2 Mose 10:7 - ŊMALƐ KRƆŊKRƆŊ LƐ

⁷ Kɛkɛ ni Farao tsuji lɛ kɛɛ lɛ akɛ, “Mɛɛ beyinɔ nɔŋŋ ni nuu nɛɛ aaahao wɔ kɛyashi? Hã Israelbii lɛ aya ni amɛyasɔ̃mɔ Yehowa, amɛNyɔŋmɔ lɛ. Ani oleko lolo akɛ Ijipt hiɛ miikpãtã?”

Ṅmãle̱ Kroṅkroṅ Le̱

⁷ Ke̱ke̱ ni Farao tšũdši le̱ kē̱le̱ ake̱: Mẽ beyino noṅṅ ni nū ne̱ aahaowo̱ ke̱-yaši? Hã gbomei le̱ aya ní ame̱yasúmo̱ Iehowa, ame̱-Nyoṅmo̱ le̱! Ani oleko ake̱ Mizraim mifite?

2 Mose 10:7 ပူးပေါင်းရင်းမြစ်များ

Lalai 107:34

Ehãa shikpɔŋ ni baa nii tsɔ̃ɔ ŋoo shikpɔŋ yɛ mɛi ni hiɔ jɛi lɛ anifeemɔnii hewɔ.

2 Mose 12:33

Ni Ijiptbii lɛ tsirɛ Israelbii lɛ ayisɛɛ akɛ amɛhe afee oya ni amɛshi amɛshikpɔŋ lɛ nɔ, ejaakɛ amɛkɛɛ, “Nyɛbaahã wɔ fɛɛ wɔgboi.”

2 Mose 23:33

Nyɛkahãa amɛhia shikpɔŋ lɛ nɔ ni amɛmiihã nyɛfee esha nyɛshi mi. Ejaakɛ kɛji nyɛsɔ̃mɔ amɛnyɔŋmɔi lɛ, bɔ fɛɛ bɔ ni fee lɛ eeetsɔ̃ tsɔne ehã nyɛ.”

2 Mose 7:5

Kɛ migbala Ijiptbii lɛ atoi, ni mijie Israelbii lɛ kɛje amɛshikpɔŋ lɛ nɔ lɛ, no Ijiptbii kɛaale akɛ mi ji Yehowa.”

2 Mose 8:19

Kɛkɛ ni ŋkunyaayelɔi lɛ kɛɛ Farao akɛ, “Enɛ lɛ Nyɔŋmɔ tsu.” Shi Farao kpliŋ etsui, ni ebooo Mose kɛ Aaron toi tamɔ bɔ ni Yehowa ewie eto lɛ.

Abe̱i 29:6

Efɔŋfeelɔ lɛ, lɛ diɛŋtsɛ ehe esha nɔŋŋ duɔ lɛ tsɔne; shi jalɔ lɛ, elaa, ni enyaa.

Jajelɔ 7:26

Mina nɔ ko ni joɔ fe gbele tete; no ji yoo. Etsui mli eyi kɛ tsɔnei kɛ yai ni akɛduɔ mɔ, ni eniji lɛ kɔsɔŋkɔsɔ ni fimɔɔ mɔ ni. Mɔ ni sheɔ Nyɔŋmɔ gbeyei jeɔ yoo akpa mli; shi eshafeelɔ lɛ yoo duɔ lɛ.

Yesaia 14:20

Akɛ bo fataŋ amɛhe afuŋ, ejaakɛ bo diɛŋtsɛ okpãtã oshikpɔŋ lɛ hiɛ, ni ogbe omaŋbii lɛ. Atsiŋ efɔŋfeelɔi ashwiei atã dɔŋŋ gbi ko gbi ko.

Yesaia 51:9

Tee shi, tee shi koo! Yehowa, wo ohewalɛ nine lɛ nɔ. Tee shi tamɔ ofee blema ko lɛ, tamɔ yɛ jeeŋmɔ yinɔi komɛi anɔ lɛ. Aso jeee bo ofolɔ ŋshɔŋ kooloo Rahab lɛ mli dukuduku lɛ? Aso jeee bo ofolɔ kooloo drako gbeyeigbeyei lɛ mli lɛ?

Yeremia 48:4

Akpãtã Moab hiɛ, ebii bibii lɛ miibolɔ.

Yeremia 51:8

Babilon egbee shi trukaa, ni ehiɛ ekpãtã; nyɛfoa lɛ; akɛ tsofa ato epilamɔ lɛ nɔ, eko lɛ aaatsa lɛ.

Zefania 1:18

Nakai Yehowa mlifu gbi lɛ nɔ lɛ, gbɔmɛi ajwiɛtɛi kɛ shika fɛɛ nyɛŋ amɛyiwala ahere. Emlifu ni jɛ awuŋayeli mli lɛ naa la lɛ naawalɛ baakpãtã je lɛ fɛɛ hiɛ; ejaakɛ trukaa ni eeeplene shikpɔŋ lɛ nɔ gbɔmɛi fɛɛ.

1 Korintobii 7:35

Shi enɛ lɛ, nyɛ ekpakpa hewɔ mikɛɔ, jeee nyɛkuɛ kpãa miwoɔ, shi moŋ bɔ ni afee ni afee fɛo, koni nyɛsɔ̃mɔ Nuŋtsɔ lɛ ni nɔ ko nɔ ko wooo nyɛ najiaŋ.

Yoshua 23:13

nyɛnaa nyɛlea faŋŋ akɛ Yehowa, nyɛNyɔŋmɔ lɛ, eyaŋ nɔ ehaŋ maji nɛɛ ajo nyɛnaa foi dɔŋŋ. Moŋ amɛaatsɔ̃mɔ tamɔ tsɔne loo akpa ni atsɔ̃ ato nyɛ, loo tamɔ kpelebii ni akɛmiiyi nyɛ ŋmawuiaŋ, loo tamɔ ŋmei ni miitsurɔ nyɛhiŋmɛiiaŋ; ni nii nɛɛ baaya nɔ kɛyashi beyinɔ ni nyɛhiɛ aaakpãtã yɛ shikpɔŋ kpakpa ni Yehowa, nyɛNyɔŋmɔ lɛ, ehã nyɛ nɛɛ nɔ.

1 Samuel 18:21

ni ekɛɛ “Yiɛ! Mikɛ Mikal baahã lɛ koni etsɔ̃ tamɔ akpa ehã lɛ, koni Filistibii lɛ anine agbe lɛ ahã mi.” Enɛ hã Saul wo David shi nɔ ni ji shii enyɔ nɔ akɛ, “Ŋmɛnɛ obaatsɔ mishaanuu.”

1 Samuel 5:11

No hewɔ lɛ, amɛtsu ni ayakpee Filistibii lɛ alumɛi lɛ fɛɛ kɛbakpe, ni amɛkɛɛ amɛ akɛ, “Nyɛhãa akɛ Israel Nyɔŋmɔ lɛ Kpãŋmɔ Adeka lɛ akua sɛɛ kɛyaa he ni ejɛ koni ekabagbe wɔ kɛ wɔbii.” Maŋ muu lɛ fɛɛ ejijaa ni yɛ gbeyei; ejaakɛ Nyɔŋmɔ kɛ amɛ miiye kɛ joomɔ ni naa wa yɛ jɛi.