2 Kronika 9:4 - ŊMALƐ KRƆŊKRƆŊ LƐ

⁴ Ena niyenii ni akɛbamamɔ Solomon niyeniiashi lɛ, kɛ etsuji lɛ ashitaramɔ yɛ okplɔ̃ he. Ena bɔ ni ato nitsumɔi ni yɔɔ maŋtsɛ we lɛ mli lɛ ahe gbɛjianɔ ahã sɔ̃ɔlɔi lɛ kɛ sɔ̃ɔlɔi lɛ atadei, kɛ bɔ ni niyeniiashi daawolɔi lɛ ewula amɛhã. Agbɛnɛ ena afɔlei ni ashãa fɛɛ ni Solomon shãa yɛ Yehowa Sɔlemɔ we lɛ hu; kɛkɛ ni maŋnyɛ lɛ he jɔ̃ ehe naakpa.

Ṅmãle̱ Kroṅkroṅ Le̱

⁴ ke̱ ekplō no̱ niyenii, ke̱ etšũdši ašitrámo̱, ke̱ esùolo̱i ašidamo̱ ke̱ ame̱ta-dei, ke̱ edãwolo̱i ke̱ ametadei, ke̱ ešā̃-afo̱lei ni ešãa ye̱ Iehowa we le̱, ehe dšõ ehe naakpa,

2 Kronika 9:4 ပူးပေါင်းရင်းမြစ်များ

1 Maŋtsɛmɛi 10:5

kɛ ekpɔlɔ̃ nɔ niyenii kɛ elumɛi ashitaramɔ kɛ bɔ ni etsuji ni wo atadei fɛɛfɛji sɔmɔɔ yɛ niyeniiashi, kɛ shãa afɔlei ni eshãa yɛ Yehowa we lɛ, ehe jɔ̃ ehe naakpa.

1 Maŋtsɛmɛi 5:2

Solomon hu tsu akɛ wiemɔ yahã Maŋtsɛ Hiram akɛ,

1 Maŋtsɛmɛi 5:3

“Bo diɛŋtsɛ ole bɔ ni mitsɛ David shwe akɛ emã tsu ehã Yehowa, eNyɔŋmɔ lɛ, jamɔ; shi henyɛlɔi ni bɔle lɛ gba enaa kɛ taitai, hewɔ lɛ enyɛɛɛ tsu lɛ emã.

2 Maŋtsɛmɛi 16:18

Hejɔɔmɔ gbi lɛ nɔ gbɛ ni aha eyiteŋ ni yɔɔ maŋtsɛ we lɛ mli (ni maŋtsɛ lɛ tsɔ̃ɔ nɔ kɛboteɔ Sɔlemɔ we lɛ) kɛ maŋtsɛ tsɔ̃mɔhe ni yɔɔ agbonaa gbɛ lɛ, Asiria maŋtsɛ lɛ hewɔ lɛ, Ahaz tsɔ̃ amɛnaa ehã he kroko.

1 Kronika 9:18

Kɛbashi nakai be lɛ gbɔmɛi nɛɛ ji mɛi ni buɔ maŋtsɛ agbo lɛ naa yɛ bokãgbɛ. Tsutsu ko lɛ kulɛ amɛbuɔ agboi ni yɔɔ Levibii ashihilɛhei lɛ anaa.

2 Kronika 23:13

Be ni Atalia shɛ jɛi ni ebaakwɛ lɛ, naa maŋtsɛ lɛ ni edamɔ maŋtsɛ shidaamɔhe lɛ yɛ Sɔlemɔtsu lɛ shinaa lɛ shi, ni asafoiatsɛmɛi lɛ kɛ tɛtɛrɛmantɛrɛkpãlɔi lɛ efo ehe sa kpula. Maŋ muu lɛ fɛɛ miibɔ oshe kɛ nyamɔ, ni aakpã tɛtɛrɛmantɛrɛ, ni Sɔlemɔ we lɛ mli lalatsɛmɛi lɛ miitswa saŋku, ni akɛmiila yijiemɔ lalai. Kɛkɛ ni Atalia kɛ dɔlɛ gbala ehe atadei lɛ, ni ebo ekɛɛ akɛ, “Maŋjwaa sane! Maŋjwaa sane!”

2 Kronika 9:3

Sheba Maŋnyɛ lɛ na Solomon nilee lɛ mlikwɔlɛ, ni ena mɔɔ lɛ hu ni ema akɛ maŋtsɛ we lɛ.

2 Kronika 9:5

Ni ekɛɛ Maŋtsɛ Solomon akɛ, “Ohe saji kɛ onilee ni minu yɛ mi diɛŋtsɛ mishikpɔŋ lɛ nɔ lɛ anɔkwale ni.

Nehemia 1:11

Oo Nuŋtsɔ, ka otoi ohã fai ni otsulɔ kpaa bo lɛ. Ka toi ohã fai ni otsuji ni sumɔɔ akɛ amɛshe bo gbeyei lɛ kpaa bo lɛ. Hã otsulɔ aye omanye ŋmɛnɛ gbi nɛɛ, ni hã maŋtsɛ lɛ ana mi mɔbɔ.” Nɛkɛ bei nɛɛ amli lɛ, maŋtsɛ lɛ dãawolɔ ji mi.

Lalai 119:81

Misusuma miiye oyiwalaheremɔ lɛ he kumai, ejaakɛ mihiɛ kã owiemɔ lɛ nɔ.

Lalai 143:7

Oo Yehowa, heremɔ mi nɔ oya; mimumɔ miitɔ biti; kaaŋɔ ohiɛ otee mi, kɛjee nakai lɛ, matamɔ mɛi ni kpelekeɔ shi kɛyaa gbohiiaje lɛ.

Abe̱i 9:5

“Ba ni obaye miniyenii lɛ eko ni obanu wain ni mifutu lɛ eko.

Salomo Lalai 5:8

Nyɛ Yerusalɛm biyei, nyɛwoa mi shi veveeve akɛ kɛji nyɛna misuɔlɔ lɛ, nyɛkɛa lɛ akɛ, suɔmɔ ewo mi hela.

Ezekiel 44:3

Lumɔ lɛ pɛ ji mɔ ni aaanyɛ ayata jɛi eyaye aboloo yɛ Yehowa hiɛ. Lɛ pɛ etsɔ̃ agbo lɛ koishi gbɛ lɛ kɛbote mli ni etsɔ̃ jɛi nɔŋŋ kɛje kpo.”

Ezekiel 46:2

Ni lumɔ lɛ ajɛ kpo nɔ gbɛ etsɔ̃ agbo lɛ koi lɛ shi kɛbote mli, ni eyadamɔ agbo lɛ shinaatso lɛ he. Osɔfoi lɛ ashã eshãa afɔle lɛ kɛ etoiŋjɔlɛ afɔlei lɛ ahã lɛ; ni eja Nuŋtsɔ Yehowa yɛ agbo lɛ shinaa lɛ naa; ni eje kpo. Shi agbo lɛ, akaŋa kwraa kɛyashi gbɛkɛnaashi.

Daniel 10:17

Te aaafee tɛŋŋ ni mi, minuŋtsɔ tsulɔ, kɛ minuŋtsɔ aaawie hu? Ejaakɛ gbɔmɔtsoŋ hewalɛ ni jio, mumɔŋ nɔ jio, eko fɛɛ eko etã yɛ mimli.”

Mateo 6:29

Shi miikɛɛ nyɛ akɛ, Solomon kɛ enunyam lɛ fɛɛ tete ewulaaa tamɔ enɛɛmɛi ateŋ ekome.

Luka 12:37

Ajɔɔ nakai tsuji lɛ ni be ni nuŋtsɔ lɛ aaaba lɛ eeebanina amɛ akɛ amɛmiishi kpe lɛ! Anɔkwale mikɛɔ nyɛ akɛ eeemĩa, ni eeehã amɛtara niyenii ahe, ni eeeba ebasɔ̃mɔ amɛ.

Kpojiemɔ 1:17

Ni be ni mina lɛ lɛ, migbee shi yɛ enaji anaa tamɔ gbonyo; ni ekɛ eninejurɔ ŋmɛ minɔ, ni ekɛɛ mi akɛ, “Kaashe gbeyei; mi ji klɛŋklɛŋ mɔ lɛ kɛ naagbee mɔ lɛ

Kpojiemɔ 3:20

Naa, Midamɔ shinaa lɛ naa ni miishi; kɛji mɔ ko nu migbee ni egbele shinaa lɛ, maba eŋɔɔ ni mikɛ lɛ aaabaye nii, ni lɛ hu ekɛ mi aaaye.