2 Mose 11:10 - ŊMALƐ KRƆŊKRƆŊ LƐ

¹⁰ Mose kɛ Aaron fee nɛkɛ naakpɛɛ nibii nɛɛ fɛɛ amɛtsɔ̃ɔ Farao nɛ, shi Yehowa hã Farao kpliŋ etsui ni ehãaa Israelbii lɛ ashi eshikpɔŋ lɛ nɔ amɛya.

Ṅmãle̱ Kroṅkroṅ Le̱

¹⁰ Ni Mose ke̱ Aaron fe ne̱ke nākpe̱nii ne̱ fẽ ye̱ Farao hĩe; ši Iehowa *wadše Farao tšui, ni ehãã Israelbii le̱ adše ešikpoṅ le̱ no̱ aya. *4,21.

2 Mose 11:10 ပူးပေါင်းရင်းမြစ်များ

Hiob 9:4

Nilelɔ ji lɛ, ni eyɛ hewalɛ; namɔ ete shi ewo lɛ, ni eye kunim pɛŋ?

2 Mose 10:20

Shi Yehowa hã Farao kpliŋ etsui, ni ehãaa Israelbii lɛ aya.

2 Mose 10:27

Shi Yehowa hã Farao kpliŋ etsui, ni ekpɛlɛ̃ɛɛ akɛ Israelbii lɛ aya.

2 Mose 12:1

Ni Yehowa kɛɛ Mose yɛ Ijipt shikpɔŋ lɛ nɔ akɛ,

2 Mose 3:19

Shi mi lɛ mile akɛ Ijipt Maŋtsɛ lɛ eŋmɛŋ gbɛ ni nyɛya, ja anyɛ enɔ.

2 Mose 4:21

Yehowa kɛɛ Mose ekoŋŋ akɛ, “Kɛji oyashɛ Ijipt lɛ kwɛmɔ ni naakpɛɛ nibii fɛɛ ni mikɛ amɛnɔ hewalɛ ewo odɛ̃ŋ lɛ, ofee yɛ Farao hiɛ; shi mi lɛ mahã Farao akpliŋ etsui, ni ehãŋ maŋ lɛ aya.

2 Mose 7:3

Shi mahã Farao akpliŋ etsui, ni okadii kɛ naakpɛɛ nibii babaoo ni mafee yɛ Ijipt shikpɔŋ lɛ nɔ lɛ fɛɛ sɛɛ lɛ,

2 Mose 9:12

Shi Yehowa hã Farao kpliŋ etsui, ni ebooo Mose kɛ Aaron toi tamɔ bɔ ni Yehowa ewie eto lɛ.

Yesaia 63:17

Ao Yehowa, mɛɛba ohaa wɔduɔ gbɛ kɛjɛɔ ogbɛi lɛ anɔ? Mɛɛba owajeɔ wɔtsui koni wɔkashe bo gbeyei lɛ? Otsuji kɛ okutsei lɛ ahewɔ lɛ kuu osɛɛ.

Yohane 12:40

“Eshwila amɛhiŋmɛii, ni ekpliŋ amɛtsui; koni amɛkana kɛ amɛhiŋmɛii, ni amɛna naa kɛ amɛtsui, ni amɛku amɛsɛɛ ni mitsa amɛ.”

Romabii 9:18

Belɛ no hewɔ lɛ, mɔ ni esumɔɔ akɛ ena lɛ mɔbɔ lɛ, enaa lɛ mɔbɔ, ni kɛ eesumɔ akɛ ewaje mɔ ko tsui lɛ, ewajeɔ.

Romabii 9:22

Shi kɛ Nyɔŋmɔ miisumɔ akɛ ejie emlifu kpo etsɔ̃ɔ ni ehã ale ehe ni wa lɛ, ni kɛ̃lɛ eŋmɛɔ etsui shi babaoo ehiɛɔ mlifu nii ni sa fitemɔ lɛ,

5 Mose 2:30

“Shi Heshbon Maŋtsɛ Sihon ekpɛlɛ̃ɛɛ nɔ akɛ wɔtsɔ̃ eshikpɔŋ lɛ nɔ kɛho, ejaakɛ Yehowa, nyɛNyɔŋmɔ lɛ, hã ekuɛŋ ti, ni ekpliŋ etsui bɔ ni afee ni wɔ kɛ lɛ awu ni wɔye enɔ kunim tamɔ eyɔɔ ŋmɛnɛ nɛɛ lɛ.

Yoshua 11:20

Ejaakɛ Yehowa ninenaa nitsumɔ nɛ, akɛ ehã maji lɛ amli bii lɛ kpliŋ amɛtsui, bɔ ni afee ni amɛ kɛ Israelbii lɛ awu ta koni atsɔ̃ no nɔ amɛkpãtã amɛhiɛ ni mɔbɔnalɛ bɛ mli, tamɔ bɔ ni Yehowa fã Mose lɛ.

1 Samuel 6:6

Mɛni hewɔ esa akɛ nyɛkpliŋ nyɛtsui tamɔ Ijiptbii lɛ kɛ amɛmaŋtsɛ lɛ fee lɛ? Kwɛ, be ni ehã amɛna amɛnii ni amɛleee sɛɛ lɛ, bɛ amɛŋmɛɛ Israelbii lɛ ahe ni amɛtee?