ne̱. *1 Mose 17,8.

2 Mose 13:5 ပူးပေါင်းရင်းမြစ်များ

1 Mose 26:3

too gbɔ yɛ shikpɔŋ nɛɛ nɔ; ni mikɛ bo aaahi shi, ni majɔɔ bo, ejaakɛ bo kɛ oshwiei mikɛ nɛkɛ shikpɔŋ nɛɛ fɛɛ baahã,

1 Mose 50:24

Agbɛnɛ Yosef kɛɛ enyɛmimɛi lɛ akɛ, “Migbele be eshɛ; shi saramɔ Nyɔŋmɔ aaabasra nyɛ kɛ̃, ni eeekpala nyɛ yɛ shikpɔŋ nɛɛ nɔ kɛaatee shikpɔŋ ni ekã Abraham kɛ Isak kɛ Yakob kitã yɛ he lɛ nɔ.”

1 Kronika 1:15

kɛ Hivbii lɛ kɛ Arkibii lɛ kɛ Sinbii lɛ,

2 Mose 12:24

Nyɛyea gbɛjianɔtoi nɛɛ anɔ, ni etsɔ̃ akpɔ ehã nyɛ kɛ nyɛbii kɛya naanɔ.

2 Mose 13:10

No hewɔ lɛ, nyɛyea nɛkɛ akpɔ nɛɛ nɔ yɛ ebe lɛ mli.

2 Mose 13:11

“Kɛji Yehowa kɛ nyɛ yashɛ Kanaanbii ashikpɔŋ lɛ nɔ tamɔ bɔ ni ekã nyɛ kɛ nyɛtsɛmɛi lɛ kitã akɛ ekɛaahã nyɛ lɛ,

2 Mose 3:17

ni miiwo shi akɛ majie nyɛ kɛje Ijipt amanehulu lɛ mli kɛya Kanaanbii kɛ Hitbii kɛ Amorbii kɛ Perizbii kɛ Hivbii kɛ Yebusbii lɛ ashikpɔŋ kpakpa ni yɔɔ frɔ̃frɔ̃ lɛ nɔ.

2 Mose 3:8

Naa, mikpeleke shi miba amɛ jiemɔ yɛ Ijiptbii lɛ adɛŋ, koni makpala amɛ kɛshi Ijipt kɛya shikpɔŋ kpakpa ni da, ni yɔɔ frɔ̃frɔ̃ ni niyenii pii yɔɔ nɔ lɛ nɔ, he ni Kanaanbii kɛ Hitbii kɛ Amorbii kɛ Perizbii kɛ Hivbii kɛ Yebusbii yɔɔ lɛ.

2 Mose 32:13

Kaimɔ otsuji Abraham kɛ Isak kɛ Yakob, mɛi ni bo diɛŋtsɛ okã amɛ kitã, ni okɛɛ amɛ akɛ, ‘Mahã nyɛshwiei afa tamɔ ŋwɛi ŋulamii lɛ, ni shikpɔŋ nɛɛ fɛɛ ni miwo nyɛ shi yɛ he lɛ mikɛbaahã amɛ akɛ amɛgboshinii kɛya naanɔ.’ ”

2 Mose 33:1

Yehowa kɛɛ Mose akɛ, “Yi mli ni oje biɛ, bo kɛ maŋ ni oyajie kɛjɛ Ijipt kɛba lɛ, kɛya shikpɔŋ ni mikã Abraham kɛ Isak kɛ Yakob ehe kitã akɛ, ‘Oshwiei mikɛ shikpɔŋ nɛɛ baahã’ lɛ nɔ.

2 Mose 34:11

Ye mlai ni miwoɔ bo ŋmɛnɛ nɛɛ anɔ. Naa, mibahã Amorbii lɛ kɛ Kanaanbii lɛ kɛ Hitbii lɛ kɛ Perizbii lɛ kɛ Hivbii lɛ kɛ Yebusbii lɛ ajo nyɛnaa foi.

2 Mose 6:4

Ni misaa mi kɛ amɛ kpãŋ akɛ mikɛ Kanaan shikpɔŋ lɛ baahã amɛ, shikpɔŋ ko ni amɛyato gbɔ yɛ nɔ lɛ.

2 Mose 6:8

Mikɛ nyɛ aaatee shikpɔŋ lɛ ni mikã he kitã akɛ mikɛbaahã Abraham kɛ Isak kɛ Yakob lɛ nɔ. Mi ji Yehowa.’ ”

Yeremia 11:5

bɔ ni afee ni matsu kitã ni mikã nyɛtsɛmɛi lɛ he nii, no ji akɛ mahã amɛ shikpɔŋ kpakpa ni baa nii koni amɛhi nɔ tamɔ bɔ ni eyɔɔ ŋmɛnɛ nɛɛ lɛ.” Kɛkɛ ni mihere nɔ akɛ, “Yehowa, aba mli nakai.”

Yeremia 32:22

ni oŋɔ shikpɔŋ nɛɛ ni okã amɛtsɛmɛi lɛ kitã yɛ he akɛ okɛbaahã amɛ lɛ ohã amɛ, eji shikpɔŋ kɛ emli fɔ ni baa nii.

Ezekiel 20:6

Nakai gbi lɛ mikã amɛ kitã akɛ majie amɛ kɛjɛ Ijipt shikpɔŋ lɛ nɔ kɛya shikpɔŋ ko ni mito miha amɛ lɛ nɔ; shikpɔŋ ni hi ni ebaa nii, ni eji shikpɔji lɛ ateŋ nɔ ni hi fe fɛɛ lɛ.

3 Mose 20:24

Shi miwo nyɛ shikpɔŋ kpakpa ni baa nii nɛɛ he shi, ni mikɛbaahã nyɛ akɛ nyɛnɔ. Mi ji Yehowa, nyɛNyɔŋmɔ lɛ. Mijie nyɛ yɛ maji krokomɛi lɛ ateŋ mito afã.

4 Mose 11:12

Ani mi, mibɔ maŋ muu nɛɛ, aloo mi, mifɔ amɛ, hewɔ ni okɛɛ mi akɛ mihiɛ amɛ yɛ mikpɔkɔiaŋ tamɔ bɔ ni bihiɛlɔ hiɛɔ bi abifao kɛya shikpɔŋ lɛ ni owo amɛtsɛmɛi lɛ ashi yɛ he lɛ nɔ lɛ?

4 Mose 13:27

Amɛbɔ Mose amaniɛ amɛkɛɛ, “Wɔtee shikpɔŋ ni otsu wɔ nɔ lɛ nɔ; ni anɔkwale ji akɛ shikpɔŋ lɛ ewo fɔ ni ebaa nii hu, ni enɔ tsei ayibii po nɛ.

4 Mose 14:16

‘Nyɛ ni Yehowa, onyɛɛɛ okɛ omaŋbii lɛ ayashɛ shikpɔŋ lɛ ni owo shi yɛ he akɛ okɛbaahã amɛ lɛ nɔ lɛ, hewɔ ni oyaplenee amɛ yɛ shiaŋa lɛ nɔ lɛ.’

4 Mose 14:30

amɛteŋ mɔ kome nɛkɛ shɛŋ shikpɔŋ lɛ ni miwo shi yɛ he akɛ mikɛbaahã nyɛ koni nyɛhi nɔ lɛ nɔ, akɛ ja Kaleb, Yefune bi lɛ, kɛ Yoshua, Nun bi lɛ.

4 Mose 32:11

‘Hii ni shi Ijipt shikpɔŋ lɛ nɔ lɛ ateŋ mɛi ni eye kɛjɛ afii nyɔŋmai enyɔ kɛyaa lɛ ateŋ mɔ ko mɔ ko hiŋmɛi enaŋ shikpɔŋ ni mikã he kitã akɛ mikɛbaahã Abraham kɛ Isak kɛ Yakob lɛ, ejaakɛ amɛyeko mi anɔkwa kɛwulako shi,

5 Mose 12:29

“Kɛji Yehowa, nyɛNyɔŋmɔ lɛ, kpãtã maji ni nyɛyaa nyɛyaŋɔ amɛshikpɔji lɛ yɛ amɛdɛŋ lɛ ahiɛ, ni nyɛŋɔ shikpɔŋ lɛ nyɛhi nɔ lɛ,

5 Mose 19:1

“Kɛji Yehowa, nyɛNyɔŋmɔ lɛ, kpãtã maji anɔ bii lɛ ni eŋɔɔ amɛshikpɔŋ lɛ ehã nyɛ lɛ ahiɛ, ni nyɛŋɔ amɛshikpɔŋ lɛ kɛ amɛmaji lɛ kɛ amɛshĩai lɛ ni nyɛhi mli lɛ,

5 Mose 26:1

“Kɛji oyashɛ shikpɔŋ ni Yehowa kɛhãa bo akɛ onɔ lɛ nɔ, ni oŋɔ shikpɔŋ lɛ, ni ohi nɔ lɛ,

5 Mose 7:1

“Yehowa, nyɛNyɔŋmɔ lɛ, kɛ nyɛ baaya ayashɛ shikpɔŋ ni nyɛyaa nyɛyaŋɔ lɛ nɔ. Ebaashwie maji kpawo ni dara, asaŋ ni amɛhe wa fe nyɛ kɛje nyɛhiɛ. Maji nɛɛ ji Hitbii lɛ kɛ Girgashbii lɛ kɛ Amorbii lɛ kɛ Kanaanbii lɛ kɛ Perizbii lɛ kɛ Hivbii lɛ kɛ Yebusbii amaji lɛ.

Yoshua 24:11

No sɛɛ ni nyɛfo Yordan lɛ, ni nyɛba Yeriko. Yeriko lumɛi lɛ kɛ nyɛ wu, ni nakai nɔŋŋ Amorbii lɛ kɛ Perizbii lɛ kɛ Kanaanbii lɛ kɛ Hitbii lɛ kɛ Girgashbii lɛ kɛ Hivbii lɛ kɛ Yebusbii lɛ hu kɛ nyɛ wu; shi mihã nyɛye amɛ fɛɛ amɛnɔ kunim.