2 Mose 12:2 - ŊMALƐ KRƆŊKRƆŊ LƐ

² “Nɛkɛ nyɔɔŋ nɛɛ aaatsɔ̃ afi mli klɛŋklɛŋ nyɔɔŋ kɛ afi shishijee ahã nyɛ.

Ṅmãle̱ Kroṅkroṅ Le̱

² *Ne̱ke̱ nyõṅ ne̱ atšṍ nyodši ašišidšē ahãnye, ni etšṍ afi mli kleṅkleṅ nyõṅ ehãnye. *13,4.

2 Mose 12:2 ပူးပေါင်းရင်းမြစ်များ

Ester 3:7

Maŋtsɛ Ahashwerosh maŋtsɛyeli afi ni ji nyɔŋma kɛ enyɔ lɛ nɔ klɛŋklɛŋ nyɔŋ ni atsɛɔ lɛ Nisan lɛ nɔ lɛ, Haman hã abɔ̃i oshiki, ni ji Pur, fɔ̃ɔ daa gbi kɛtao gbi ni hi hã eyiŋtoo lɛ he nitsumɔ. Afɔ̃ oshiki nɛɛ aahu kɛyashi nyɔŋ ni ji nyɔŋma kɛ enyɔ, ni ji Adar nyɔŋ lɛ nɔ.

2 Mose 12:1

Ni Yehowa kɛɛ Mose yɛ Ijipt shikpɔŋ lɛ nɔ akɛ,

2 Mose 12:18

Nyɛbɔ̃ia aboloo ni akɛ mã akpiti shã nɛɛ yeli kɛyashi nyɔɔŋ lɛ gbi nyɔŋmai enyɔ kɛ ekome lɛ gbɛkɛ.

2 Mose 12:3

Nyɛkɛ Israelbii lɛ fɛɛ awie akɛ, Nyɔɔŋ nɛɛ nɔ gbi ni ji nyɔŋma lɛ, Israelbii fɛɛ amɔmɔ toobi kome kome yɛ amɛtsɛmɛi awei lɛ anaa, shĩa fɛɛ shĩa lɛ toobi kome.

2 Mose 13:3

Mose kɛɛ Israelbii lɛ akɛ, “Nyɛkaia nɛkɛ gbi nɛɛ, ni ji gbi nɔ ni nyɛje Ijipt nyɔŋyeli shishi lɛ, ejaakɛ nineshiwalɛ naa Yehowa jie nyɛ kɛje jɛi. No hewɔ lɛ, nyɛkayea masha nii.

2 Mose 13:4

Ŋmɛnɛ gbi nɛɛ nyɛmiishi Ijipt yɛ Nikpamɔ Nyɔɔŋ nɛɛ nɔ.

2 Mose 23:15

Nyɛyea Akpiti Gbijurɔ lɛ. Bɔ ni miwo nyɛ ehe kitã lɛ, nyɛyea aboloo ni akɛ mã akpiti shã. Nyɛyea lɛ gbii kpawo yɛ be ni ato lɛ, ni ji Abib nyɔɔŋ lɛ nɔ, ejaakɛ no nɔ nyɛshi Ijipt shikpɔŋ lɛ nɔ. No be lɛ mli lɛ mɔ ko akaba mi jamɔ ni ehiɛɛɛ edɛŋ afɔle.

2 Mose 34:18

“Nyɛyea Akpiti Gbijurɔ lɛ. Bɔ ni miwo nyɛ ehe kitã lɛ; nyɛyea aboloo ni akɛ mã akpiti shã. Nyɛyea lɛ gbii kpawo, yɛ be ni ato ni ji Abib nyɔɔŋ lɛ nɔ, ejaakɛ Abib nyɔɔŋ lɛ nɔ nyɛshi Ijipt.

2 Mose 40:17

Be ni Israelbii lɛ shi Ijipt lɛ enɔ afi ni ji enyɔ lɛ klɛŋklɛŋ nyɔɔŋ lɛ nɔ klɛŋklɛŋ gbi lɛ nɔ ashi Kpee Buu Krɔŋkrɔŋ lɛ ama shi.

Ezekiel 45:18

Bɔ ni Nuŋtsɔ Yehowa kɛɛ nɛ, “Klɛŋklɛŋ nyɔŋ lɛ nɔ klɛŋklɛŋ gbi lɛ nɔ lɛ, ŋɔɔ tsina oblanyo ni kpa ko kwraa bɛ ehe, koni okɛtsuu He krɔŋkrɔŋ lɛ he.

Ezekiel 45:21

“Asaŋ klɛŋklɛŋ nyɔŋ lɛ nɔ gbi ni ji nyɔŋma kɛ ejwɛ lɛ nɔ lɛ, nyɛyea Hehoo lɛ. Aye aboloo ni akɛ mã akpiti shã gbii kpawo.

3 Mose 23:5

“Klɛŋklɛŋ nyɔɔŋ lɛ nɔ gbi ni ji nyɔŋma kɛ ejwɛ lɛ gbɛkɛnaashi lɛ ji Yehowa Hehoo gbi lɛ.

4 Mose 28:16

“Afi lɛŋ klɛŋklɛŋ nyɔŋ lɛ nɔ gbi ni ji nyɔŋma kɛ ejwɛ lɛ ji Yehowa Hehoo Gbijurɔ lɛ.

5 Mose 16:1

“Nyɛhiɛ ahia Abib nyɔŋ lɛ nɔ koni nyɛye Hehoo Gbijurɔ lɛ yɛ nɔ nyɛhã Yehowa, nyɛNyɔŋmɔ lɛ. Ejaakɛ Abib nyɔŋ lɛ nɔ nyɔɔŋteŋ Yehowa, nyɛNyɔŋmɔ lɛ, kpɔ̃ nyɛ kɛje Ijipt shikpɔŋ lɛ nɔ.