2 Mose 13:17 - ŊMALƐ KRƆŊKRƆŊ LƐ

¹⁷ Be ni Farao ŋmɛ Israelbii lɛ gbɛ akɛ amɛya lɛ, Nyɔŋmɔ kpalaaa amɛ kɛtsɔ̃ɔɔ Filistibii lɛ ashikpɔŋ lɛ nɔ gbɛ lɛ nɔ; tsɛbelɛ jɛi gbɛ lɛ jɛkɛɛɛ, ejaakɛ Nyɔŋmɔ kɛɛ, “Koni Israelbii lɛ kɛ ta ko akayakpe yɛ gbɛteŋ, ni no hã amɛshwa amɛhe ni amɛku amɛsɛɛ kɛtee Ijipt ekoŋŋ.”

Ṅmãle̱ Kroṅkroṅ Le̱

¹⁷ Ni eba mli ake̱, beni Farao ehã maṅ le̱ gbe le̱, Nyoṅmo̱ kplaa-ame̱ ke̱-tšṍṍ Filistibii le̱ ašikpoṅ le̱ no̱ gbe̱ le̱, tše̱ no dšeke̱e̱, edšake̱ Nyoṅmo̱ kē̱: Koni maṅ le̱ akayana ta ko, ní ame̱ſa amehe, ni ame̱kũ ame̱se̱ ke̱-te Mizraim ekoṅ.

2 Mose 13:17 ပူးပေါင်းရင်းမြစ်များ

1 Maŋtsɛmɛi 8:47

ni amɛshwa amɛhe yɛ shikpɔŋ he ni amɛyɔɔ lɛ nɔ lɛ, ni amɛjaje amɛtɔ̃mɔi amɛtsɔ̃ɔ bo, ni amɛkpa bo fai lɛ, Nuŋtsɔ Nyɔŋmɔ, bo amɛsɔlemɔ lɛ toi.

Nehemia 9:17

Amɛbooo bo toi, ni asaŋ amɛkaiii onaakpɛɛnii ni ofee yɛ amɛteŋ lɛ; shi moŋ amɛfee amɛhe kuɛŋtilɔi. Amɛtse atua, ni amɛto asafoiatsɛ ni ekɛ amɛ aku sɛɛ kɛya nyɔŋyeli mli ekoŋŋ yɛ Ijipt. Shi bo lɛ oji Nyɔŋmɔ ni kɛ eshai faa, durolɔ kɛ musuŋtsɔlɔ ni toɔ etsui shi ni emɔbɔnalɛ fa, hewɔ lɛ oshiii amɛ.

2 Mose 14:10

Farao kɛ eta lɛ tsi bɛŋkɛ. Be ni Israelbii lɛ yaahole amɛhiŋmɛii anɔ lɛ, naa Farao kɛ Ijiptbii lɛ ni amɛnyiɛ amɛsɛɛ kɛmiiba. Gbeyei mɔmɔ Israelbii lɛ naakpa, ni amɛbolɔ amɛtsɛ Yehowa.

Bɔfoi 15:38

Shi Paulo lɛ, lɛ lɛ esusu akɛ esaaa akɛ amɛaaŋɔ mɔ ni kpale yɛ amɛsɛɛ yɛ Pamfilia ni ekɛ amɛ eyaaa nitsumɔ lɛ amɛfata amɛhe.

Bɔfoi 7:39

“Shi wɔtsɛmɛi lɛ ekpɛlɛ̃ɛɛ ni amɛbo lɛ toi, ni amɛtsi lɛ amɛto afã, ni amɛtsui kpale kɛtee Ijipt ekoŋŋ;

5 Mose 17:16

Shi moŋ maŋtsɛ lɛ akahi okpɔŋɔi pii; asaŋ ekawo maŋbii lɛ gbɛ ni amɛku amɛsɛɛ kɛtee Ijipt shikpɔŋ lɛ nɔ amɛyahe okpɔŋɔi, ejaakɛ Yehowa ewo nyɛ shi akɛ nyɛkaku nyɛsɛɛ kɛtee Ijipt kɔkɔɔkɔ.

5 Mose 20:8

“Asaŋ asafoiatsɛmɛi lɛ akɛɛ tabilɔi lɛ akɛ, ‘Nyɛteŋ mɔ ni miishe gbeyei, ni etsui efã lɛ, eku esɛɛ kɛya ewe koni ekahã enyɛmimɛi tabilɔi krokomɛi lɛ atsui miifã tamɔ lɛ nɔŋŋ.’

5 Mose 28:68

Ni Yehowa kɛ nyɛ aaawo lɛji amli kɛaaya Ijipt ekoŋŋ, tsɛbelɛ eji gbɛ ko ni ewo nyɛ he shi akɛ nyɛfaŋ dɔŋŋ; ni nyɛaahɔ̃hɔ̃ɔ nyɛ diɛŋtsɛ nyɛhe nyɛhã nyɛhenyɛlɔi lɛ akɛ nyɔji hii kɛ nyɔji yei, shi mɔ ko mɔ ko heŋ nyɛ tete.”

Hebribii 11:27

Hemɔkɛyeli ekɛje Ijipt ni esheee maŋtsɛ lɛ mlifu lɛ gbeyei, ejaakɛ emɔ mɔ ni anaaa lɛ lɛ mli tamɔ nɔ ni eena lɛ.

Kojolɔi 7:3

No hewɔ lɛ, agbɛnɛ, hã ashiɛ yɛ maŋ lɛ toiŋ akɛ, ‘Mɔ fɛɛ mɔ ni sheɔ gbeyei ni ŋmiŋmi emɔ lɛ lɛ eku esɛɛ eya shĩa.’ ” Gideon ka amɛ ekwɛ ni mɛi akpei nyɔŋmai enyɔ kɛ enyɔ ku amɛsɛɛ, ni mɛi akpei nyɔŋma hi shi.