2 Mose 13:12 - ŊMALƐ KRƆŊKRƆŊ LƐ

¹² binuu fɛɛ binuu ni gbeleɔ musu naa lɛ, nyɛjɔa enɔ nyɛhãa mi, Yehowa. Nyɛshiai amli kooloi akromɔ bihii hu Yehowa nii ni.

Ṅmãle̱ Kroṅkroṅ Le̱

¹² odšie nofẽno ní gbleo̱ mũsũ nā le̱ ohã Iehowa, ke̱ ošĩa koloi le̱ amli bi-fẽ-bi ní aafo kleṅkleṅ le̱ hũ; hĩĩ le̱ Iehowa nii ni.

2 Mose 13:12 ပူးပေါင်းရင်းမြစ်များ

Nehemia 10:36

Tamɔ bɔ ni aŋmã yɛ Mla lɛ mli lɛ, wɔkɛ wɔkromɔbihii kɛ wɔkooloi akromɔbii hu kɛ wɔtsinai akromɔbii kɛ wɔtoi akromɔbii aaaba wɔNyɔŋmɔ lɛ we lɛ wɔkɛbahã osɔfoi lɛ ni sɔ̃mɔɔ yɛ jɛi lɛ.

Nehemia 10:37

Wɔkɛ mã ni ana yɛ abele ni akpa klɛŋklɛŋ lɛ mli kɛ tso fɛɛ tso klɛŋklɛŋ yibii, kɛ klɛŋklɛŋ wain kɛ klɛŋklɛŋ mu aaaba abahã osɔfoi lɛ koni akɛwo wɔNyɔŋmɔ lɛ we lɛ nitoohe lɛ mli. Wɔkɛ wɔŋmɔshi nibaanii amlijai nyɔŋma mli ekome kome baahã Levibii lɛ, ejaakɛ amɛ ji mɛi ni baŋɔɔ nibaanii amlijaa nyɔŋma mli ekome kome lɛ yɛ akrowai ni wɔhuɔ yɛ mli lɛ fɛɛ mli lɛ.

2 Mose 13:1

Yehowa kɛɛ Mose akɛ,

2 Mose 13:2

“Kromɔbi nuu fɛɛ kromɔbi nuu, ni ji binuu fɛɛ binuu ni gbeleɔ musu naa, yɛ Israelbii ateŋ lɛ ajɔɔ enɔ ahã mi, gbɔmɔ ni jio, kooloo ni jio, ajɔɔ enɔ ahã mi, ejaakɛ minɔ ni.”

2 Mose 22:28

“Kaawie oshi Nyɔŋmɔ, ni kaalomɔ maŋ onukpa.

2 Mose 22:29

“Kɛji oŋmɔshi nii ba, ni kɛ oŋa owain kɛ omu lɛ, kaashashao shi ni okɛ Nyɔŋmɔ nɔ lɛ abahã lɛ. Jɔɔmɔ obihii ateŋ kromɔ lɛ nɔ ohã mi.

2 Mose 34:19

“Nɔ fɛɛ nɔ ni ji nuu ni gbeleɔ musu naa lɛ minɔ ni, tsina ni jio, too ni jio.

2 Mose 34:20

Shi teji kromɔbi lɛ akɛ toobi akpɔ̃ lɛ, shi kɛji asumɔŋ ni akpɔ̃ lɛ lɛ no lɛ aku ekuɛŋ. Okpɔ̃ bihii ateŋ kromɔbii fɛɛ. “Mɔ ko mɔ ko akapue kɛ edɛ̃ folo yɛ mihiɛ.

Ezekiel 16:20

“Asaŋ obihii kɛ obiyei ni ofɔ ohã mi lɛ hu ogbe amɛ okɛshã afɔlei ohã amãgãi lɛ ni amɛye.

Ezekiel 44:30

Nyɛŋmɔshinii fɛɛ amli klɛŋklɛŋ yibii ni hi fe fɛɛ lɛ kɛ nibii fɛɛ ni nyɛkɛshãa afɔlei nyɛhãa mi lɛ, osɔfoi lɛ anɔ ni. Asaŋ klɛŋklɛŋ ma aboloo ni nyɛaashã lɛ, akɛhã osɔfoi lɛ, koni mijɔɔmɔ ahi nyɛwe.

3 Mose 27:26

“Shi kooloi fɛɛ akromɔbii ni ji Yehowa nii momo lɛ, mɔ ko akajɔɔ eko nɔ ekɛmiike Yehowa: tsina ni jio, too ni jio, Yehowa nɔ ni momo.

4 Mose 18:15

“Nɔ fɛɛ nɔ ni gbeleɔ musu naa ni akɛbahãa Yehowa lɛ, gbɔmɔ ni jio, kooloo ni jio, mijɔɔ enɔ mihã nyɛ. Shi gbɔmɔ kromɔbi lɛ ohã akpɔ̃ lɛ; kooloi ni he tseee lɛ ohã akpɔ̃ amɛ

4 Mose 3:12

“Naa, miŋɔ Levibii fɛɛ ni yɔɔ Israelbii ateŋ lɛ mikɛmiito kromɔbii ni gbeleɔ musu naa yɛ Israelbii ateŋ lɛ anajiaŋ. No hewɔ lɛ, Levibii lɛ etsɔ̃ minɔ.

4 Mose 3:13

Ejaakɛ gbi ni migbe Ijipt shikpɔŋ lɛ nɔ kromɔbii fɛɛ lɛ, mijɔɔ Israelbii akromɔbii fɛɛ anɔ mihã mihe, kɛjɛ gbɔmɔ kromɔbi nɔ kɛyashi shĩa kooloo kromɔbi nɔ. Minii ji amɛ fɛɛ. Mi ji Yehowa.”

4 Mose 8:17

Ejaakɛ gbi nɔ ni mitswia kromɔbii fɛɛ anii yɛ Ijipt shikpɔŋ lɛ nɔ lɛ, mijɔɔ Israelbii lɛ ateŋ kromɔbi fɛɛ kromɔbi kɛ shĩa kooloo kromɔbi fɛɛ kromɔbi hu nɔ mihã mihe, ni mifee lɛ minɔ.

Luka 2:23

tamɔ bɔ ni aŋma yɛ Nuŋtsɔ lɛ Mla lɛ mli akɛ, “Nuu fɛɛ nuu ni gbeleɔ musu naa lɛ aaatsɛ lɛ mɔ ni afee lɛ krɔŋkrɔŋ ahã Nuŋtsɔ lɛ;”

5 Mose 15:19

“Nyɛjɔa nyɛtoi lɛ kɛ nyɛtsinai lɛ hu akromɔbii hii fɛɛ ni aaafɔ lɛ anɔ nyɛhãa Yehowa, nyɛNyɔŋmɔ lɛ. Nyɛkɛ tsinai akromɔbii lɛ akatsua nɔ ko nɔ ko; ni nyɛtoi akromɔbii lɛ hu nyɛkakua amɛhe tsɔi.