2 Mose 12:27 - ŊMALƐ KRƆŊKRƆŊ LƐ

²⁷ nyɛkɛa amɛ akɛ, ‘Yehowa Hehoo afɔle ni, ejaakɛ be ni etswia Ijiptbii lɛ nii lɛ, eho Israelbii ashĩai lɛ ahe yɛ Ijipt ni etɛ̃ wɔshĩai lɛ eshĩ.’ ” Kɛkɛ ni Israelbii lɛ mamɔ amɛyi shi, ni amɛja Yehowa,

Ṅmãle̱ Kroṅkroṅ Le̱

²⁷ nyekē̱a ake̱: Iehowa Hehō le̱ afole ni, edšake̱ beni etſia Mizraimbii anii le̱, eho Israelbii le̱ ašĩai le̱ ahe ye̱ Mizraim, ni edšie wo̱šĩai le̱. Ni maṅ le̱ mãmo̱ ame̱yi ši, ni ame̱so̱le.

2 Mose 12:27 ပူးပေါင်းရင်းမြစ်များ

1 Kronika 29:20

Kɛkɛ ni David kɛɛ asafo ni ewo shi lɛ akɛ, “Nyɛjiea Yehowa, nyɛNyɔŋmɔ lɛ, yi!” Ni asafo muu lɛ fɛɛ jie Yehowa, amɛtsɛmɛi aNyɔŋmɔ lɛ, yi; ni amɛmamɔ amɛyi shi amɛja Yehowa, ni amɛkoto maŋtsɛ lɛ hu.

2 Kronika 20:18

Kɛkɛ ni Maŋtsɛ Yehoshafat ma eyi shi ni ekɛ ehiɛ bu shi, ni Yudabii lɛ kɛ Yerusalɛm maŋ lɛ mli bii lɛ fɛɛ hu bumɔ shi, ni amɛja Yehowa.

2 Kronika 29:30

No sɛɛ lɛ, Hezekia kɛ maŋ onukpai lɛ bi Levibii lɛ akɛ amɛla lalai ni David folɔ lɛ kɛ nɔ ni Gbalɔ Asaf hu folɔ lɛ amɛkɛjie Yehowa yi. Kɛkɛ ni asafo lɛ koto shi, ni amɛja Nyɔŋmɔ.

Nehemia 8:6

Kɛkɛ ni Ezra jie Yehowa, Nyɔŋmɔ kpeteŋkple lɛ, yi. Maŋ muu lɛ fɛɛ here nɔ amɛkɛɛ, “Amen! Amen!” Amɛhole amɛniji anɔ. No sɛɛ lɛ, amɛmamɔ amɛyi shi, ni amɛkɛ amɛhiɛ bumɔ shi, ni amɛja Yehowa.

Lalai 44:1

Oo Nyɔŋmɔ, wɔnu kɛ wɔtoi; wɔblematsɛmɛi lɛ egba wɔ nibii ni otsu yɛ amɛyinɔ, yɛ blema bei lɛ amli.

Lalai 78:5

Ewo mlai ehã Yakob shwiei kɛ akpɔi ehã Israelbii. Ewo amɛtsɛmɛi lɛ kitã akɛ amɛtsɔ̃ɔ amɛbii mlai nɛɛ;

2 Mose 10:2

koni ogba obii kɛ obii abii nibii ni mifee yɛ Ijipt, kɛ naakpɛɛ okadii ni mifee yɛ amɛteŋ, ni okpã owo amɛtoiiaŋ koni nyɛna nyɛle akɛ mi ji Yehowa.”

2 Mose 12:11

Ni bɔ ni nyɛye lɛ nɛ. Nyɛfimɔa nyɛmliteiaŋ, ni nyɛwoa nyɛtokotai, ni nyɛdɛ̃hiɛmɔtsei ahiɛa nyɛdɛ̃, ni nyɛyea lɛ paopao, shi Yehowa Hehoo ni.

2 Mose 12:23

Ejaakɛ Yehowa baaho koni eyatswia Ijiptbii nii. Kɛji ena lá lɛ yɛ shinaatsei enyɔ lɛ kɛ eyiteŋ nɔ lɛ he pɛ, Yehowa baateke nyɛshiai lɛ, ni eŋmɛŋ hiɛkpãtãlɔ lɛ gbɛ ni ebote nyɛshĩai lɛ amli koni ebatswia nyɛ nii.

2 Mose 12:28

ni Israelbii lɛ gbɛlɛ mli, ni amɛyafee bɔ ni Yehowa ekɛɛ Mose kɛ Aaron akɛ afee lɛ pɛpɛɛpɛ.

2 Mose 13:14

Kɛji nyɛbii bi nyɛ wɔsɛɛ ko akɛ, ‘Ni te gbijurɔ nɛɛ shishi hu lɛ,’ nyɛkɛa amɛ akɛ, ‘Nineshiwalɛ naa Yehowa jie wɔ kɛje Ijipt he ni aye wɔ nyɔŋ yɛ lɛ.

2 Mose 13:8

Ni nakai gbi lɛ nɔ lɛ nyɛtsia tã, ni nyɛtsɔ̃a nyɛbii gbijurɔ nɛɛ shishi akɛ, ‘Nɔ ni Yehowa fee ehã wɔ be mli ni wɔjeɔ Ijipt lɛ hewɔ ni wɔfeɔ enɛ.’

2 Mose 34:25

“Akɛ masha aboloo akafata kooloo he akɛshã afɔle ahã mi; ni je hu akatsɛre Hehoo Gbijurɔ afɔle lɛ eko nɔ.

2 Mose 34:8

Ni Mose he fee oya, ni ekoto shi, ni eja Yehowa,

2 Mose 4:31

Maŋ lɛ he lɛ ye. Ni be ni amɛnu akɛ Yehowa ekwɛ ni ena Israelbii lɛ amanehulu lɛ, amɛmamɔ amɛyitsei ashi ni amɛja.

1 Korintobii 5:7

No hewɔ lɛ, nyɛjiea masha momo lɛ, koni nyɛtsɔ̃mɔ ma hee, tamɔ bɔ ni akpiti ji nyɛ lɛ; ejaakɛ agbe wɔHehoo Toobi ni ji Kristo lɛ.

5 Mose 16:2

No hewɔ lɛ, nyɛyaa he ni Yehowa eŋɔ akɛ jɛi aja lɛ yɛ lɛ, ni nyɛgbea too kɛ tsina akɛ Hehoo Gbijurɔ lɛ afɔle nyɛkɛhãa Yehowa.

5 Mose 16:5

“Nyɛkayea Hehoo Gbijurɔ lɛ yɛ nyɛmaji ni Yehowa, nyɛNyɔŋmɔ lɛ, kɛhãa nyɛ lɛ eko eko mli,