2 Mose 12:3 - ŊMALƐ KRƆŊKRƆŊ LƐ

³ Nyɛkɛ Israelbii lɛ fɛɛ awie akɛ, Nyɔɔŋ nɛɛ nɔ gbi ni ji nyɔŋma lɛ, Israelbii fɛɛ amɔmɔ toobi kome kome yɛ amɛtsɛmɛi awei lɛ anaa, shĩa fɛɛ shĩa lɛ toobi kome.

Ṅmãle̱ Kroṅkroṅ Le̱

³ Nyeke̱ Israel asafo le̱ fẽ awiea ake̱: Nyõṅ ne̱ no̱ gbĩĩ noni dši nyoṅma le̱ ame̱teṅ mofẽmo aṅõ tōbi komekome ye̱ame̱tše̱mei awei le̱ anā, šĩa fẽ-šĩa le̱ tōbi kome.

2 Mose 12:3 ပူးပေါင်းရင်းမြစ်များ

1 Mose 22:8

Abraham to he akɛ, “Mibi, Nyɔŋmɔ diɛŋtsɛ aaahã too gwantɛŋ ni akɛshã shãa afɔle lɛ!” Kɛkɛ ni amɛyi enyɔ lɛ fɛɛ amɛkɛshwie nɔ kɛtee.

1 Mose 4:4

Habel hu kɛ etoi lɛ akromɔbii ni ewo fɔ ba ekɛbashã afɔle. Yehowa hiɛ sɔ Habel kɛ efɔle lɛ;

2 Kronika 35:7

Maŋtsɛ Yosia mɔmɔ lɛ diɛŋtsɛ ekooloi lɛ amli gwantɛŋbii kɛ abotiabii akpei nyɔŋmai etɛ̃ kɛ tsinai hu akpei etɛ̃, ni ekɛhã maŋbii lɛ akɛ akɛ fɛɛ afee Hehoo afɔlei ahã mɔ fɛɛ mɔ ni eba Hehoo Gbijurɔ lɛ yeli.

2 Mose 12:2

“Nɛkɛ nyɔɔŋ nɛɛ aaatsɔ̃ afi mli klɛŋklɛŋ nyɔɔŋ kɛ afi shishijee ahã nyɛ.

2 Mose 12:21

Kɛkɛ ni Mose tsɛ Israel onukpai lɛ fɛɛ kɛbakpe, ni ekɛɛ amɛ akɛ, “Nyɛjiea toi nyɛtoa yɛ nyɛwekui lɛ anaa, ni nyɛgbea kɛyea Hehoo lɛ.

2 Mose 12:4

Shi kɛji shĩa lɛ bii faaa hãaa toobi muu lɛ yeli lɛ, no lɛ shĩatsɛ lɛ kɛ ekuuŋnyo, mɔ ni shĩa tsa enɔ lɛ nɔ lɛ, aye yɛ mɛi lɛ ayifalɛ naa. Nyɛteŋ mɔ fɛɛ mɔ akane mɛi abɔ ni fa hã toobi lɛ yeli.

2 Mose 12:6

Nyɛkɛ toobi nɛɛ ato kɛyashi nyɔɔŋ lɛ nɔ gbi nyɔŋma kɛ ejwɛ lɛ nɔ koni Israelbii fɛɛ agbegbee amɛ gbɛkɛnaashi.

2 Mose 14:15

Yehowa kɛɛ Mose akɛ, “Mɛɛba ni obolɔɔ otsɛɔ mi? Kɛɛmɔ Israelbii lɛ akɛ amɛya amɛhiɛ.

2 Mose 20:19

Kɛkɛ ni amɛkɛɛ Mose akɛ, “Bo moŋ okɛ wɔ awie, ni wɔɔbo toi, shi kaahã Nyɔŋmɔ kɛ wɔ miiwie ni wɔbagboi.”

2 Mose 4:30

Aaron jaje wiemɔi lɛ fɛɛ ni Yehowa kɛ Mose ewie lɛ, ni Mose fee okadii lɛ hu etsɔ̃ɔ maŋbii lɛ.

2 Mose 6:6

No hewɔ lɛ, kɛɛmɔ Israelbii lɛ akɛ mikɛɛ, ‘Mi ji Yehowa, ni majie nyɛ, ni mawo Ijiptbii lɛ ajatsu lɛ yɛ nyɛkuɛ nɔ, ni mahere nyɛ kɛje nyɔŋ ni amɛyeɔ nyɛ lɛ mli. Mikɛ mihewalɛ aaakpɔ̃ nyɛ, ni no nɔŋŋ mikɛaagbala Ijiptbii lɛ atoi.

Ezekiel 40:1

Yerusalɛm fitemɔ lɛ sɛɛ afi ni ji nyɔŋma kɛ ejwɛ lɛ, wɔna afii nyɔŋmai enyɔ kɛ enumɔ yɛ nomŋɔɔ mli. Afi nɛɛ shishijee nyɔŋ lɛ nɔ gbi ni ji nyɔŋma lɛ nɔ lɛ, Yehowa hewalɛ ba minɔ yɛ gbi nɛɛ nɔ tuuntu.

3 Mose 1:2

“Kɛɛmɔ Israelbii lɛ akɛ, kɛji nyɛteŋ mɔ ko miiba ekɛ kooloo abashã afɔle ehã mi, Yehowa, lɛ ekɛ etsinai lɛ loo etoi lɛ ateŋ eko abashã afɔle lɛ.

3 Mose 5:6

ni ekɛ esɔ̃ afɔle abahã Yehowa yɛ esha ni efee lɛ hewɔ. Ekɛ gwantɛŋ loo too abotia yoo aba, koni osɔfo lɛ akpãtã ahã lɛ yɛ esha ni efee lɛ hewɔ.

4 Mose 15:11

“Niyenii ni afata tsinanuu fɛɛ tsinanuu, loo ojwɛni fɛɛ ojwɛni, loo gwantɛŋbi fɛɛ gwantɛŋbi loo abotiabi fɛɛ abotiabi he nɛ.

Yohane 1:29

Enɔ jetsɛremɔ lɛ Yohane na Yesu miiba eŋɔɔ ni ekɛɛ, “Naa Nyɔŋmɔ Toobi lɛ ni woɔ je lɛ esha lɛ kɛyaa lɛ!

Yohane 1:36

ni be ni Yesu hoɔ lɛ, ekwɛ lɛ ni ekɛɛ, “Naa Nyɔŋmɔ Toobi lɛ!”

Yohane 12:1

Be ni eshwɛ gbii ekpaa ni ayeɔ Hehoo lɛ, Yesu ba Betania, he ni Lazaro, mɔ ni etee lɛ shi kɛjɛ gbohii ateŋ lɛ, yɔɔ lɛ.

Yohane 12:12

Enɔ jetsɛremɔ be ni mɛi babaoo ni eba gbijurɔ lɛ nu akɛ Yesu miiba Yerusalɛm lɛ,

1 Korintobii 5:7

No hewɔ lɛ, nyɛjiea masha momo lɛ, koni nyɛtsɔ̃mɔ ma hee, tamɔ bɔ ni akpiti ji nyɛ lɛ; ejaakɛ agbe wɔHehoo Toobi ni ji Kristo lɛ.

Yoshua 7:14

Enɛ hewɔ lɛ, wɔ leebi lɛ, nyɛbaato kɛho yɛ akutsei lɛ anaa. Akutso ni Yehowa baatsɔ̃ɔ lɛ, ebaato kɛho yɛ emli wekui lɛ anaa; ni weku ni Yehowa baatsɔ̃ɔ lɛ ebaato kɛho yɛ emli shĩaishĩai lɛ anaa; ni shĩa ni Yehowa baatsɔ̃ɔ lɛ mli bii lɛ baato kɛho ekome kome.

Kpojiemɔ 13:8

Ni mɛi fɛɛ ni yɔɔ shikpɔŋ lɛ nɔ lɛ aaaja lɛ. Ja mɔ fɛɛ mɔ ni aŋma egbɛi kɛjɛ jeŋ shishijee yɛ Toobi ni agbe lɛ wala wolo lɛ mli lɛ kɛkɛ.

1 Samuel 7:9

Kɛkɛ ni Samuel ŋɔ too gwantɛŋbi ni atseko lɛ fufɔ, ni eshã lɛ emuu akɛ shãa afɔle ekɛhã Yehowa. Ni Samuel sɔle ekpa Yehowa fai ehã Israelbii lɛ, ni Yehowa here lɛ nɔ.