2 Mose 12:16 - ŊMALƐ KRƆŊKRƆŊ LƐ

¹⁶ Klɛŋklɛŋ gbi lɛ nɔ lɛ akpe kpee krɔŋkrɔŋ kɛja Nyɔŋmɔ, ni gbi ni ji kpawo lɛ hu nɔ lɛ akpe kpee krɔŋkrɔŋ nakai nɔŋŋ. Akatsu nitsumɔ ko nitsumɔ ko yɛ gbii nɛɛ amli ja nitsumɔ ni kɔɔ nɔ ni mɔ fɛɛ mɔ aaaye he kɛkɛ.

Ṅmãle̱ Kroṅkroṅ Le̱

¹⁶ Ni kleṅkleṅ gbĩ le̱ akpe kpē kroṅkroṅ, ni gbĩ ní dši gbĩ kpawo le̱ hũ akpe kpē kroṅkroṅ ye̱ nyeteṅ; akatšu nitšumo̱ ko nitšumo̱ ko ye̱ mli, dša noni mofẽmo aaye ke̱ke̱ he nii nyetšu.

2 Mose 12:16 ပူးပေါင်းရင်းမြစ်များ

2 Mose 16:23

Kɛkɛ ni Mose kɛɛ akɛ, “Nɛkɛ ji bɔ ni Yehowa fã: ‘Wɔ lɛ hejɔɔmɔ gbi ni, Yehowa hejɔɔmɔ gbi krɔŋkrɔŋ lɛ ni. Nyɛshãa nɔ ni nyɛyɔɔ shãa, ni nyɛhoa nɔ ni nyɛyɔɔ hoomɔ. Nɔ ni baashwɛ lɛ nyɛkɛtoa ni je atsɛrea nɔ.’ ”

2 Mose 16:29

Nyɛnaaa akɛ ni Yehowa hã nyɛ hejɔɔmɔgbi lɛ, no hewɔ ni ehãa nyɛ gbii enyɔ niyenii yɛ gbi ni ji ekpaa lɛ nɔ lɛ? Mɔ fɛɛ mɔ ahi eshĩa, mɔ ko akaje egbɛhe yɛ gbi ni ji kpawo lɛ nɔ.”

2 Mose 16:5

Shi gbi ni ji ekpaa lɛ nɔ lɛ, hã ni amɛsaa nɔ ni amɛbuaa naa daa gbi lɛ falɛ toi enyɔ amɛto.”

2 Mose 20:10

shi gbi ni ji kpawo lɛ, hejɔɔmɔ gbi ni hã Yehowa, oNyɔŋmɔ lɛ. No nɔ lɛ okatsu nɔ ko, bo jio, obinuu jio, obiyoo jio, owenuu jio, oweyoo jio, okooloo jio, ogbɔ ni ebato omaŋ jio.

2 Mose 34:18

“Nyɛyea Akpiti Gbijurɔ lɛ. Bɔ ni miwo nyɛ ehe kitã lɛ; nyɛyea aboloo ni akɛ mã akpiti shã. Nyɛyea lɛ gbii kpawo, yɛ be ni ato ni ji Abib nyɔɔŋ lɛ nɔ, ejaakɛ Abib nyɔɔŋ lɛ nɔ nyɛshi Ijipt.

Yesaia 1:13

Nyɛkɛ nyɛyakayaka afɔlei akabaa dɔŋŋ; amɛhe bɛ sɛɛnamɔ. Miihi tsofakɛŋma ni ashãa lɛ kɛ nyɔŋ hee gbii juji lɛ, kɛ hejɔɔmɔ gbi kɛ gwai ni nyɛbɔɔ lɛ. Eshai efite gbii juji ni nyɛyeɔ lɛ, no hewɔ lɛ, mitaooo.

3 Mose 23:21

Ashiɛ koni nakai gbi lɛ nɔ nɔŋŋ lɛ nyɛkpe kpee krɔŋkrɔŋ kɛja, ni akatsu nitsumɔ ko nitsumɔ ko ni wa yɛ gbi nɛɛ nɔ. Naanɔ akpɔ nɛ hã nyɛyinɔi fɛɛ yɛ he fɛɛ he ni amɛyɔɔ.

3 Mose 23:27

“Nyɔɔŋ ni ji kpawo nɛɛ nɔ gbi ni ji nyɔŋma lɛ ji esha kpãtãmɔ gbi lɛ. Gbi nɛɛ nɔ lɛ nyɛwaa nyɛhe yi kɛ hɔmɔ; asaŋ nyɛkpea kpee krɔŋkrɔŋ kɛjaa, ni nyɛkɛ nyɛdɛŋ niyenii afɔle ni ashãa abaa abahãa Yehowa.

3 Mose 23:35

Gbi ni ji klɛŋklɛŋ lɛ nɔ lɛ akpe kpee krɔŋkrɔŋ kɛja; akatsu nitsumɔ ko nitsumɔ ko ni wa yɛ nɔ.

4 Mose 28:18

Gbijurɔ nɛɛ klɛŋklɛŋ gbi lɛ nɔ lɛ, maŋ lɛ akpe kpee krɔŋkrɔŋ ni aja Yehowa; nyɛkatsua nitsumɔ ko nitsumɔ ko ni wa yɛ nɔ.

4 Mose 28:25

Ni gbi ni ji kpawo lɛ nɔ lɛ nyɛkpea kpee krɔŋkrɔŋ ni nyɛjaa Yehowa; nyɛkatsua nitsumɔ ko nitsumɔ ko ni wa yɛ nɔ.”

4 Mose 28:26

“Klɛŋklɛŋ ŋmɔshi nikpamɔ gbijurɔyeli lɛ klɛŋklɛŋ gbi lɛ nɔ, be ni nyɛkɛ ŋmaaŋmɔŋ ni nyɛku baa ni nyɛkɛbaashã afɔle nyɛkɛhã Yehowa lɛ, nyɛkpea kpee krɔŋkrɔŋ ni nyɛjaa. Gbi lɛ akatsu nitsumɔ ko nitsumɔ ko ni wa;

4 Mose 29:1

Nyɔŋ ni ji kpawo lɛ klɛŋklɛŋ gbi lɛ nɔ lɛ, nyɛkpea kpee krɔŋkrɔŋ ni nyɛjaa Yehowa. Akatsu nitsumɔ ko nitsumɔ ko ni wa yɛ gbi lɛ nɔ. Nyɛtɛtrɛmantrɛ lɛ kpãmɔ gbi ni;

4 Mose 29:12

“Nyɔŋ ni ji kpawo lɛ nɔ gbi ni ji nyɔŋma kɛ enumɔ lɛ nɔ lɛ, nyɛkpea kpee krɔŋkrɔŋ ni nyɛjaa; nyɛkatsua nitsumɔ ko nitsumɔ ko ni wa yɛ nɔ; shi nyɛyea gbijurɔ nyɛhãa mi gbii kpawo.

Yohane 19:31

Shi Hesaamɔkɛtoo Gbi ni, ni bɔ ni afee ni amɛgbohii lɛ akahi sɛŋmɔtso lɛ nɔ yɛ hejɔɔmɔ gbi lɛ nɔ (ejaakɛ nakai hejɔɔmɔ gbi lɛ gbi wulu ni) hewɔ lɛ, Yudafoi lɛ yakpa Pilato fai akɛ akumɔ amɛnaji ni ajie amɛ.

5 Mose 16:8

Nyɛyea ma akpiti aboloo lɛ gbii ekpaa, ni gbi ni ji kpawo lɛ nɔ lɛ, akpe kpee wulu akɛja Yehowa, nyɛNyɔŋmɔ lɛ. Akatsu nitsumɔ ko nitsumɔ ko yɛ nakai gbi lɛ nɔ.”