2 Mose 10:1 - ŊMALƐ KRƆŊKRƆŊ LƐ

¹ Kɛkɛ ni Yehowa kɛɛ Mose akɛ, “Yaa Farao ŋɔɔ, shi mihã ekpliŋ etsui, ni etsuji lɛ hu ekpliŋ amɛtsui bɔ ni afee ni mafee naakpɛɛ nii nɛɛ fɛɛ matsɔ̃ɔ amɛ,

Ṅmãle̱ Kroṅkroṅ Le̱

¹ Ni Iehowa kē̱ Mose ake̱: Ta Farao ṅõ, ši miwadše etšui ke̱ etšũdši le̱ atšui, beni afe ní mafe mikadii ne̱ fẽ matšõame̱,

2 Mose 10:1 ပူးပေါင်းရင်းမြစ်များ

Lalai 7:11

Nyɔŋmɔ lɛ jalɛ naa kojolɔ ni; ebuɔ efɔŋfeelɔ fɔ be fɛɛ be.

2 Mose 10:20

Shi Yehowa hã Farao kpliŋ etsui, ni ehãaa Israelbii lɛ aya.

2 Mose 3:20

No hewɔ lɛ, majie mihewalɛ kpo matsɔ̃ɔ Ijipt, ni mikɛ naakpɛɛ nii ni mafee yɛ jɛi lɛ aaagbala Ijipt toi, ni no sɛɛ dani eeehã nyɛya.

2 Mose 4:21

Yehowa kɛɛ Mose ekoŋŋ akɛ, “Kɛji oyashɛ Ijipt lɛ kwɛmɔ ni naakpɛɛ nibii fɛɛ ni mikɛ amɛnɔ hewalɛ ewo odɛ̃ŋ lɛ, ofee yɛ Farao hiɛ; shi mi lɛ mahã Farao akpliŋ etsui, ni ehãŋ maŋ lɛ aya.

2 Mose 7:4

eboŋ nyɛ toi. No baahã mikɛ Ijipt aye kɛ joomɔ, ni magbala etoi, ni majie mimaŋ Israel kɛje Ijipt.

2 Mose 9:12

Shi Yehowa hã Farao kpliŋ etsui, ni ebooo Mose kɛ Aaron toi tamɔ bɔ ni Yehowa ewie eto lɛ.

2 Mose 9:16

Shi enɛ hewɔ mihã oyɔɔ wala mli lolo koni majie mihewalɛ kpo matsɔ̃ɔ bo koni akɛtsi mitã yɛ jeŋ fɛɛ.

2 Mose 9:27

Kɛkɛ ni Farao tsu ayatsɛ Mose kɛ Aaron kɛba, ni ekɛɛ amɛ akɛ, “Enɛ lɛ mifee esha. Yehowa lɛ jalɔ ji lɛ, shi mi kɛ mimaŋ lɛ mɛi fɔ̃ji ji wɔ.

Yohane 12:40

“Eshwila amɛhiŋmɛii, ni ekpliŋ amɛtsui; koni amɛkana kɛ amɛhiŋmɛii, ni amɛna naa kɛ amɛtsui, ni amɛku amɛsɛɛ ni mitsa amɛ.”

Romabii 9:17

Ejaakɛ ŋmalɛ lɛ kɛɛ Farao akɛ, “Enɛ nɔŋŋ hewɔ mitee bo shi, koni majie mihewalɛ kpo kɛtsɔ̃ onɔ, koni atsi migbɛi tã yɛ shikpɔŋ lɛ fɛɛ nɔ.”

Romabii 9:18

Belɛ no hewɔ lɛ, mɔ ni esumɔɔ akɛ ena lɛ mɔbɔ lɛ, enaa lɛ mɔbɔ, ni kɛ eesumɔ akɛ ewaje mɔ ko tsui lɛ, ewajeɔ.

Yoshua 11:20

Ejaakɛ Yehowa ninenaa nitsumɔ nɛ, akɛ ehã maji lɛ amli bii lɛ kpliŋ amɛtsui, bɔ ni afee ni amɛ kɛ Israelbii lɛ awu ta koni atsɔ̃ no nɔ amɛkpãtã amɛhiɛ ni mɔbɔnalɛ bɛ mli, tamɔ bɔ ni Yehowa fã Mose lɛ.

1 Samuel 4:8

Sane eye wɔ! Namɔ po aaajie wɔ yɛ jemawɔji ni ahe yɔɔ gbeyei nɛɛ adɛŋ? Jemawɔji nɛɛ ni hã haomɔ ba Ijiptbii lɛ anɔ yɛ shiaŋa lɛ nɔ lɛ.