2 Mose 13:18 - ŊMALƐ KRƆŊKRƆŊ LƐ

¹⁸ No hewɔ lɛ, Nyɔŋmɔ kɛ Israelbii lɛ lɔgɔ shi kɛtsɔ̃ Ŋshɔ Tsuru lɛ he ŋa lɛ nɔ gbɛ. Israelbii lɛ fã yɛ Ijipt ni amɛsaa amɛhe amɛhã ta.

Ṅmãle̱ Kroṅkroṅ Le̱

¹⁸ Nohewo le̱ Nyoṅmo̱ ke̱ maṅ le̱ lo̱go̱ ši ke̱-tšṍ Ṅšo̱-tšuru le̱ he ṅã le̱ ne̱ gbe̱. Ni Israelbii le̱ fã tamo̱ ta ke̱-dše̱ Mizraim šikpoṅ le̱ no̱.

2 Mose 13:18 ပူးပေါင်းရင်းမြစ်များ

1 Mose 50:25

Kɛkɛ ni Yosef hã enyɛmimɛi, Yakob bii, lɛ kã lɛ kitã ni ekɛɛ, “Nyɔŋmɔ aaakai nyɛ kɛ̃. Kɛ eeebajie nyɛ lɛ, nyɛjiea miwui lɛ kɛjea biɛ kɛya.”

Lalai 107:7

ni enyiɛ amɛhiɛ kɛtsɔ̃ gbɛ trɔmɔɔ nɔ, kɛyashɛ maŋ ni gbɔmɔ hiɔ mli mli.

Lalai 136:16

Lɛ mɔ ni ekpala emaŋ lɛ kɛtsɔ̃ ŋa lɛ nɔ lɛ; ejaakɛ naanɔ esuɔmɔ ni tsakeee lɛ hiɔ shi kɛyaa!

Lalai 68:8

shikpɔŋ lɛ hoso, ni ŋwɛi nɛ nu shwie shi, yɛ Nyɔŋmɔ hiɛ, yɛ bo Sinai Nyɔŋmɔ lɛ hiɛ. Shikpɔŋ lɛ hoso yɛ bo, Israel Nyɔŋmɔ lɛ, ohiɛ.

2 Mose 12:51

Ni nakai gbi lɛ nɔ nɔŋŋ lɛ Yehowa jie Israelbii lɛ kɛje Ijipt shikpɔŋ lɛ nɔ yɛ amɛkutsei lɛ anaa.

2 Mose 14:2

“Kɛɛmɔ Israelbii lɛ akɛ amɛdɔ amɛyi ni amɛyato shi yɛ Pi-Hahirot hiɛ, yɛ Migdol kɛ Ŋshɔ Tsuru lɛ teŋ, yɛ Baal-Zefon masɛi. Nyɛtoa shi yɛ eŋlɛ nɔ, yɛ ŋshɔ lɛ naa.

2 Mose 14:9

Ijiptbii lɛ yi Israelbii lɛ asɛɛ kɛ Farao okpɔŋɔi kɛ tayaa shwiilii kɛ okpɔŋɔnɔtalɔi kɛ asraafoi fɛɛ. Ni amɛyanina Israelbii lɛ ni amɛto shi yɛ Ŋshɔ Tsuru lɛ naa, yɛ Pi-hahirot masɛi yɛ Baal-Zefon hiɛ.

5 Mose 17:16

Shi moŋ maŋtsɛ lɛ akahi okpɔŋɔi pii; asaŋ ekawo maŋbii lɛ gbɛ ni amɛku amɛsɛɛ kɛtee Ijipt shikpɔŋ lɛ nɔ amɛyahe okpɔŋɔi, ejaakɛ Yehowa ewo nyɛ shi akɛ nyɛkaku nyɛsɛɛ kɛtee Ijipt kɔkɔɔkɔ.

5 Mose 32:10

“Ena lɛ yɛ shiaŋa shikpɔŋ ko nɔ, yɛ ŋa olɛŋɛlɛ shwaŋŋ ko nɔ. Ebu ehe, ni ekura lɛ hu; ebaa eyi tamɔ ehiŋmɛi mli ajaŋmalaatɛ.

Yoshua 1:14

Nyɛbaashi nyɛŋamɛi kɛ nyɛbifabii kɛ nyɛkooloi yɛ shikpɔŋ ni Mose kɛhã nyɛ yɛ Yordan Faa nɛɛ sɛɛ lɛ nɔ; shi nyɛteŋ hii fɛɛ ni eshɛ tayaa amia kɛnyiɛ nyɛnyɛmimɛi lɛ ahiɛ koni nyɛye nyɛbua amɛ,

Yoshua 4:12

Rubenbii lɛ kɛ Gadbii lɛ kɛ Manase akutso lɛ fã lɛ mĩa kɛnyiɛ Israelbii lɛ ahiɛ kɛfo mli tamɔ bɔ ni Mose fã amɛ lɛ.

Yoshua 4:13

Hii aaafee akpei nyɔŋmai ejwɛ ni esaa amɛhe kɛhã ta nyiɛ Yehowa hiɛ kɛtee ta yɛ Yeriko ŋã kplanaa lɛ nɔ.