2 Mose 12:41 - ŊMALƐ KRƆŊKRƆŊ LƐ

⁴¹ Gbi ni amɛna afii ohai ejwɛ kɛ nyɔŋmai etɛ̃ nɛɛ nɔ pɛpɛɛpɛ ni Yehowa webii lɛ blublu shi Ijipt shikpɔŋ lɛ nɔ.

Ṅmãle̱ Kroṅkroṅ Le̱

⁴¹ Ni eba mli ye̱ afii ohai-edſe̱ ke̱ nyoṅmai-etẽ le̱ nāgbē mli, nakai gbĩ le̱ no̱ noṅṅ eba mli ake̱ Iehowa tai le̱ fẽ dše Mizraim šikpoṅ le̱ no̱.

2 Mose 12:41 ပူးပေါင်းရင်းမြစ်များ

1 Mose 50:24

Agbɛnɛ Yosef kɛɛ enyɛmimɛi lɛ akɛ, “Migbele be eshɛ; shi saramɔ Nyɔŋmɔ aaabasra nyɛ kɛ̃, ni eeekpala nyɛ yɛ shikpɔŋ nɛɛ nɔ kɛaatee shikpɔŋ ni ekã Abraham kɛ Isak kɛ Yakob kitã yɛ he lɛ nɔ.”

1 Maŋtsɛmɛi 6:1

Solomon nitsulɔi lɛ bɔi Sɔlemɔtsu lɛ mãa yɛ nyɔŋ ni ji enyɔ ni atsɛɔ lɛ Zif lɛ nɔ. Nakai beiaŋ lɛ Solomon eye maŋtsɛ afii ejwɛ. Israelbii lɛ shi Ijipt nɛɛ afii ohai ejwɛ kɛ nyɔŋmai kpaanyɔ nɛ.

2 Kronika 14:12

Yehowa ye Etiopiabii ata lɛ nɔ be ni Asa kɛ Yudabii kɛ amɛ bɔi nɔmɔ lɛ, ni Etiopiabii lɛ jo foi.

Lalai 102:13

Obaate shi, ni obaana Zion mɔbɔ; ejaakɛ omɔbɔnalɛ be nɛ; be ni ato lɛ eshɛ.

Lalai 114:1

Be ni Israelbii lɛ je Ijipt ni Yakob shwiei lɛ je maŋ ni wieɔ maŋsɛɛ wiemɔ lɛŋ lɛ,

Lalai 136:11

Lɛ ejie Israelbii lɛ kɛje Ijipt lɛ; ejaakɛ naanɔ esuɔmɔ ni tsakeee lɛ hiɔ shi kɛyaa!

2 Mose 12:17

Nyɛyea nɛkɛ akpiti gbijurɔ nɛɛ nyɛkɛkaia gbi nɔ ni mijie nyɛ fɛɛ yuu kɛje Ijipt shikpɔŋ lɛ nɔ lɛ. No hewɔ lɛ, nyɛyea gbijurɔ nɛɛ, nyɛ kɛ nyɛshwiei fɛɛ, ni etsɔ̃ akpɔ ehã nyɛ kɛya naanɔ.

2 Mose 12:51

Ni nakai gbi lɛ nɔ nɔŋŋ lɛ Yehowa jie Israelbii lɛ kɛje Ijipt shikpɔŋ lɛ nɔ yɛ amɛkutsei lɛ anaa.

2 Mose 13:14

Kɛji nyɛbii bi nyɛ wɔsɛɛ ko akɛ, ‘Ni te gbijurɔ nɛɛ shishi hu lɛ,’ nyɛkɛa amɛ akɛ, ‘Nineshiwalɛ naa Yehowa jie wɔ kɛje Ijipt he ni aye wɔ nyɔŋ yɛ lɛ.

2 Mose 13:16

Nyɛhãa enɛ afea tamɔ okadi ko ni fi nyɛnine shi aloo ni kpɛtɛ nyɛhiɛŋtso nɔ ejaakɛ nineshiwalɛ naa Yehowa jie wɔ kɛje Ijipt.’ ”

2 Mose 13:3

Mose kɛɛ Israelbii lɛ akɛ, “Nyɛkaia nɛkɛ gbi nɛɛ, ni ji gbi nɔ ni nyɛje Ijipt nyɔŋyeli shishi lɛ, ejaakɛ nineshiwalɛ naa Yehowa jie nyɛ kɛje jɛi. No hewɔ lɛ, nyɛkayea masha nii.

2 Mose 13:9

Nyɛkaia gbijurɔ nɛɛ. Nyɛhãa efea tamɔ okadi ko ni fi nyɛnineshi aloo ni kpɛtɛ nyɛhiɛŋtso nɔ koni Yehowa mla lɛ akã nyɛdaaŋ, ejaakɛ nineshiwalɛ naa Yehowa jie nyɛ kɛje Ijipt.

2 Mose 3:10

No hewɔ lɛ, ba ni matsu bo Farao ŋɔɔ koni oyajie mimaŋ Israel kɛje Ijipt.”

2 Mose 3:8

Naa, mikpeleke shi miba amɛ jiemɔ yɛ Ijiptbii lɛ adɛŋ, koni makpala amɛ kɛshi Ijipt kɛya shikpɔŋ kpakpa ni da, ni yɔɔ frɔ̃frɔ̃ ni niyenii pii yɔɔ nɔ lɛ nɔ, he ni Kanaanbii kɛ Hitbii kɛ Amorbii kɛ Perizbii kɛ Hivbii kɛ Yebusbii yɔɔ lɛ.

2 Mose 6:26

Aaron kɛ Mose nɛɛ ni Yehowa kɛɛ amɛ akɛ, “Nyɛyajiea Israelbii lɛ kɛje Ijipt shikpɔŋ lɛ nɔ” lɛ,

2 Mose 6:6

No hewɔ lɛ, kɛɛmɔ Israelbii lɛ akɛ mikɛɛ, ‘Mi ji Yehowa, ni majie nyɛ, ni mawo Ijiptbii lɛ ajatsu lɛ yɛ nyɛkuɛ nɔ, ni mahere nyɛ kɛje nyɔŋ ni amɛyeɔ nyɛ lɛ mli. Mikɛ mihewalɛ aaakpɔ̃ nyɛ, ni no nɔŋŋ mikɛaagbala Ijiptbii lɛ atoi.

2 Mose 7:4

eboŋ nyɛ toi. No baahã mikɛ Ijipt aye kɛ joomɔ, ni magbala etoi, ni majie mimaŋ Israel kɛje Ijipt.

Daniel 9:24

“Be ni Nyɔŋmɔ eto ni ekɛbaafo omaŋbii lɛ kɛ omaŋ krɔŋkrɔŋ lɛ eshai kɛ nifɔɔjianii ni afee lɛ sɛɛ lɛ ji afii nyɔŋmai kpawo toi kpawo; abaafo eshafeemɔ sɛɛ; abaakpãtã eshafeelɔ kɛ Nyɔŋmɔ teŋ; ni jalɛ saneyeli aaabaye nɔ kɛya naanɔ; abaawo ninaa kɛ gbalɛ fɛɛ obɔ̃; ni abaasaa ajɔɔ He Krɔŋkrɔŋ lɛ nɔ ekoŋŋ.

3 Mose 23:43

koni nyɛshwiei kɛna amɛle akɛ be ni miyakpala Israel kɛje Ijipt shikpɔŋ lɛ nɔ lɛ, asesei amli mihã amɛhi. Mi ji Yehowa, nyɛNyɔŋmɔ lɛ.”

Habakuk 2:3

Ninaa nɛɛ be lɛ shɛko moŋ, shi eeye ehe oyai kɛba. Kɛji eshashao shi tete po jiŋŋ, bo lɛ mɛɛ, ejaakɛ ebaaba kɛ̃ ni etsɛŋ.

4 Mose 23:22

Nyɔŋmɔ jie amɛ kɛje Ijipt; amɛNyɔŋmɔ lɛ he wa oookɛɛ wuo.

4 Mose 33:1

Be ni Israelbii lɛ shi Ijipt shikpɔŋ lɛ nɔ yɛ amɛkutsei lɛ anaa kɛ Mose kɛ Aaron akɛ amɛhiɛnyiɛlɔi lɛ, hei ni amɛtotoo shi yɛ yɛ amɛgbɛfãa lɛŋ lɛ agbɛii baa nɛɛ.

Yohane 7:8

Nyɛ lɛ nyɛyaa gbijurɔ nɛɛ yeli; shi mi lɛ minako maya, ejaakɛ mibe lɛ nako ashɛ.”

Bɔfoi 1:7

Shi Yesu kɛɛ amɛ akɛ, “Jeee nyɛnɔ ji akɛ nyɛaale bei loo gbii lɛ ni Tsɛ lɛ eto yɛ lɛ diɛŋtsɛ ehewalɛ mli lɛ.

Bɔfoi 7:36

Ni lɛ nɔŋŋ ekpala amɛ kɛje kpo, ni efee naakpɛɛnii kɛ okadii yɛ Ijipt shikpɔŋ lɛ nɔ kɛ Ŋshɔ Tsuru lɛ mli kɛ ŋa lɛ nɔ afii nyɔŋmai ejwɛ lɛ.

5 Mose 16:1

“Nyɛhiɛ ahia Abib nyɔŋ lɛ nɔ koni nyɛye Hehoo Gbijurɔ lɛ yɛ nɔ nyɛhã Yehowa, nyɛNyɔŋmɔ lɛ. Ejaakɛ Abib nyɔŋ lɛ nɔ nyɔɔŋteŋ Yehowa, nyɛNyɔŋmɔ lɛ, kpɔ̃ nyɛ kɛje Ijipt shikpɔŋ lɛ nɔ.

5 Mose 4:37

Ni akɛni esumɔ nyɛtsɛmɛi lɛ hewɔ lɛ, eŋɔ amɛshwiei ni ba yɛ amɛsɛɛ lɛ, ni ekɛ lɛ diɛŋtsɛ ehewalɛ kpeteŋkple lɛ yakpɔ̃ nyɛ yɛ Ijipt.

Yoshua 24:5

Fee sɛɛ lɛ mitsu Mose kɛ Aaron, ni mikɛ nibii ni mifee yɛ Ijiptbii ashikpɔŋ lɛ nɔ lɛ hao Ijiptbii lɛ. No sɛɛ lɛ, mijie nyɛ kɛje Ijipt.

Yoshua 5:14

Nuu lɛ to he ekɛɛ, “Dabi; miba akɛ Yehowa ta lɛ nɔ tatsɛ.” Kɛkɛ ni Yoshua kɛ ehiɛ bu shi, ni eja lɛ, ni ekɛɛ lɛ akɛ, “Mɛni minuŋtsɔ kɛɔ etsulɔ?”