2 Mose 12:29 - ŊMALƐ KRƆŊKRƆŊ LƐ

²⁹ Gbi lɛ nyɔɔŋteŋ lɛ Yehowa tswia Ijipt shikpɔŋ lɛ nɔ kromɔbii fɛɛ nii, kɛjɛ Farao kromɔbi lɛ ni baaye etsɛ sɛɛ yɛ maŋtsɛ sɛi lɛ nɔ lɛ nɔ, kɛyashi gboklɛfonyo ni kã kpabu mli lɛ kromɔbii kɛ shĩa kooloi akromɔbii fɛɛ nɔ.

Ṅmãle̱ Kroṅkroṅ Le̱

²⁹ Ni eba mli ake̱ nyōṅ teṅ le̱ Iehowa tſia Mizraim šikpoṅ le̱ no̱ kromo̱bii fẽ nii, ke̱-dše̱ Farao kromo̱bi ní táa esẽi le̱ no̱ le̱ no̱ ke̱-yaši moni aṅõle̱ nom ní awole̱ tšũṅ le̱ kromo̱bi no̱ ke̱ šĩa koloi akromo̱bii fẽ. 4,23.

2 Mose 12:29 ပူးပေါင်းရင်းမြစ်များ

1 Mose 15:14

Shi nakai jeŋmaŋ lɛ hu ni amɛaasɔ̃mɔ lɛ, magbala amɛtoi, ni no sɛɛ lɛ, oshwiei lɛ aaashi jɛi kɛ nii babaoo.

Hiob 34:20

Trukaa gbɔmɔ gboɔ; ahosoɔ gbɔmɔ nyɔɔŋ, ni ehoɔ eyaa; hewalɔi hoɔ amɛyaa, ni amɛtsɔ̃ɔɔ adesa nine nɔ.

Lalai 105:36

Nyɔŋmɔ kpãtã kromɔbi fɛɛ ni ji amɛhewalɛ fɛɛ shishijee lɛ ahiɛ yɛ Ijipt shikpɔŋ lɛ nɔ.

Lalai 135:8

Etswia Ijipt kromɔbii lɛ nii kɛjɛ gbɔmɔ nɔ kɛyashi kooloo nɔ.

Lalai 136:10

Lɛ mɔ ni etswia Ijipt kromɔbii lɛ nii lɛ; ejaakɛ naanɔ esuɔmɔ ni tsakeee lɛ hiɔ shi kɛyaa!

Lalai 78:50

Ekɔ̃ɔɔ efiliii kwraa, ni ekɛ mɔ ko mɔ ko he ekeee lɛ, shi ejɔɔ amɛnɔ ehã gbele hela.

Lalai 78:51

Egbe Ijiptbii akromɔbii fɛɛ, Ham shwiei akromɔbii lɛ fɛɛ hu lɛ.

2 Mose 11:1

Kɛkɛ ni Yehowa kɛɛ Mose akɛ, “Eshwɛ amanehulu wulu kome ni mahã aba Farao kɛ Ijipt nɔ, ni no sɛɛ lɛ eeehã nyɛje biɛ nyɛya. Be ni eeehã nyɛ fɛɛ nyɛya kwraa lɛ, shwiemɔ tete ebaashwie nyɛ kɛje biɛ.

2 Mose 12:12

“Ejaakɛ matsɔ̃ Ijipt shikpɔŋ lɛ nɔ kɛho nakai nyɔɔŋ lɛ mli, ni magbe Ijipt shikpɔŋ lɛ nɔ kromɔbi fɛɛ kromɔbi, gbɔmɔ ni jio, kooloo ni jio, koni mahã Ijipt nyɔŋmɔi lɛ fɛɛ ahe guɔ agbo, mi ji Yehowa.

2 Mose 12:28

ni Israelbii lɛ gbɛlɛ mli, ni amɛyafee bɔ ni Yehowa ekɛɛ Mose kɛ Aaron akɛ afee lɛ pɛpɛɛpɛ.

2 Mose 13:15

Ejaakɛ be ni Farao kɛ kuɛŋtilɛ ekpɛlɛ̃ɛɛ kwrakwra akɛ eŋmɛ wɔ gbɛ koni wɔshi Ijipt lɛ, Yehowa gbe Ijipt shikpɔŋ lɛ nɔ kromɔbii fɛɛ kɛjɛ gbɔmɔ kromɔbi nɔ kɛyashi kooloo tete kromɔbi nɔ. Enɛ hewɔ ni kooloo fɛɛ kooloo ni gbeleɔ musu naa, ni ji nuu lɛ, wɔkɛshãa afɔle wɔhãa Yehowa lɛ, shi wɔkromɔ bihii lɛ, amɛ lɛ wɔkpɔ̃ɔ amɛ lɛ.

2 Mose 4:23

ni miikɛɛ bo akɛ, hã mibinuu lɛ aya, no lɛ naa, magbe okromɔ binuu lɛ.’ ”

2 Mose 9:6

Ni enɔ jetsɛremɔ lɛ, Yehowa fee nɔ ni ekɛɛ lɛ; Ijiptbii akooloi lɛ fɛɛ gboi, shi Israelbii akooloi lɛ ateŋ ekome folo nɛkɛ gbooo.

Yesaia 24:22

Abaabua amɛ fɛɛ amɛnaa awo bu ko mli tamɔ gboklɛfoi. Abaaŋa amɛyi awo gboklɛfoi atsu ko mli, ni be kplaŋŋ sɛɛ lɛ, abaagbala amɛtoi.

Yesaia 41:11

“Naa, mɛi fɛɛ ni mli efu bo lɛ, ahiɛ aaagboi, ni amɛhiɛ aaashwie shi! Mɛi ni kɛ bo tswaa lɛ, aaafee shwɛm, ni amɛhiɛ aaakpãtã.

Yesaia 51:14

Etsɛŋ kwraa ni aaaŋmɛɛɛ gboklɛfoi lɛ ahe; amɛgboiŋ, ni amɛwala sɛɛ baatsɛ, ni nɔ ni amɛaaye ebɔŋ amɛ.

Yeremia 38:13

kɛkɛ ni amɛkɛ taŋkpee lɛ sha Yeremia, ni amɛ jie lɛ yɛ bu lɛ mli. Enɛ sɛɛ lɛ Yeremia hi maŋtsɛ we lɛ he bulɔi akpo lɛ nɔ.

Yeremia 38:6

No hewɔ lɛ, amɛmɔ Yeremia, ni amɛkɛ taŋkpee shiu lɛ amɛwo maŋtsɛ binuu Malkia nubu lɛ mli yɛ maŋtsɛ we lɛ hebulɔi akpo lɛ nɔ. Nu bɛ bu lɛ mli fe ŋmɔtɔ sɔŋŋ kɛkɛ; ni Yeremia fũ yɛ ŋmɔtɔ lɛ mli.

Habakuk 3:5

Tsɛŋemɔ hela nyiɛɔ ehiɛ, ni gbele hela nyiɛ esɛɛ tuuŋtu.

Zakaria 9:11

Nuŋtsɔ lɛ saa kɛɛ, “Bo Zion biyoo hu, Milá ni mikɛsɔo mikɛo teŋ kpãŋmɔ lɛ naa hewɔ lɛ, majie obii ni etsɔ̃mɔ gboklɛfoi lɛ yɛ bu ni nu bɛ mli lɛ mli.

4 Mose 3:13

Ejaakɛ gbi ni migbe Ijipt shikpɔŋ lɛ nɔ kromɔbii fɛɛ lɛ, mijɔɔ Israelbii akromɔbii fɛɛ anɔ mihã mihe, kɛjɛ gbɔmɔ kromɔbi nɔ kɛyashi shĩa kooloo kromɔbi nɔ. Minii ji amɛ fɛɛ. Mi ji Yehowa.”

4 Mose 33:4

No mli lɛ Ijiptbii lɛ miifufuu amɛkromɔbii fɛɛ ni Yehowa egbe lɛ agbohii lɛ. Yehowa kɛ nɛkɛ gbele nɛɛ tsɔ̃ɔ akɛ eyɛ hewalɛ fe Ijiptbii awɔji lɛ.

4 Mose 8:17

Ejaakɛ gbi nɔ ni mitswia kromɔbii fɛɛ anii yɛ Ijipt shikpɔŋ lɛ nɔ lɛ, mijɔɔ Israelbii lɛ ateŋ kromɔbi fɛɛ kromɔbi kɛ shĩa kooloo kromɔbi fɛɛ kromɔbi hu nɔ mihã mihe, ni mifee lɛ minɔ.

Hebribii 11:28

Hemɔkɛyeli ekɛto Hehoo lɛ kɛ ladikimɔ lɛ, koni mɔ ni kpãtãa kromɔbii lɛ ahiɛ akata Israelbii lɛ ahe.

Hebribii 12:23

kɛ kromɔbii ni aŋma amɛgbɛii yɛ ŋwɛi lɛ asafo lɛ he nyɛba. Kɛ Nyɔŋmɔ ni ji mɛi fɛɛ akojolɔ lɛ, kɛ jalɔi ni ehi kɛwula shi lɛ amumɔi lɛ,