2 Kronika 9:8 - ŊMALƐ KRƆŊKRƆŊ LƐ

⁸ Ajie Yehowa, oNyɔŋmɔ lɛ, yi akɛ esa ehiɛ ni ekɛ bo ta emaŋtsɛ sɛi lɛ nɔ koni oye maŋtsɛ yɛ biɛ. Akɛni oNyɔŋmɔ lɛ miidɔ Israel he ni eeesumɔ akɛ ebaa amɛyi kɛya naanɔ lɛ, no hewɔ eto bo Israel maŋtsɛ lɛ koni okojo ni oye jalɛ sane yɛ amɛteŋ.”

Ṅmãle̱ Kroṅkroṅ Le̱

⁸ Aadšō̱ Iehowa, o-Nyoṅmo̱ le̱, ake̱ ená ohe tšui ni eke̱o tá emaṅtše̱sẽi le̱ no̱, koni oye maṅtše̱ ohã Iehowa, o-Nyoṅmo̱ le̱; edšake̱ o-Nyoṅmo̱ le̱ mīsumo̱ Israel ni ehã edamo̱ ši ke̱-ya nāno̱, nohewo̱ ni ewoö ameno̱ maṅtše̱, koni okodšo ni oye dšale̱ sane!

2 Kronika 9:8 ပူးပေါင်းရင်းမြစ်များ

2 Samuel 23:3

Israel Nyɔŋmɔ lɛ ena ewie; Israel hebulɔ lɛ kɛɛ mi akɛ, “Mɔ ni yeɔ maŋtsɛ yɛ jalɛ naa, ni eyeɔ nɔ yɛ Nyɔŋmɔ gbeyeishemɔ naa lɛ,

2 Samuel 8:15

David ye Israel maŋtsɛ, ni eye jalɛ sane ehã mɔ fɛɛ mɔ.

1 Maŋtsɛmɛi 10:9

Yijiemɔ ahã Yehowa, oNyɔŋmɔ lɛ, mɔ ni ena ohe tsuijurɔ, ni ekɛ bo eta Israel maŋtsɛ sɛ̃i lɛ nɔ lɛ. Yehowa sumɔɔ Israel kɛmiiya naanɔ. No hewɔ ni ewo bo maŋtsɛ lɛ koni okojo ni oye jalɛ sane.”

1 Maŋtsɛmɛi 3:28

Be ni Israelbii fɛɛ nu bɔ ni Maŋtsɛ Solomon bua sane nɛɛ he ehã lɛ, amɛkɛ bulɛ kpele hã maŋtsɛ lɛ, ejaakɛ amɛna akɛ Nyɔŋmɔ nilee yɛ emli, ni no hã enyɛ nɛkɛ kojomɔ ekojo!

1 Kronika 17:22

Ofee Israel bo diɛŋtsɛ omaŋ kɛmiiya naanɔ, ni bo, Yehowa, otsɔ̃ amɛNyɔŋmɔ.

1 Kronika 28:5

Ni Yehowa duro mi bii pii, ni bii nɛɛ fɛɛ ateŋ lɛ eŋɔ̃ mibi Solomon koni ebata Yehowa maŋtsɛyeli sɛ̃i lɛ nɔ kɛye maŋtsɛ yɛ Israel.

1 Kronika 29:10

Kɛkɛ ni Maŋtsɛ David jie Yehowa yi yɛ asafo muu lɛ fɛɛ hiɛ ekɛɛ akɛ, “Aaajie oyi, Bo Yehowa, ni ji wɔtsɛ Yakob Nyɔŋmɔ lɛ, kɛjɛ naanɔ kɛyashi naanɔ.

1 Kronika 29:20

Kɛkɛ ni David kɛɛ asafo ni ewo shi lɛ akɛ, “Nyɛjiea Yehowa, nyɛNyɔŋmɔ lɛ, yi!” Ni asafo muu lɛ fɛɛ jie Yehowa, amɛtsɛmɛi aNyɔŋmɔ lɛ, yi; ni amɛmamɔ amɛyi shi amɛja Yehowa, ni amɛkoto maŋtsɛ lɛ hu.

1 Kronika 29:23

Kɛkɛ ni Solomon bata Yehowa maŋtsɛyeli sɛ̃i lɛ nɔ yɛ etsɛ David najiaŋ. Emaŋtsɛyeli lɛ shwere, ni Israel muu fɛɛ bo lɛ toi.

2 Kronika 13:8

Ŋmɛnɛ lɛ nyɛ hu nyɛte shi kɛmiishi hewalɛ ni Yehowa ejɔɔ nɔ ehã David shwiei lɛ ejaakɛ nyɛyi fa, ni asaŋ nyɛhiɛ shika tsinabii lɛ ni Yeroboam fee hã nyɛ akɛ nyɛnyɔŋmɔi lɛ.

2 Kronika 2:10

Mibahã bo ŋmãa mamu ni tsiimɔ ji nsɛnitɛ wulu lɛ akpei enyɔ, kɛ abele nsɛnitɛ wulu lɛ akpei enyɔ, kɛ wain Iitai akpei ohai ejwɛ kɛ mu litai akpei ohai ejwɛ hu yɛ otsuji ni ji tsogbalɔi lɛ ahewɔ.”

2 Kronika 2:11

Kɛkɛ ni Huram, Tiro maŋtsɛ lɛ, hã Solomon ewolo lɛ hetoo. Ekɛɛ yɛ wolo ni eŋma emaje Solomon lɛ mli akɛ, “Suɔmɔ ni Yehowa sumɔ emaŋ lɛ hewɔ ni ewo bo amɛmaŋtsɛ lɛ.

2 Kronika 9:7

Ajɔɔ owebii. Otsuji ni sɔmɔɔ bo, ni no hewɔ lɛ, amɛbɛŋkɛ bo be fɛɛ be ni amɛnaa hegbɛ amɛboɔ onaa nilee toi lɛ, amɛto aahu kpele.

2 Kronika 9:9

Sheba Maŋnyɛ lɛ ke maŋtsɛ Solomon shika ŋmiiŋmi ni tsiimɔ ji talentai oha kɛ nyɔŋmai enyɔ kɛ tsofakɛŋma pii diɛŋtsɛ kɛ ojarawatɛi hu. Anako tsofakɛŋma ni tamɔ nɔ ni Sheba Maŋnyɛ lɛ kɛbake Maŋtsɛ Solomon lɛ eko dã.

Lalai 18:19

Ejie mi kɛtee he ni lɛɛ lɛkɛtɛɛ. Ejie mi, ejaakɛ eyɛ mihe tsui.

Lalai 22:8

Amɛkɛɔ akɛ, “Tuu osane lɛ owo Yehowa dɛŋ; hã ni lɛ ehere bo, hã ni lɛ ehere mɔ he miishɛɛ ni eyɔɔ lɛ.”

Lalai 72:2

Hã ekojo omaŋ lɛ yɛ jalɛ naa koni eye jalɛ sane ehã omɛi ni ji ohiafoi.

Lalai 99:4

Maŋtsɛ Ofe ni sumɔɔ jalɛ saneyeli, ohã jalɛ saneyeli ema shi; ni aafee nɔ ni ja yɛ Israel.

Abe̱i 21:3

Jalɛ saneyeli kɛ kojomɔ kpakpa lɛ, esa Yehowa hiɛ fe afɔleshãa.

Abe̱i 29:4

Maŋtsɛ kɛ jalɛ saneyeli hãa maŋ damɔɔ shi, mɔ ni balaa maŋbii adɛŋ nii lɛ, ebutuɔ maŋ.

Yesaia 42:1

Yehowa kɛɛ akɛ, “Naa mitsulɔ, mɔ ni mihiɛ emli, mɔ ni miŋɔ lɛ, ni minaa ehe tsuijurɔ lɛ. Mihã eyi obɔ̃ kɛ mimumɔ lɛ, Ebaahã majimaji lɛ ale nɔ ni ji jalɛ saneyeli.

Yesaia 62:4

Atsɛŋ bo “Mɔ ni akwa lɛ” dɔŋŋ; shi moŋ aaatsɛ bo “Mitsui naa gbɔmɔ”; ni aaatsɛ oshikpɔŋ lɛ hu “Kpeemɔ yoo”; ejaakɛ Yehowa ena ohe tsuijurɔ ni oshikpɔŋ lɛ hu aaakpee lɛ.

Yesaia 9:7

Emaŋtsɛyeli lɛ shweremɔ kɛ edɛŋ toiŋjɔlɛ lɛ, esɛɛ efoŋ yɛ David maŋtsɛ sɛi lɛ nɔ, kɛ emaŋtsɛyeli hei fɛɛ. Ekɛ jalɛ saneyeli kɛ nɔ ni ja feemɔ baahã emaŋtsɛyeli lɛ ama shi kɛya naanɔ. Yehowa, Taiatsɛ lɛ, kɛ hiɛdɔɔ baafee enɛ.

5 Mose 7:8

Shi moŋ suɔmɔ ni esumɔɔ nyɛ hewɔ, shi bɔ ni afee ni eye shi ni ewo nyɛtsɛmɛi lɛ nɔ lɛ, no hewɔ ni Yehowa kɛ nineshiwalɛ jie nyɛ, ni ekpɔ̃ nyɛ kɛje nyɔŋ ni Ijipt maŋtsɛ lɛ yeɔ nyɛ lɛ mli lɛ.