2 Mose 1:20 - ŊMALƐ KRƆŊKRƆŊ LƐ

^20-21 Akɛni yoofɔlɔi lɛ yashe Nyɔŋmɔ gbeyei hewɔ lɛ, Nyɔŋmɔ to amɛ ejurɔ, ni eduro amɛ bii. Yɛ Israelbii lɛ agbɛfaŋ lɛ, amɛtee nɔ amɛshwere, ni amɛna hewalɛ naakpa.

Ṅmãle̱ Kroṅkroṅ Le̱

²⁰ Nohewo̱ le̱ Nyoṅmo̱ to yeifo̱yei le̱ edšŭrõ. Ni maṅ le̱ yi bafá ni ame̱ná hewale̱ naakpa.

2 Mose 1:20 ပူးပေါင်းရင်းမြစ်များ

Lalai 103:11

Shi moŋ, bɔ ni ŋwɛi kwɔ fe shikpɔŋ lɛ, nakai esuɔmɔ ni tsakeee lɛ fa hã mɛi ni sheɔ lɛ gbeyei lɛ.

Lalai 111:5

Ehãa mɛi ni sheɔ lɛ gbeyei lɛ yeɔ nii tɔrɔɔ; be fɛɛ be lɛ ekaiɔ ekpãŋmɔ lɛ.

Lalai 145:19

Mɛi ni sheɔ lɛ gbeyei lɛ, efeɔ amɛnitaomɔnii ehãa amɛ; eboɔ amɛbolɔmɔ toi ni ehereɔ amɛyiwala.

Lalai 61:5

Oo Naa Nyɔŋmɔ, ejaakɛ onu mishiwoi lɛ. Okɛ mɛi ni sheɔ bo gbeyei lɛ agbɛnaanii ehã mi.

Lalai 85:9

Lɛɛlɛŋ efee kralo kɛbaahere mɛi ni sheɔ lɛ gbeyei lɛ ayiwala koni anunyam ahi wɔshikpɔŋ lɛ nɔ.

2 Mose 1:12

Shi babaoo ni Ijiptbii lɛ waa Israelbii lɛ yi lɛ, babaoo moŋ ni Israelbii lɛ ayi faa ni amɛshwereɔ ji no. Enɛ hã Ijiptbii lɛ atsui su Israelbii lɛ anɔ.

2 Mose 1:19

Yoofɔlɔi lɛ kɛɛ Farao akɛ, “Ejaakɛ Hebriyei lɛ tamɔɔɔ Ijipt yei lɛ; amɛ lɛ amɛyɛ kamkam bɔ ni be ni yoofɔlɔ lɛ kɛɛ eshɛɔ amɛŋɔɔ lɛ amɛfɔ momo.”

2 Mose 1:7

Shi amɛshwiei, ni ji Israelbii lɛ, fɔfɔɔ ni amɛshwere babaoo. Amɛyi bafa, ni amɛna hewalɛ naakpa diɛŋtsɛ, ni amɛyi Ijipt shikpɔŋ lɛ nɔ tɔ.

Abe̱i 11:18

Mɔ fɔŋ naa shishiumɔ mli nyɔmɔwoo; shi mɔ ni feɔ jalɛ nii lɛ enaa anɔkwale mli nyɔmɔwoo.

Abe̱i 19:17

Mɔ ni naa ohiafo mɔbɔ lɛ, ekɛ miifa Yehowa; ni ejurɔ ni efee lɛ, Yehowa aaato lɛ najiaŋ kɛteke nɔ.

Jajelɔ 8:12

Yɛ mli akɛ eshafeelɔ feɔ esha shii oha, ni ewala sɛɛ tsɛɔ moŋ nɛ, kɛ̃lɛ mile akɛ mɛi fɛɛ ni sheɔ Nyɔŋmɔ gbeyei lɛ ebaahi ehã amɛ, ejaakɛ amɛsheɔ Nyɔŋmɔ gbeyei;

Yesaia 3:10

Kɛɛmɔ jalɔi lɛ akɛ ebaahi ehã amɛ, ejaakɛ amɛbaaye amɛnifeemɔnii lɛ mli yibii.

Mateo 10:42

Ni mɔ fɛɛ mɔ ni aaahã mɛi bibii nɛɛ ateŋ mɔ kome nuhɔ̃ɔ kpulu kome pɛ enu yɛ kaselɔ gbɛi mli lɛ, miikɛɛ nyɛ anɔkwale mli akɛ enyɔmɔwoo eŋmɛŋ lɛ kɔkɔɔkɔ.”

Mateo 25:40

Ni maŋtsɛ lɛ aaahere nɔ ekɛɛ amɛ akɛ, ‘Anɔkwale mikɛɔ nyɛ akɛ, gbii abɔ kɛ̃ ni nyɛfee nyɛhã minyɛmimɛi nɛɛ ateŋ bibioo kome lɛ, mi nɔŋŋ nyɛfee nyɛhã lɛ.’

Luka 1:50

Emɔbɔnalɛ yɛ mɛi ni sheɔ lɛ gbeyei lɛ anɔ kɛyashi yinɔi ayinɔi.

Hebribii 6:10

Ejaakɛ Nyɔŋmɔ jeee mɔ ni yeɔ sane ni ejaaa ni ehiɛ aaakpa nyɛnitsumɔ lɛ nɔ kɛ suɔmɔ ni nyɛjie kpo yɛ egbɛi lɛ hewɔ, ni nyɛkɛsɔ̃mɔ mɛi krɔŋkrɔŋi lɛ, ni nyɛsaa nyɛsɔ̃mɔɔ amɛ lolo lɛ.