2 Mose 10:22 - ŊMALƐ KRƆŊKRƆŊ LƐ

²² Mose kpã enine mli kɛtee ŋwɛi, kɛkɛ ni duŋ kpii wo yɛ Ijipt shikpɔŋ lɛ nɔ fɛɛ gbii etɛ̃.

Ṅmãle̱ Kroṅkroṅ Le̱

²² Ni Mose kpã enine mli ke̱-te ṅwei, ni duṅ kpī wo ye̱ Mizraim šikpoṅ le̱ no fẽ gbĩĩ etẽ;

2 Mose 10:22 ပူးပေါင်းရင်းမြစ်များ

Hiob 5:14

Duŋ woɔ amɛ shwane fintiŋŋ, ni amɛgbugbuɔ shi shwane mlemle tamɔ mɛi ni nyiɛɔ nyɔɔŋ.

Lalai 105:28

Nyɔŋmɔ hã duŋ wo, ni shikpɔŋ lɛ nɔ wo duŋ; shi kɛ̃lɛ Ijiptbii lɛ booo efamɔ lɛ toi.

2 Mose 20:21

Shi maŋ lɛ damɔ sɛɛ flɛŋŋ lolo; kɛkɛ ni Mose tsi ebɛŋkɛ duŋ kpii lɛ ni Nyɔŋmɔ yɔɔ mli lɛ.

Yesaia 8:22

ni amɛaakwɛ shikpɔŋ hu. Shi naa, amɛnaŋ nɔ ko nɔ ko fe hejaramɔ kɛ duŋ kabitii; ni aaatsi amɛ awo duŋ kabitii lɛ mli.

Ezekiel 32:7

Kɛji mikpãtã ohiɛ lɛ, mahã ŋwɛi hiɛ aha, ni eŋulamii lɛ awo duŋ. Mikɛ atatu aaaha hulu lɛ hiɛ, ni nyɔɔŋtsere hu kpɛŋ.

Ezekiel 32:8

Magbe ŋwɛi kanei ala ni kpɛɔ lɛ yɛ onɔ; ni mahã duŋ awo yɛ oshikpɔŋ lɛ nɔ.” Nuŋtsɔ Yehowa kɛɛ.

Yoel 2:2

Duŋ kɛ jeŋ tuutuufeemɔ gbi ni, atatu kɛ oblɔtu kpii gbi ni. Baalabii ta muu miiba tamɔ duŋ gbɛɔ shwãa gɔji anɔ lɛ. Nɔ ko ni tamɔ enɛ bako dã, ni asaŋ esɛɛ lɛ eko baŋ dɔŋŋ kɛaatee yinɔi ayinɔ.

Yoel 2:31

Hulu aaawo duŋ, ni nyɔɔŋtsere aaatsu faa tamɔ lá. Dani Yehowa gbi wulu ni yɔɔ gbeyei lɛ aaaba.

Amos 4:13

Naa, mɔ ni shɔ̃ gɔji lɛ, ni ebɔ kɔɔyɔɔ, ni egbaa gbɔmɔ nɔ ni ji lɛ Nyɔŋmɔ lɛ eyiŋtoo. Lɛ mɔ ni ehãa jetsɛremɔ tsɔ̃ɔ duŋ, ni enyiɛɔ shikpɔŋ lɛ nɔ hei grɔŋŋi lɛ, Egbɛi ji Yehowa, Taiatsɛ.

Amos 4:7

“Asaŋ be ni eshwɛ nyɔji etɛ̃ ni akɛkpaa ŋmɔshinii lɛ tete mihãaa nu anɛ nyɛ. Mihã nu nɛ maŋ kome ko nɔ, shi mihãaa enɛ maŋ ko hu nɔ. Nu nɛ ŋmɔ ko shi, ni nu enɛɛɛ ŋmɔ ko hu shi, no hewɔ lɛ, ŋmɔ ni enɛɛɛ mli lɛ mli nii ŋala.

5 Mose 4:11

“Nyɛgbaa nyɛbii lɛ bɔ ni nyɛtsi nyɛbɛŋkɛ, ni nyɛbadamɔ gɔŋ lɛ shishi, kɛ bɔ ni gɔŋ lɛ here kɛ la kɛtee ŋwɛi shɔŋŋ, ni atatu kpii ko ha gɔŋ lɛ he fɛɛ kpula.

5 Mose 5:22

“Nɛkɛ kitãi nɛɛ Yehowa kɛ gbee ni wa jɛ la lɛ kɛ atatu kpii lɛ mli ewo nyɛsafo muu lɛ fɛɛ yɛ gɔŋ lɛ nɔ; ni ekɛ nɔ ko fataaa he. Kɛkɛ ni eŋma ewo tɛi tɛtɛrɛbii enyɔ nɔ, ni ekɛhã mi.”

Kpojiemɔ 16:10

Ni bɔfo ni ji enumɔ lɛ fɔse etɔ lɛ mli nii lɛ eshwie kooloo lɛ maŋtsɛ sɛ̃i lɛ nɔ, ni emaŋtsɛyeli lɛ wo duŋ, ni gbɔmɛi kɔ̃mɔ amɛlilɛii yɛ nɔnaa lɛ hewɔ.