2 Mose 10:16 - ŊMALƐ KRƆŊKRƆŊ LƐ

¹⁶ Kɛkɛ ni Farao tsu oya mli, ni ayatsɛ Mose kɛ Aaron kɛba, ni ekɛɛ amɛ akɛ, “Mifee esha mishi Yehowa, nyɛ Nyɔŋmɔ lɛ, ni mifee nyɛ hu esha.

Ṅmãle̱ Kroṅkroṅ Le̱

¹⁶ Ke̱ke̱ ni Farao tšũ ayatšé̱ Mose ke̱ Aaron ke̱-ba oya mli ni ekē̱: *Mife Iehowa, nye-Nyoṅmo̱ le̱, ke̱ nye hũ eša; *9,27.

2 Mose 10:16 ပူးပေါင်းရင်းမြစ်များ

2 Samuel 19:20

Ejaakɛ, ofainɛ, mile faŋŋ akɛ mifee esha; ni no hewɔ ni naa, mi ji mɔ tsuutsu ni jɛ kooyi akutsei lɛ amli miba bo kpeemɔ ŋmɛnɛ nɛɛ.”

2 Samuel 24:10

Shi be ni David ekane maŋbii lɛ sɛɛ lɛ, ehenilee bɔi enaagbamɔ. Kɛkɛ ni ekɛɛ Yehowa akɛ, “Mifee esha kpele akɛ mifee nɛkɛ nɔ ko. Ofainɛ ni okɛfa mi, ejaakɛ miye kwashiai asane naakpa!”

2 Samuel 24:17

Be ni David na bɔfo lɛ ni tswiaa maŋbii lɛ anii lɛ, David kɛɛ Yehowa akɛ, “Naa, mi mifee esha lɛ; ni mi mitɔ̃ lɛ, shi gbɔmɛi ni tamɔ toi humii nɛɛ, amɛ lɛ amɛfeko nɔ ko. Ofainɛ, gbalamɔ mi kɛ mitsɛ we lɛ moŋ toi.”

2 Mose 8:25

Kɛkɛ ni Farao fã ni ayatsɛ Mose kɛ Aaron kɛba, ni ekɛɛ amɛ akɛ, “Nyɛyaa nyɛyashãa afɔle lɛ nyɛhãa nyɛNyɔŋmɔ lɛ, shi moŋ nyɛshãa yɛ Ijipt shikpɔŋ nɛɛ nɔ.”

2 Mose 8:8

Kɛkɛ ni Farao fã, ni ayatsɛ Mose kɛ Aaron kɛba, ni ekɛɛ amɛ akɛ, “Nyɛkpaa Yehowa fai koni ejie kɔkɔdenei lɛ yɛ mi kɛ mimaŋbii lɛ anɔ, ni mahã Israelbii lɛ aya koni amɛyashã afɔle amɛhã Yehowa.”

2 Mose 9:27

Kɛkɛ ni Farao tsu ayatsɛ Mose kɛ Aaron kɛba, ni ekɛɛ amɛ akɛ, “Enɛ lɛ mifee esha. Yehowa lɛ jalɔ ji lɛ, shi mi kɛ mimaŋ lɛ mɛi fɔ̃ji ji wɔ.

Abe̱i 28:13

Mɔ ni tsimɔɔ etɔ̃mɔi anɔ lɛ, eshwereŋ; shi mɔ ni jajeɔ, ni efɔ̃ɔ efɔŋfeemɔ lɛ, anaa lɛ mɔbɔ.

4 Mose 21:7

Kɛkɛ ni maŋbii lɛ ba Mose ŋɔɔ, ni amɛbakɛɛ lɛ akɛ, “Wɔfee esha akɛ wɔwie wɔshi Yehowa kɛ bo fɛɛ. Kpa Yehowa fai ohã wɔ koni ejie onufui nɛɛ kɛje wɔteŋ.” Mose kpa fai lɛ ehã Israelbii lɛ.

4 Mose 22:34

Balaam hã Yehowa bɔfo lɛ hetoo akɛ, “Mifee esha; ejaakɛ mileee kwraa akɛ oba oosa minaa yɛ gbɛ lɛ nɔ. No hewɔ lɛ, kɛji minyiɛmɔ nɛɛ esaaa ohiɛ lɛ, maku misɛɛ mɔ.”

Mateo 27:4

ni ekɛɛ, “Mifee esha akɛ mitsɔ̃ɔ lá ni efɔŋ ko bɛ ehe lɛ sɛɛgbɛ.” Shi amɛ lɛ amɛkɛɛ, “No jeee wɔhe sane ko; bo diɛŋtsɛ kwɛmɔ nɔ!”

1 Samuel 15:24

Saul kɛɛ Samuel akɛ, “Mifee esha, ejaakɛ mitɔ̃ Yehowa fãmɔ lɛ kɛ bo hu owiemɔi lɛ anɔ, ejaakɛ miyashe tabilɔi lɛ agbeyei ni miyabo amɛnaawiemɔ toi.

1 Samuel 15:30

Kɛkɛ ni Saul kɛɛ akɛ, “Mifee esha; shi kɛ̃lɛ wo mihiɛ nyam yɛ mimaŋ onukpai lɛ kɛ Israel fɛɛ hiɛ, ni okɛ mi aku sɛɛ kɛya ni mayaja Yehowa, oNyɔŋmɔ, lɛ.”

1 Samuel 26:21

Kɛkɛ ni Saul here nɔ ekɛɛ akɛ, “Mifee efɔŋ! Mibi David, kpalemɔ ni oba. Mifeŋ bo efɔŋ ko dɔŋŋ, ejaakɛ otsɔ̃ɔ mi ŋmɛnɛ gbi nɛɛ akɛ miwala jara wa hã bo. Miye kwashiai asane lɛɛlɛŋ, ni mitɔ̃ fe nine.”