2 Kronika 9:9 - ŊMALƐ KRƆŊKRƆŊ LƐ

⁹ Sheba Maŋnyɛ lɛ ke maŋtsɛ Solomon shika ŋmiiŋmi ni tsiimɔ ji talentai oha kɛ nyɔŋmai enyɔ kɛ tsofakɛŋma pii diɛŋtsɛ kɛ ojarawatɛi hu. Anako tsofakɛŋma ni tamɔ nɔ ni Sheba Maŋnyɛ lɛ kɛbake Maŋtsɛ Solomon lɛ eko dã.

Ṅmãle̱ Kroṅkroṅ Le̱

⁹ Ni ehã maṅtše̱ le̱ šika talentai oha ke̱ nyoṅmai-enyo̱ ke̱ tšofãi-ke̱-ṅmai pī dientše̱ ke̱ te̱i ni dšra wa; ni tšofã-ke̱-ṅma ko be̱ ni tamo̱ noni Šeba maṅnye le̱ bahã maṅtše̱ Salomo le̱.

2 Kronika 9:9 ပူးပေါင်းရင်းမြစ်များ

1 Mose 43:11

Kɛkɛ ni amɛtsɛ Yakob kɛɛ akɛ, “Kɛji nakai ni lɛ, no lɛ bɔ ni nyɛbaafee nɛ: nyɛkɛ shikpɔŋ nɛɛ nɔ nibii kpakpai lɛ eko awoa nyɛjatsui amli koni nyɛkɛyakea nuu lɛ: gbonyowoo tsofa fioo, wo fioo, tso mli amã fioo, tsofakɛŋma, kɛ ohɛ ni jeɔ ŋma kɛ amitsrɔbi kɛ ŋmɛ.

1 Maŋtsɛmɛi 10:10

Agbɛnɛ Sheba Maŋnyɛ lɛ hã Maŋtsɛ Solomon shika ŋmiiŋmi ni tsiimɔ ji talentai oha kɛ nyɔŋmai enyɔ, kɛ tsofaikɛŋma pii diɛŋtsɛ kɛ tɛi ni jara wa. Kɛjɛ nomɛi asɛɛ lɛ akɛ tsofaikɛŋma lɛ eko bako dɔŋŋ ni fa babaoo tamɔ nɔ ni Sheba Maŋnyɛ lɛ kɛbahã Maŋtsɛ Solomon lɛ.

1 Maŋtsɛmɛi 9:14

Shi Hiram emaje Maŋtsɛ Solomon shika ŋmiiŋmi ni tsiimɔ ji talentai oha kɛ nyɔŋmai enyɔ.

2 Kronika 9:1

Sheba Maŋnyɛ lɛ nu Maŋtsɛ Solomon gbɛi ni ehehe yɛ Nyɔŋmɔ henii ni ele lɛ hewɔ. Kɛkɛ ni eyiŋ eba Yerusalɛm koni ebabi Solomon saji ni wawai koni ekɛka Solomon nilee lɛ naawalɛ ekwɛ. Sheba Maŋnyɛ nɛɛ ba kɛ esɛɛbii babaoo diɛŋtsɛ kɛ yoomai hu ni tereteree tsofakɛŋmai kɛ shika babaoo diɛŋtsɛ kɛ ojarawatɛi hu. Be ni maŋnyɛ lɛ kɛ Solomon kpe hiɛ kɛ hiɛ lɛ, ebi Solomon saji blublu ni eto yɛ eyiŋ.

2 Kronika 9:10

Maŋtsɛ Huram tsuji lɛ kɛ Solomon hu tsuji lɛ ni yaa Ofir amɛyaŋɔɔ shika kɛbaa lɛ, loɔ tso kpakpa titri ko hu kɛbaa kɛ ojarawatɛi hu.

2 Kronika 9:24

Maŋtsɛmɛi nɛɛ ateŋ mɔ fɛɛ mɔ hiɛɔ edɛŋ nikee kɛbaa: jwiɛtɛi nibii kɛ shika nibii kɛ atadei kɛ tawuunii kɛ tsofakɛŋma kɛ okpɔŋɔi kɛ tejiokpɔŋɔi; ni nɛkɛ akɛ nibii nɛɛ yaa ni abaa daa afi.

2 Kronika 9:8

Ajie Yehowa, oNyɔŋmɔ lɛ, yi akɛ esa ehiɛ ni ekɛ bo ta emaŋtsɛ sɛi lɛ nɔ koni oye maŋtsɛ yɛ biɛ. Akɛni oNyɔŋmɔ lɛ miidɔ Israel he ni eeesumɔ akɛ ebaa amɛyi kɛya naanɔ lɛ, no hewɔ eto bo Israel maŋtsɛ lɛ koni okojo ni oye jalɛ sane yɛ amɛteŋ.”

Lalai 72:10

Tarshish kɛ ŋshɔkpɔi lɛ anɔ maŋtsɛmɛi aaatsu onia abahã lɛ. Sheba kɛ Seba maŋtsɛmɛi aaabake nii.

Lalai 72:15

Maŋtsɛ yi ana wala! Ajɛ Sheba abake lɛ shika! Asɔle ahã lɛ be fɛɛ be; ni aba jɔɔmɔ ahã lɛ jenamɔ tuu.

2 Mose 30:34

Kɛkɛ ni Yehowa kɛɛ Mose akɛ, “Ŋɔɔ tsofakɛŋmai srɔtoi nɛɛ fɛɛ eko: krɔbɔo kɛ onitsa kɛ galbano. Tsofakɛŋmai nɛɛ okɛ mire ŋmiiŋmi afata he; ŋmɛɛ eko fɛɛ eko falɛ pɛpɛɛpɛ,