Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Mose 13:14 - ŊMALƐ KRƆŊKRƆŊ LƐ

14 Kɛji nyɛbii bi nyɛ wɔsɛɛ ko akɛ, ‘Ni te gbijurɔ nɛɛ shishi hu lɛ,’ nyɛkɛa amɛ akɛ, ‘Nineshiwalɛ naa Yehowa jie wɔ kɛje Ijipt he ni aye wɔ nyɔŋ yɛ lɛ.

အခန်းကိုကြည့်ပါ။ ကော်ပီ

Ṅmãle̱ Kroṅkroṅ Le̱

14 Ni aaba mli ake̱, ke̱dši wó̱ lo wó̱se̱ ni obi bio ake̱: Meni dši ene̱? le̱, okē̱le̱ ake̱: Ninešiwale̱ nā Iehowa dšiewo̱ ke̱-dše̱ Mizraim, ye̱ nyodši awe le̱. 12,26.

အခန်းကိုကြည့်ပါ။ ကော်ပီ




2 Mose 13:14
29 ပူးပေါင်းရင်းမြစ်များ  

Ni kɛfee sɛɛ ni ooobakwɛ minyɔmɔwoo lɛ, miye bo anɔkwale jio, miyeko bo anɔkwale jio, obaana. Abotiai lɛ amli eko fɛɛ eko ni he bɛ truntrãi kɛ damdam kɛ gwantɛŋi lɛ amli nii ni he diii lɛ kɛ ooona eko yɛ midɛŋ lɛ, belɛ no lɛ juunii ni.”


Nyɛkaia naakpɛɛnii ni etsu lɛ; naakpɛɛnii ni efee kɛ mlai ni ewo lɛ.


“Mɛnɛɛmɛi ji otsuji kɛ omaŋ ni okɛ ohewalɛ kpeteŋkple lɛ kɛ nyɛmɔ ekpɔ̃ lɛ.


Lɛ ejie Israelbii lɛ kɛje Ijipt lɛ; ejaakɛ naanɔ esuɔmɔ ni tsakeee lɛ hiɔ shi kɛyaa!


Yinɔ kome aaakafo onitsumɔi lɛ atsɔ̃ɔ yinɔ kroko; ni amɛaajaje ohewalɛ nifeemɔi lɛ amɛtsɔ̃ɔ.


Wɔshiuŋ amɛbii lɛ saji lɛ ekoeko nɔ; shi wɔɔgba yinɔbii ni baa lɛ Yehowa anunyam nitsumɔi lɛ kɛ ehewalɛ lɛ kɛ naakpɛɛ nii ni efee lɛ fɛɛ.


koni ogba obii kɛ obii abii nibii ni mifee yɛ Ijipt, kɛ naakpɛɛ okadii ni mifee yɛ amɛteŋ, ni okpã owo amɛtoiiaŋ koni nyɛna nyɛle akɛ mi ji Yehowa.”


Gbi ni amɛna afii ohai ejwɛ kɛ nyɔŋmai etɛ̃ nɛɛ nɔ pɛpɛɛpɛ ni Yehowa webii lɛ blublu shi Ijipt shikpɔŋ lɛ nɔ.


Mose kɛɛ Israelbii lɛ akɛ, “Nyɛkaia nɛkɛ gbi nɛɛ, ni ji gbi nɔ ni nyɛje Ijipt nyɔŋyeli shishi lɛ, ejaakɛ nineshiwalɛ naa Yehowa jie nyɛ kɛje jɛi. No hewɔ lɛ, nyɛkayea masha nii.


Ni nakai gbi lɛ nɔ lɛ nyɛtsia tã, ni nyɛtsɔ̃a nyɛbii gbijurɔ nɛɛ shishi akɛ, ‘Nɔ ni Yehowa fee ehã wɔ be mli ni wɔjeɔ Ijipt lɛ hewɔ ni wɔfeɔ enɛ.’


Nyɛkaia gbijurɔ nɛɛ. Nyɛhãa efea tamɔ okadi ko ni fi nyɛnineshi aloo ni kpɛtɛ nyɛhiɛŋtso nɔ koni Yehowa mla lɛ akã nyɛdaaŋ, ejaakɛ nineshiwalɛ naa Yehowa jie nyɛ kɛje Ijipt.


“Mi ji Yehowa, oNyɔŋmɔ lɛ, ni mi mijie bo yɛ nyɔŋyeli mli kɛjɛ Ijipt shikpɔŋ lɛ nɔ lɛ.


Kɛkɛ ni Yehowa kɛɛ Mose akɛ, “Kpaako obaana nɔ ni mibafee Farao. Ja minineshiwalɛ naa dani eeehã Israelbii lɛ aya. Anɔkwa, minineshiwalɛ naa hu dani eeeshwie amɛ kɛje eshikpɔŋ lɛ nɔ.”


No hewɔ lɛ, kɛɛmɔ Israelbii lɛ akɛ mikɛɛ, ‘Mi ji Yehowa, ni majie nyɛ, ni mawo Ijiptbii lɛ ajatsu lɛ yɛ nyɛkuɛ nɔ, ni mahere nyɛ kɛje nyɔŋ ni amɛyeɔ nyɛ lɛ mli. Mikɛ mihewalɛ aaakpɔ̃ nyɛ, ni no nɔŋŋ mikɛaagbala Ijiptbii lɛ atoi.


Maŋɔ nyɛ mafee mi diɛŋtsɛ mimaŋ, ni matsɔ̃ nyɛNyɔŋmɔ, ni nyɛaale akɛ mi ji Yehowa, nyɛNyɔŋmɔ lɛ, ni jie nyɛ yɛ Ijipt nyɔŋyeli lɛ mli lɛ.


“Nɔ ni mi, Yehowa, Israel Nyɔŋmɔ lɛ, kɛɔ nɛ, ‘Mikɛ nyɛblematsɛmɛi lɛ kpãŋ be mli ni miyakpɔ̃ amɛ yɛ Ijipt shikpɔŋ lɛ nɔ, he ni aye amɛ nyɔŋ yɛ lɛ akɛ,


“Ao! Nuŋtsɔ, wɔNyɔŋmɔ ni okɛ nineshiwalɛ jie wɔ, omaŋ lɛ, kɛje Ijipt shikpɔŋ lɛ nɔ, ni okɛna gbɛi kɛbashi ŋmɛnɛ, wɔfee esha, ni wɔwa yi.


Nɛkɛ maŋ Israel nɛɛ Nyɔŋmɔ lɛ hala wɔtsɛmɛi lɛ, ni be ni amɛyato gbɔ yɛ Ijipt shikpɔŋ lɛ nɔ lɛ, ewo maŋ lɛ nɔ, ni ekɛ hewalɛ jie amɛ kɛjɛ jɛi.


Nyɛkaia akɛ nyɛ hu nyɔji ji nyɛ yɛ Ijipt shikpɔŋ lɛ nɔ, ni Yehowa, nyɛNyɔŋmɔ lɛ, kɛ nineshiwalɛ yakpɔ̃ nyɛ kɛje jɛi yɛ ehewalɛ naa. No hewɔ ni Yehowa, nyɛNyɔŋmɔ lɛ, wo nyɛ kitã akɛ nyɛye hejɔɔmɔ gbi lɛ akɛ gbi krɔŋkrɔŋ lɛ.


‘Mi ji Yehowa, oNyɔŋmɔ lɛ, mi mijie bo yɛ nyɔŋyeli mli kɛje Ijipt shikpɔŋ lɛ nɔ lɛ.


nyɛkwɛa nyɛhe nɔ ni ahĩa koni nyɛhiɛ akajea Yehowa, mɔ ni jie nyɛ kɛje Ijipt shikpɔŋ lɛ nɔ he ni aye nyɛ nyɔŋ yɛ lɛ, nɔ.


Jeee nakai kwraa ji sane lɛ. Nɔ moŋ ni hã wɔfee nɛkɛ nii nɛɛ ji akɛ wɔshe gbeyei akɛ wɔsɛɛ ko lɛ, nyɛbii aaanyɛ amɛkɛɛ wɔbii akɛ, ‘Mɛni nyɛ hu nyɛkɔɔ yɛ Yehowa, Israel Nyɔŋmɔ lɛ, he?


ejaakɛ Yehowa, wɔNyɔŋmɔ lɛ, lɛ ji mɔ ni jie wɔ kɛ wɔtsɛmɛi lɛ kɛje Ijipt shikpɔŋ lɛ nɔ, he ni aye wɔ nyɔŋ yɛ lɛ. Efee okadii wuji etsɔ̃ɔ wɔ, asaŋ ebaa wɔyi yɛ gbɛi ni wɔfãfãa fɛɛ mli kɛtsɔ̃ majimaji ateŋ kɛho.


Enɛ afee okadi ahã nyɛ koni wɔsɛɛ ko kɛji nyɛbii bi nyɛ akɛ, ‘Te nɛkɛ tɛi nɛɛ ashishi hu lɛ,’


Amɛkwa Yehowa, amɛtsɛmɛi lɛ aNyɔŋmɔ lɛ, mɔ ni jie amɛ kɛjɛ Ijipt shikpɔŋ lɛ nɔ lɛ, ni amɛyanyiɛ nyɔŋmɔi krokomɛi ni ji amɛhewɔhewɔ maji lɛ anyɔŋmɔi lɛ asɛɛ. Ni amɛwo Yehowa mli la.


Yehowa tsu gbalɔ ko kɛba maŋbii lɛ aŋɔɔ, ni ebakɛɛ amɛ akɛ, “Bɔ ni Yehowa, Israel Nyɔŋmɔ lɛ, kɛɛ nɛ, ‘Miŋɔ nyɛ kɛjɛ Ijipt kɛba, ni mijie nyɛ kɛjɛ nyɔŋyeli mli.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ