2 Kronika 9:1 - ŊMALƐ KRƆŊKRƆŊ LƐ

¹ Sheba Maŋnyɛ lɛ nu Maŋtsɛ Solomon gbɛi ni ehehe yɛ Nyɔŋmɔ henii ni ele lɛ hewɔ. Kɛkɛ ni eyiŋ eba Yerusalɛm koni ebabi Solomon saji ni wawai koni ekɛka Solomon nilee lɛ naawalɛ ekwɛ. Sheba Maŋnyɛ nɛɛ ba kɛ esɛɛbii babaoo diɛŋtsɛ kɛ yoomai hu ni tereteree tsofakɛŋmai kɛ shika babaoo diɛŋtsɛ kɛ ojarawatɛi hu. Be ni maŋnyɛ lɛ kɛ Solomon kpe hiɛ kɛ hiɛ lɛ, ebi Solomon saji blublu ni eto yɛ eyiŋ.

Ṅmãle̱ Kroṅkroṅ Le̱

¹ Ni beni Šeba maṅnye le̱ nu Salomo yidšiemo̱ he le̱, eba, koni eke̱ abe̱buai ni wawai abaka Salomo akwe̱; ní eba Ierusalem ke̱ asafo babaō dientše̱, ke̱ yomai ni tĕre tšofäi-ke̱-ṅmai ke̱ šika babaō dientše̱ ke̱ te̱i ní dšra wa; ni beni eba Salomo ṅõ le̱, eke̱le̱ wie nibii fẽ ní yo̱ etšuiṅ.

2 Kronika 9:1 ပူးပေါင်းရင်းမြစ်များ

1 Mose 10:28

kɛ Obal kɛ Abimael kɛ Sheba kɛ

1 Mose 10:7

Kush shwiei ji Sebabii kɛ Hawilabii kɛ Sabtabii, kɛ Raamabii kɛ Sabtekabii; Raama shwiei ji Shebabii kɛ Dedanbii.

1 Mose 25:3

Yokshan fɔ Sheba kɛ Dedan. Dedan bii ji Ashurbii kɛ Letushbii kɛ Leumbii;

1 Maŋtsɛmɛi 4:31

Ele nii fe jeŋ gbɔmɛi fɛɛ; ele nii fe Etan, Ezrahinyo lɛ kɛ Heman kɛ Kalkol kɛ Darda, Mahol bii lɛ. Solomon gbɛi hehee yɛ jeŋ maji lɛ fɛɛ mli kɛkpe.

2 Kronika 1:1

Solomon, ni ji Maŋtsɛ binuu lɛ, hã ehewalɛ he shi yɛ emaŋtsɛyelihei lɛ anɔ, ni Yehowa, eNyɔŋmɔ lɛ, jɔɔ lɛ ni etsɔ̃ gbɔmɔ wulu kpanaa diɛŋtsɛ.

2 Kronika 1:12

naa, miihã ona nilee kɛ hiɛshikãmɔ lɛ fɛɛ, ni no sɛɛ lɛ mahã ona nii kɛ jwetri kɛ anunyam fɛɛ hu bɔ ni maŋtsɛmɛi ni etsɔ̃ ohiɛ lɛ ateŋ eko kwraa naaa nakai, ni asaŋ mɛi ni baaba yɛ osɛɛ lɛ hu ateŋ mɔ ko mɔ ko naŋ nakai!”

2 Kronika 9:2

Solomon hã lɛ saji ni ebibii lɛ lɛ fɛɛ hetoo; ekoeko kwraa bɛ mli ni Solomon nyɛɛɛ lɛ naa atsɔ̃ɔ.

2 Kronika 9:9

Sheba Maŋnyɛ lɛ ke maŋtsɛ Solomon shika ŋmiiŋmi ni tsiimɔ ji talentai oha kɛ nyɔŋmai enyɔ kɛ tsofakɛŋma pii diɛŋtsɛ kɛ ojarawatɛi hu. Anako tsofakɛŋma ni tamɔ nɔ ni Sheba Maŋnyɛ lɛ kɛbake Maŋtsɛ Solomon lɛ eko dã.

Lalai 142:2

Miifɔse mikɔmɔi lɛ miishwie ehiɛ, miijaje mihaomɔi lɛ yɛ ehiɛ.

Lalai 49:4

Mafee toi mahã abɛbuaiaŋ wiemɔ, ni mikɛ saŋku aaatsɔ̃ɔ mijenu lɛ shishi.

Lalai 72:10

Tarshish kɛ ŋshɔkpɔi lɛ anɔ maŋtsɛmɛi aaatsu onia abahã lɛ. Sheba kɛ Seba maŋtsɛmɛi aaabake nii.

Lalai 72:15

Maŋtsɛ yi ana wala! Ajɛ Sheba abake lɛ shika! Asɔle ahã lɛ be fɛɛ be; ni aba jɔɔmɔ ahã lɛ jenamɔ tuu.

Lalai 78:2

Magbele minaa mawie yɛ abɛbuaiaŋ, magbala blema teemɔŋ saji amli,

Abe̱i 1:6

Ebaanu abɛi kɛ wiemɔi ni amɛshishinumɔ wa kɛ nilelɔi awiemɔi kɛ amɛjenui ashishi.

Yesaia 60:6

Yoomai asafo yuu aaabua ohe kutuu, ni ji Midian kɛ Efa yoomai oblahii lɛ. Amɛaatere shika kɛ krɔbɔo kɛaajɛ Sheba kɛaaba; ni mɛi aaagba nɔ ni Yehowa efee lɛ he sane kɛ ŋɔɔmɔ lɛ.

Mateo 12:34

Nyɛ shinɔi ashwiei! Te aaafee tɛŋŋ ni nyɛ mɛi ni nyɛ ji mɛi fɔ̃ji lɛ, ni nyɛaanyɛ ekpakpa nyɛwieŋ? Ejaakɛ nɔ ni eyi tsui obɔ kɛteke nɔ lɛ, no nɔŋŋ naabu wieɔ.

Mateo 12:42

Wuoyigbɛ maŋnyɛ lɛ kɛ nɛkɛ yinɔbii nɛɛ aaate shi yɛ kojomɔ lɛ mli, ni eeebu amɛ fɔ; ejaakɛ ejɛ shikpɔŋ lɛ naagbeehe ebabo Solomon nilee lɛ toi; ni naa, nɔ ko ni fe Solomon nilee lɛ yɛ biɛ.”

Mateo 13:11

Shi ehere nɔ ekɛɛ amɛ akɛ, “Ejaakɛ nyɛ lɛ akɛhã nyɛ akɛ nyɛle ŋwɛi maŋtsɛyeli lɛ mli teemɔ saji lɛ, shi amɛ lɛ akɛ hãko amɛ.

Mateo 13:35

koni nɔ ni gbalɔ lɛ wie lɛ aba mli akɛ, “Magbele minaa yɛ abɛbuai amli; magba nii ni akɛtee kɛjɛ jeŋ shishijee lɛ.”

Mateo 2:11

Ni amɛtee shĩa lɛ, ni amɛna abifao lɛ kɛ enyɛ Maria lɛ; ni amɛkula shi amɛja lɛ. Amɛfɛne amɛkotokui anaa, ni amɛkekee lɛ nii: shika kɛ krɔbɔo kɛ mire.

Luka 11:31

Wuoyigbɛ maŋnyɛ lɛ kɛ yinɔbii nɛɛ aaate shi yɛ kojomɔ lɛ mli, ni eeebu amɛ fɔ, ejaakɛ ejɛ shikpɔŋ lɛ naagbeehe ni ebabo Solomon nilee toi, ni naa nɔ ko ni fe Solomon nilee lɛ yɛ biɛ.

1 Samuel 1:15

Shi Hana here nɔ ni ekɛɛ, “Dabida, minuŋtsɔ, mi ji yoo ko ni miwerɛ eho mihe naakpa. Minuko wain loo dãa ko ni wa; shi moŋ miifɔse mitsui mli awerɛho sane mashwie Yehowa hiɛ.