2 Mose 12:14 - ŊMALƐ KRƆŊKRƆŊ LƐ

¹⁴ Nɛkɛ gbi nɛɛ atsɔ̃ kaimɔ gbi ahã nyɛ, ni nyɛye lɛ akɛ Yehowa gbi jurɔ, ni etsɔ̃ akpɔ ehã nyɛ kɛ nyɛshwiei kɛya naanɔ.”

Ṅmãle̱ Kroṅkroṅ Le̱

¹⁴ Ni ne̱ke̱ gbĩ ne̱ atšṍ kaimo̱-gbĩ ahãnye, ni nyeyele̱ gbĩdšŭrõ nyehã Iehowa *nyeke̱ nyesešibii fẽ, ni etšṍ nāno̱ akpo ehãnye.

2 Mose 12:14 ပူးပေါင်းရင်းမြစ်များ

2 Maŋtsɛmɛi 23:21

Kɛkɛ ni maŋtsɛ Yosia fã maŋ muu lɛ fɛɛ akɛ, “Nyɛyea Hehoo Gbijurɔ lɛ kɛwoa Yehowa, nyɛNyɔŋmɔ lɛ hiɛ nyam, tamɔ bɔ ni aŋmã yɛ Kpãŋmɔ Wolo nɛɛ mli lɛ.

Lalai 111:4

Ehãa akaiɔ enaakpɛɛ nitsumɔi lɛ. Durolɔ kɛ mɔbɔnalɔ ji Yehowa.

Lalai 135:13

Oo, Yehowa, ogbɛi lɛ hiɔ shi kɛyaa naanɔ! Oo Yehowa, ohiɛ nyam lɛ yɛ kɛmiiya yinɔi fɛɛ nɔ.

2 Mose 12:17

Nyɛyea nɛkɛ akpiti gbijurɔ nɛɛ nyɛkɛkaia gbi nɔ ni mijie nyɛ fɛɛ yuu kɛje Ijipt shikpɔŋ lɛ nɔ lɛ. No hewɔ lɛ, nyɛyea gbijurɔ nɛɛ, nyɛ kɛ nyɛshwiei fɛɛ, ni etsɔ̃ akpɔ ehã nyɛ kɛya naanɔ.

2 Mose 12:24

Nyɛyea gbɛjianɔtoi nɛɛ anɔ, ni etsɔ̃ akpɔ ehã nyɛ kɛ nyɛbii kɛya naanɔ.

2 Mose 12:43

Ni Yehowa kɛɛ Mose kɛ Aaron akɛ, “Hehoo lɛ he akpɔi nɛ: Mɔkpɔŋ ko mɔkpɔŋ ko akaye eko.

2 Mose 12:6

Nyɛkɛ toobi nɛɛ ato kɛyashi nyɔɔŋ lɛ nɔ gbi nyɔŋma kɛ ejwɛ lɛ nɔ koni Israelbii fɛɛ agbegbee amɛ gbɛkɛnaashi.

2 Mose 23:15

Nyɛyea Akpiti Gbijurɔ lɛ. Bɔ ni miwo nyɛ ehe kitã lɛ, nyɛyea aboloo ni akɛ mã akpiti shã. Nyɛyea lɛ gbii kpawo yɛ be ni ato lɛ, ni ji Abib nyɔɔŋ lɛ nɔ, ejaakɛ no nɔ nyɛshi Ijipt shikpɔŋ lɛ nɔ. No be lɛ mli lɛ mɔ ko akaba mi jamɔ ni ehiɛɛɛ edɛŋ afɔle.

2 Mose 27:21

Aaron kɛ ebihii lɛ asu kane lɛ ama muhɔɔ ni etsĩ Kpãŋmɔ Adeka lɛ hiɛ lɛ hiɛ yɛ Kpee Buu Krɔŋkrɔŋ lɛ mli, ni amɛkwɛ koni kane nɛɛ atso kɛjɛ gbɛkɛ kɛyashi leebi yɛ mi, Yehowa, mihiɛ. Enɛ atsɔ̃ akpɔ ni kã shi hã Israelbii ayinɔbii fɛɛ.”

2 Mose 5:1

Enɛ sɛɛ lɛ Mose kɛ Aaron tee Farao ŋɔɔ amɛyakɛɛ lɛ akɛ, “Bɔ ni Yehowa, Israel Nyɔŋmɔ lɛ, kɛɛ nɛ, ‘Hã mimaŋ lɛ aya ni amɛyaye gbi jurɔ amɛhã mi yɛ ŋa lɛ nɔ.’ ”

Ezekiel 46:14

Ekɛ niyenii afɔle afata he daa leebi. Eŋɔ ŋmãa mamu efa mlijaa ekpaa mli ekome, ni ekɛ mu hin mlijaa etɛ̃ mli ekome afata he, ni akɛkpɔtɔ akɛ niyenii afɔle ahã Yehowa. Akpɔ ni akã shi daa ji no.

3 Mose 23:6

Ni gbi ni ji nyɔŋma kɛ enumɔ lɛ nɔ yɛ nakai nyɔɔŋ lɛ nɔŋŋ nɔ lɛ, no ji mã akpiti gbijurɔ lɛ. Nyɛyea aboloo ni akɛ mã akpiti shã gbii kpawo kɛjɛ nakai gbi lɛ nɔ.

Zakaria 6:14

Ato nɛkɛ maŋtsɛ fai nɛɛ yɛ Yehowa Sɔlemɔ we lɛ mli, koni akɛkai Heldai kɛ Tobia kɛ Yedaia kɛ Yosia ni ji Zefania bi lɛ.”

4 Mose 10:8

Aaron bihii ni ji osɔfoi lɛ ji mɛi ni akpã tɛtɛrɛmantɛrɛ lɛ. “Gbɛjianɔtoo kɛ akpɔ ni akã tɛtɛrɛmantɛrɛi nɛɛ akpãmɔ he ahã nyɛ kɛ nyɛshwiei fɛɛ nɛ:

4 Mose 15:15

Gbɛjianɔtoo kome baakã shi ahã shikpɔŋ muu lɛ nɔ gbɔmɛi fɛɛ; ni ekã shi akɛ naanɔ akpɔ ahã nyɛ, Israel fɔmɔbii kɛ mɔkpɔŋ ni ebato nyɛ gbɔ lɛ fɛɛ ashwiei. Israelnyo kɛ mɔkpɔŋ lɛ, amɛ fɛɛ pɛ yɛ Yehowa hiɛ.

4 Mose 16:40

koni etsɔ̃ kaimɔnɔ ehã Israelbii lɛ bɔ ni afee ni mɔ ni jeee Aaron shwie ko akatsi ebɛŋkɛ afɔleshãa latɛ lɛ akɛ ebaashã tsofakɛŋma ekɛhã Yehowa, koni ekabatsɔ̃ tamɔ Kora kɛ esafo lɛ. Eleazar fee bɔ ni Yehowa tsɔ̃ Mose nɔ ekɛɛ lɛ lɛ pɛpɛɛpɛ.

4 Mose 18:8

Yehowa kɛɛ Aaron akɛ, “Naa, nibii ni Israelbii kɛbahãa mi akɛ afɔle lɛ, amɛmli nibii fɛɛ ni ashãaa lɛ, mijɔɔ nɔ mikɛke bo kɛ obihii osɔfoi lɛ kɛmiiya naanɔ akɛ nyɛgbɛnaanii kɛmiiya naanɔ.

Mateo 26:13

Anɔkwale mikɛɔ nyɛ akɛ, he fɛɛ he ni aajaje sane kpakpa nɛɛ yɛ, yɛ jeŋ fɛɛ lɛ, aaagba nɔ ni yoo nɛɛ fee nɛɛ hu akɛkai lɛ.”

Luka 22:19

Ni ekɔ aboloo, ni eda shi, ni ekumɔ mli, ni ekɛhã amɛ ni ekɛɛ, [“Enɛ ji migbɔmɔtso ni akɛhã yɛ nyɛhewɔ lɛ; nyɛfea enɛ ni nyɛkɛkaia mi.”

5 Mose 16:1

“Nyɛhiɛ ahia Abib nyɔŋ lɛ nɔ koni nyɛye Hehoo Gbijurɔ lɛ yɛ nɔ nyɛhã Yehowa, nyɛNyɔŋmɔ lɛ. Ejaakɛ Abib nyɔŋ lɛ nɔ nyɔɔŋteŋ Yehowa, nyɛNyɔŋmɔ lɛ, kpɔ̃ nyɛ kɛje Ijipt shikpɔŋ lɛ nɔ.

5 Mose 16:11

Nyɛmii ashɛa nyɛhe yɛ Yehowa, nyɛNyɔŋmɔ lɛ hiɛ, nyɛ kɛ nyɛbihii kɛ nyɛbiyei kɛ nyɛwehii kɛ nyɛweyei kɛ Levibii ni yɔɔ nyɛmaji lɛ amli kɛ maŋsɛɛ gbɔi kɛ awusãi kɛ okulafoi hu ni yɔɔ nyɛteŋ lɛ. Nyɛyea gbijurɔ nɛɛ yɛ he ni Yehowa, nyɛNyɔŋmɔ lɛ, eŋɔ akɛ jɛi aja lɛ yɛ lɛ.

5 Mose 6:8

Asaŋ okɛfi onineshi kɛ ohiɛŋtso nɔ hu akɛ hekaimɔ okadi,

Yoshua 4:7

nyɛjie naa nyɛhã amɛ akɛ, ‘Yordan Faa lɛŋ nu lɛ sɛɛ fo yɛ Kpãŋmɔ Adeka lɛ hiɛ be ni akɛfo Yordan lɛ.’ No hewɔ lɛ, tɛi nɛɛ baatsɔ̃ kaimɔ nɔ ahã Israelbii kɛya naanɔ.”

1 Samuel 30:25

Kɛjɛ nakai gbi lɛ nɔ lɛ David wiemɔ nɛɛ tsɔ̃ akpɔ kɛ mla ehã Israelbii, ni ekã shi nakai kɛbashi ŋmɛnɛ.