2 Kronika 8:14 - ŊMALƐ KRƆŊKRƆŊ LƐ

¹⁴ Solomon ye akpɔi ni etsɛ David ewo lɛ hu anɔ pɛpɛɛpɛ ekɛto daa gbi sɔɔmɔ nitsumɔi lɛ ahe gbɛjianɔ ehã osɔfoi lɛ akui lɛ kɛ Levibii lɛ hu ni waa osɔfoi lɛ kɛ lalai alamɔ kɛ nitsumɔi hu lɛ, Eto gbɛjianɔ hu ni Sɔlemɔtsu lɛ hebulɔi lɛ yaa kuikui daa gbi amɛyabuɔ Sɔlemɔtsu lɛ agboi lɛ anaa bɔ ni David, Nyɔŋmɔ gbɔmɔ lɛ, wo he akpɔi lɛ pɛpɛɛpɛ.

Ṅmãle̱ Kroṅkroṅ Le̱

¹⁴ Ni eke̱ *oso̱foi asafokui le̱ damo̱ ame̱súomo̱ le̱ nā, bo̱ni etše̱ David eto gbe̱dšiano̱ le̱, ke̱ Levibii le̱-hũ ye̱ ame̱nitšumo̱i le̱ anā, ní ame̱la yidšiemo̱lalai ni ame̱súmo̱ ye̱ oso̱foi le̱ ahĩe, gbĩ-fẽ-gbĩ ke̱ enõ, ke̱ agbónākwe̱le̱i le̱ hũ ye̱ ame̱-safokui le̱ anā ye̱ agbṍ-fẽ-agbṍ he; edšake̱ nakai Nyoṅmo̱ gbomo David wo kitã. *1 Kron. 23-26.

2 Kronika 8:14 ပူးပေါင်းရင်းမြစ်များ

2 Samuel 23:2

Yehowa mumɔ lɛ tsɔɔ minɔ ewieɔ; ewiemɔ kã mililɛi nɔ.

1 Maŋtsɛmɛi 13:1

Be ni Yeroboam damɔ shi yɛ afɔleshãa latɛ lɛ masɛi yɛ Betel koni eshã tsofakɛŋma lɛ, Yehowa tsu gbalɔ ko kɛjɛ Yuda kɛba Betel.

1 Kronika 16:37

Kɛkɛ ni David shi Asaf kɛ enyɛmimɛi Levibii lɛ yɛ he ni Yehowa Kpãŋmɔ Adeka lɛ yɔɔ lɛ ni amɛkwɛ jamɔ ni ajaa yɛ he ni Kpãŋmɔ Adeka lɛ yɔɔ lɛ nɔ daa, bɔ ni gbi fɛɛ gbi nɔ jamɔ heɔ.

1 Kronika 16:42

Heman kɛ Yedutun ji mɛi ni kwɛɔ tɛtɛrɛmantɛrɛi kɛ ŋmɛji kɛ amɛgbee ŋlɛ̃ŋlɛ̃ lɛ kɛ jooshwɛmɔ nibii krokomɛi fɛɛ ni akɛshwɛɔ joo kɛji aala yijiemɔ lala krɔŋkrɔŋ lɛ. Ni Yedutun bii lɛ ji mɛi ni afee amɛ agbonaabulɔi.

1 Kronika 23:1

Be ni David egbɔ kotokoto lɛ, ewo ebi Solomon Israel maŋtsɛ.

1 Kronika 24:1

Shĩaishĩai ni feɔ Aaron shwiei lɛ agbɛii baa nɛɛ: Aaron fɔ bihii ejwɛ: Nadab kɛ Abihu kɛ Eleazar kɛ Itamar.

1 Kronika 24:3

Zadok ni jɛ Eleazar shwiei lɛ ateŋ lɛ kɛ Ahimelek ni jɛ Itamar shwiei lɛ ateŋ lɛ wa Maŋtsɛ David ni ejara Aaron shwiei lɛ amli kuikui yɛ nitsumɔi ni ahã amɛ lɛ anaa.

1 Kronika 25:1

Maŋtsɛ David kɛ Levibii lɛ ateiaŋ lumɛi lɛ hala mɛi komɛi yɛ Asafbii lɛ kɛ Hemanbii lɛ kɛ Yedutunbii lɛ ateŋ, ni amɛto amɛ akɛ amɛ amɛgba kɛji aaja, shi nakai be mli nɔŋŋ lɛ amɛmiitswa obenta kɛ saŋkui kɛ ŋmɛji, ni amɛmiikpã bɛji hu. Mɛi ni ahala kɛ nitsumɔi hu ni ahã amɛ lɛ baa nɛɛ.

1 Kronika 26:1

Naa Levibii lɛ ateŋ mɛi ni ajara Sɔlemɔ we lɛ hebuu nitsumɔi lɛ ahã lɛ: Meshelemia, Koranyo ni ji Kore bi ni jɛ Asafbii lɛ ateŋ lɛ.

1 Kronika 28:19

Maŋtsɛ David kɛɛ akɛ, “Ajie nibii nɛɛ fɛɛ atsɔ̃ɔ mi kɛjɛ Yehowa dɛŋ, ni aŋmã; ni etsɔ̃ɔ mi bɔ ni atsɔ̃ akwɛ nɔkwɛmɔ nɔ nɛɛ nɔ kɛtsu nɔ fɛɛ nɔ ahã.”

1 Kronika 9:17

Sɔlemɔ we lɛ hebulɔi ni hi Yerusalɛm ji Shalum kɛ Akub kɛ Talmon kɛ Ahiman kɛ amɛwekui lɛ amli bii. Shalum ji amɛnukpa.

1 Kronika 9:24

Agbo yɛ Shihilɛhe lɛ koŋ fɛɛ koŋ, ekooyigbɛ kɛ ewuoyigbɛ kɛ ebokãgbɛ kɛ enaigbɛ; ni agbo fɛɛ agbo yɛ agbonaabulɔnukpa.

2 Kronika 23:19

Asaŋ ekɛ bulɔi to Yehowa Sɔlemɔtsu lɛ agboi lɛ anaa bɔ ni afee ni mɔ ko ni ebule ehe yɛ gbɛ ko nɔ akabote Sɔlemɔtsu lɛ mli.

2 Kronika 23:4

Naa bɔ ni wɔbaafee. Nyɛteŋ osɔfoi lɛ kɛ Levibii lɛ hu ni baaba nitsumɔ yɛ hejɔɔmɔ gbi lɛ nɔ lɛ baaja amɛmli kui etɛ̃. Kui etɛ̃ nɛɛ ateŋ ekome baabu Sɔlemɔtsu lɛ agboi lɛ anaa;

2 Kronika 29:25

Kɛkɛ ni Maŋtsɛ Hezekia hã Levibii lɛ yadamɔ Yehowa We lɛ mli kɛ ŋoŋoi kɛ obentai kɛ saŋkui bɔ ni Yehowa etsɔ̃ maŋtsɛ ninalɔ Gad kɛ agbɛnɛ Gbalɔ Natan nɔ etsɔ̃ɔ Maŋtsɛ David akɛ efee lɛ.

2 Kronika 31:2

Maŋtsɛ Hezekia hã akɛ bɔ ni ajara osɔfoi lɛ kɛ Levibii lɛ amli kuikui sa lɛ bɔ̃i nitsumɔ ekoŋŋ bɔ ni ku fɛɛ ku yɛ enitsumɔ krɛdɛɛ lɛ. Mɛi yɛ ni shãa afɔle ni ashãa fɛɛ lɛ, kɛ shidaa afɔlei lɛ; ni mɛi yɛ ni sɔmɔɔ yɛ jamɔ lɛ mli, ni mɛi yɛ ni laa kɛjieɔ Yehowa yi; dani mɛi yɛ ni buɔ Sɔlemɔ we lɛ agboi lɛ anaa.

2 Kronika 35:10

Be ni asaa he agbe naa lɛ, osɔfoi lɛ yadamɔ amɛshidaamɔhe lɛ, ni Levibii lɛ hu yadamɔ amɛgbɛhei lɛ yɛ amɛkuikui lɛ anaa bɔ ni maŋtsɛ lɛ efã lɛ.

2 Kronika 35:15

Lalatsɛmɛi ni ji Asafbii lɛ yɛ amɛgbɛhe lɛ tamɔ bɔ ni Maŋtsɛ David kɛ Asaf kɛ Heman kɛ Yedutun, maŋtsɛ ninalɔ lɛ, efã lɛ. Agbonaabulɔi lɛ yɛ amɛgbɛhei yɛ agbo fɛɛ agbo naa, ni akɛni amɛbɛ hegbɛ akɛ amɛshiɔ amɛbuuhei lɛ hewɔ lɛ, amɛnyɛmimɛi Levibii lɛ feɔ amɛgbɛfaŋ Hehoo niyenii lɛ amɛhãa amɛ.

2 Kronika 35:4

Nyɛsaa nyɛhe yɛ nyɛtsɛmɛi awei akuikui lɛ anaa bɔ ni David, Israel maŋtsɛ lɛ, kɛ ebi Solomon to gbɛjianɔ lɛ.

2 Kronika 5:11

Nɛkɛ be nɛɛ mli lɛ osɔfoi akui srɔtoi lɛ amli bii fɛɛ etsuu amɛhe kɛfee amɛhe krɔŋkrɔŋ amɛto; mɔ ko emɛɛɛ akɛ eshɛ be ni ekɛ sɔmɔɔ dã;

2 Kronika 8:15

Ni akpɔi hu ni Maŋtsɛ David ewo osɔfoi kɛ Levibii lɛ yɛ nitoohei lɛ ahe kɛ saji krokomɛi fɛɛ ahe lɛ, aye fɛɛ nɔ pɛpɛɛpɛ.

Ezra 6:18

Ni amɛto osɔfoi lɛ kɛ amɛsafokui lɛ, kɛ Levibii yɛ amɛmlijai lɛ anaa amɛhã Nyɔŋmɔ sɔ̃ɔmɔ nitsumɔ ni yɔɔ Yerusalɛm lɛ, taakɛ bɔ ni aŋmã yɛ Mose wolo lɛ mli lɛ.

Nehemia 12:24

Levibii lɛ atsɛmɛi awei lɛ ayitsei ni ji Hashibia kɛ Sherebia kɛ Yeshua, Kadmiel bi lɛ, to gbɛjianɔ. Afee kui enyɔ; ku kome miijie Nyɔŋmɔ yi, ni amɛmiida lɛ shi; belɛ ku ni ji enyɔ ni yɔɔ amɛhiɛ lɛ miihere nɔ. Amɛ jie Nyɔŋmɔ yi, ni amɛda lɛ shi tamɔ bɔ ni Nyɔŋmɔ gbɔmɔ David ewo kitã lɛ.

Nehemia 12:25

Matania kɛ Bakbukia kɛ Obadia kɛ Meshulam kɛ Talmon kɛ Akub ji agbonaakwɛlɔi. Amɛ amɛbuɔ agboi lɛ anaa nitoohei lɛ ahe.

Nehemia 12:36

Ewekumɛi ji Shemaia kɛ Azarel Malalai kɛ Gilalai kɛ Maai kɛ Netanel kɛ Yuda kɛ Hanani. Amɛ hu amɛnyiɛ sɛɛ, ni amɛhiɛ Nyɔŋmɔ gbɔmɔ David nibii ni akɛtswaa lalai aloo akɛkpãa lalai lɛ. Ezra, woloŋmalɔ kpanaa lɛ nyiɛ ku nɛɛ hiɛ.

Luka 1:5

Yudea Maŋtsɛ Herode yinɔ lɛ osɔfo ko yɛ ni atsɛɔ lɛ Zakaria; ejɛ Abia osɔfoiaku lɛ mli, eŋa jɛ Aaron biyei lɛ ateŋ, ni egbɛi ji Elizabet.

Luka 1:8

Shi gbi ko be ni eshɛ esɔfoiaku lɛ nɔ, ni esɔ̃mɔɔ yɛ Nyɔŋmɔ hiɛ lɛ,

Bɔfoi 13:22

Ni be ni ekpa lɛ lɛ, etee David shi ni ewo lɛ amɛnɔ maŋtsɛ, ni eye ehe odase ekɛɛ, ‘Mina David, Ishai bi lɛ, nuu ni miyɔɔ ehe tsui ni eeefee misuɔmɔnaanii lɛ fɛɛ lɛ.’

Bɔfoi 13:36

“Ejaakɛ David lɛ, be ni esɔ̃mɔ yɛ Nyɔŋmɔ yiŋtoo naa yɛ eyinɔ lɛ, etsɔ̃ mli ewɔ, ni aŋɔ lɛ afata etsɛmɛi lɛ ahe, ni ena fitemɔ.

5 Mose 33:1

Jɔɔmɔ ni Nyɔŋmɔ gbɔmɔ Mose kɛjɔɔ Israelbii lɛ dani egbo lɛ nɛ.