2 Mose 1:17 - ŊMALƐ KRƆŊKRƆŊ LƐ

¹⁷ Shi yoofɔlɔi lɛ yashe Nyɔŋmɔ gbeyei, ni amɛfeee nɔ ni Ijipt maŋtsɛ lɛ kɛɛ amɛ lɛ, shi moŋ amɛhere gbekɛbii hii lɛ ayiwala.

Ṅmãle̱ Kroṅkroṅ Le̱

¹⁷ Ši yeifo̱yei le̱ yaše Nyoṅmo̱ gbeyei, ni ame̱fee boni Mizraim maṅtše̱ le̱ kē̱ame̱ le̱, ši ame̱here gbekẽbiihĩĩ le̱ ayiwala.

2 Mose 1:17 ပူးပေါင်းရင်းမြစ်များ

1 Mose 20:11

Abraham to he akɛ, “Miyasusu akɛ ekolɛ mɛi ni yɔɔ biɛ nɛɛ lɛ sheee Nyɔŋmɔ gbeyei, ni amɛbaagbe mi yɛ miŋa lɛ hewɔ.

1 Mose 42:18

Gbi ni ji etɛ̃ lɛ nɔ lɛ, Yosef kɛɛ enyɛmimɛi lɛ akɛ, “Nyɛfea nɔ ni mibakɛɛ nɛɛ, koni nyɛyi ana wala, shi mi lɛ Nyɔŋmɔ gbeyeishelɔ ji mi.

2 Samuel 24:4

Shi maŋtsɛ lɛ hã Yoab kɛ asafoiatsɛmɛi lɛ ye ewiemɔ lɛ nɔ. No hewɔ lɛ, Yoab kɛ esafoiatsɛmɛi lɛ shi Maŋtsɛ David hiɛ amɛtee koni amɛyakane Israelbii lɛ.

Nehemia 5:15

Shi sa amraloi ni nyiɛ mihiɛ lɛ hã etɔ maŋ lɛ yɛ shika ni naa shiɔ jwiɛtɛi talentai nyɔŋmai ejwɛ ni amɛheɔ kɛshiɔ aboloo kɛ wain ni amɛheɔ yɛ maŋ lɛ dɛŋ lɛ nɔ lɛ hewɔ. Amraloi nɛɛ atsuji tete gbaa maŋ lɛ naa. Shi mi lɛ, gbeyei ni misheɔ Nyɔŋmɔ hewɔ lɛ, mifeee nakai.

Ester 3:3

Kɛkɛ ni Maŋtsɛ Ahashwerosh tsuji krokomɛi lɛ bi Mɔdekai akɛ, “Mɛɛba otɔ̃ɔ maŋtsɛ kitã lɛ?”

Lalai 31:19

Oo, kwɛ bɔ ni omlihilɛ ni oyɔɔ kɛhã mɛi ni sheɔ bo gbeyei lɛ fa babaoo hã. Ojieɔ otsɔ̃ɔ mɛi ni baa bo abo lɛ yɛ gbɔmɛi ahiɛ.

2 Mose 1:18

Enɛ hã Ijipt maŋtsɛ lɛ tsɛ yoofɔlɔi lɛ, ni ebi amɛ akɛ, “Mɛni nyɛfeɔ nɛɛ? Mɛɛba ni nyɛhãa gbekɛbii hii lɛ ayi naa wala lɛ?”

Abe̱i 16:6

Anɔkwayeli nɔ Yehowa damɔɔ ni ekɛ eshai faa; ni mɔ ni sheɔ Yehowa gbeyei lɛ, ewiɔ ehe kɛjeɔ efɔŋ he.

Abe̱i 8:13

Yehowa gbeyeishemɔ ji ohi nɔ fɔŋ. Hewoo kɛ hetsɔ̃ɔmɔ kɛ jeŋba fɔŋ kɛ kutumpɔo wiemɔ lɛ miihi.

Jajelɔ 12:13

Sane tso muu lɛ ni onu lɛ fɛɛ naagbee nɛ. She Nyɔŋmɔ gbeyei, ni oye ekitãi lɛ anɔ, ejaakɛ enɛ ji nitsumɔ kwraa ni gbɔmɔ yɔɔ tsumɔ.

Jajelɔ 8:12

Yɛ mli akɛ eshafeelɔ feɔ esha shii oha, ni ewala sɛɛ tsɛɔ moŋ nɛ, kɛ̃lɛ mile akɛ mɛi fɛɛ ni sheɔ Nyɔŋmɔ gbeyei lɛ ebaahi ehã amɛ, ejaakɛ amɛsheɔ Nyɔŋmɔ gbeyei;

Daniel 6:13

Amɛhere nɔ, ni amɛkɛɛ maŋtsɛ lɛ akɛ, “Naa, Daniel, Yuda nomii lɛ ateŋ mɔ kome lɛ, ebuuu bo, Nii, kɛ akpɔ ni owo lɛ fɛɛ; ni no hewɔ lɛ, esɔleɔ shii etɛ̃ daa gbi.”

Hosea 5:11

Efraim kã piŋmɔ mli. Nyɔŋmɔ ebu lɛ fɔ ejaakɛ etswa efai shi akɛ eyaanyiɛ yaka nii asɛɛ.

Mika 6:16

Enɛ baaba mli, ejaakɛ Maŋtsɛ Omri nibii gbohii lɛ kɛ ebi Ahab nibii fɔ̃ji lɛ, nomɛi anɔ nyɛtsa. No hewɔ lɛ, mahã nyɛmaji lɛ atsɔ̃ amaŋfɔ̃, ni abuŋ nyɛ, ni aaabo nyɛ ‘tsia’!”

Mateo 10:28

Ni nyɛkashea mɛi ni gbeɔ gbɔmɔtso lɛ ni amɛnyɛɛɛ susuma lɛ amɛgbe lɛ gbeyei; shi moŋ nyɛshea mɔ ni nyɛɔ susuma kɛ gbɔmɔtso fɛɛ hiɛ ekpãtãa yɛ abonsamiiaje lɛ gbeyei.

Luka 12:5

Shi matsɔ̃ɔ nyɛ mɔ gbeyei ni nyɛshe: nyɛshea mɔ ni kɛ egbe sɛɛ ni eyɔɔ hegbɛ akɛ eshɛɔ efɔ̃ɔ abonsamiiaje lɛ. Hɛɛ, miikɛɛ nyɛ akɛ, lɛ gbeyei nyɛshea.

Bɔfoi 5:29

Shi Petro kɛ bɔfoi lɛ here nɔ ni amɛkɛɛ, “Esa akɛ aboɔ Nyɔŋmɔ moŋ toi fe gbɔmɛi.

1 Samuel 22:17

Kɛkɛ ni maŋtsɛ lɛ fã ehebulɔi ni damɔ emasɛi lɛ ekɛɛ, “Nyɛtsɔ̃a nyɛhe ni nyɛgbea Yehowa osɔfoi nɛɛ, ejaakɛ amɛ hu amɛwa David eko. Amɛna amɛle akɛ David miijo foi, shi amɛbawooo mitoi nɔ shi maŋtsɛ lɛ ekpɛlɛ̃ɛɛ akɛ amɛawo amɛnine nɔ amɛtswia osɔfo lɛ nii.”