2 Kronika 7:6 - ŊMALƐ KRƆŊKRƆŊ LƐ

⁶ Osɔfoi lɛ damɔ amɛgbɛhe ni ato ahã amɛ lɛ, ni Levibii lɛ damɔ shi amɛmiikwɛ osɔfoi lɛ ahiɛ, ni amɛmiikpã bɛji ni Maŋtsɛ David kɛwo jamɔ lɛ mli koni akɛjie Yehowa yi lɛ akɛ, “Yehowa, esuɔmɔ sɛɛ efooo kɛmiiya naanɔ” lɛ. Nakai be mli lɛ Israel muu lɛ fɛɛ eho edamɔ shi.

Ṅmãle̱ Kroṅkroṅ Le̱

⁶ Ni oso̱foi le̱ damo̱ ame̱gbe̱hei le̱, ni Levibii le̱ hũ hĩe Iehowa lala he saṅkũi le̱ ní maṅtše̱ David fe ní aṅõ-da Iehowa ši, edšake̱ nāno̱ emo̱bo̱nale̱ hĩo̱ ši ke̱-yaä, beni David tšṍo̱ amenine no̱ dšieo̱ eyi le̱; ni oso̱foi le̱ kpã te̱tre̱mantre̱i ye̱ ame̱hĩe, ni Israel mū le̱ fẽ damo̱ ši.

2 Kronika 7:6 ပူးပေါင်းရင်းမြစ်များ

1 Kronika 13:8

Ni David kɛ Israel muu fɛɛ nya kɛ amɛnyɛmɔ fɛɛ kɛ lalai kɛ saŋkui kɛ bɛji kɛ miji kɛ ŋmɛji kɛ tɛtɛrɛmantɛrɛi amɛkɛwo Nyɔŋmɔ hiɛ nyam.

1 Kronika 15:24

Ahala Shebania kɛ Yoshafat kɛ Netanel kɛ Amasai kɛ Zakaria kɛ Benaia kɛ Eliezer, ni ji osɔfoi lɛ, koni amɛkpã tɛtɛrɛmantɛrɛ kɛnyiɛ Nyɔŋmɔ Kpãŋmɔ Adeka lɛ hiɛ. Aha Obed-Edom kɛ Yehia hu fata Kpãŋmɔ Adeka lɛ hebulɔi lɛ ahe.

1 Kronika 16:34

Nyɛdaa Yehowa shi ejaakɛ ehi; ejaakɛ esuɔmɔ ni tsakeee lɛ hiɔ shi kɛyaa naanɔ.

2 Kronika 23:18

Kɛkɛ ni Osɔfo Yehoiada tu Yehowa Sɔlemɔtsu lɛ mli nitsumɔi lɛ anɔkwɛmɔ hegbɛjianɔtoi lɛ ewo Levibii osɔfoi lɛ adɛŋ. Ni yɛ Levibii krokomɛi lɛ agbɛfaŋ lɛ, bɔ ni David jara amɛmli koni amɛsɔmɔ yɛ Yehowa Sɔlemɔtsu lɛ mli lɛ, asaŋ akɛ amɛ amɛshã Yehowa shãa afɔlei lɛ bɔ ni yɔɔ Mose Mla lɛ mli lɛ, Osɔfo Yehoiada saa ekɛhã amɛ bɔ pɛ ni David eja ehã amɛ eto lɛ. Nakai nɔŋŋ efee kui ni amɛgbɛnaa ji akɛ amɛla lɛ.

2 Kronika 29:25

Kɛkɛ ni Maŋtsɛ Hezekia hã Levibii lɛ yadamɔ Yehowa We lɛ mli kɛ ŋoŋoi kɛ obentai kɛ saŋkui bɔ ni Yehowa etsɔ̃ maŋtsɛ ninalɔ Gad kɛ agbɛnɛ Gbalɔ Natan nɔ etsɔ̃ɔ Maŋtsɛ David akɛ efee lɛ.

2 Kronika 29:27

Maŋtsɛ Hezekia fã akɛ abɔi shãa afɔle lɛ shãa. Be ni aje afɔle lɛ shãa shishi nɔŋŋ kɛkɛ ni maŋbii lɛ wo lala, ni akɛkafo Yehowa, ni lalatsɛmɛi lɛ hu bɔi David yinɔ obentai lɛ kɛ ŋoŋoi lɛ kɛ saŋkui lɛ tswaa kɛ tɛtɛrɛmantɛrɛ lɛ hu kpãmɔ.

2 Kronika 5:12

asaŋ Levibii lalatsɛmɛi, ni ji Asaf kɛ Heman kɛ Yedutun kɛ amɛshishibii lɛ kɛ amɛwekumɛi lɛ ewula kɛ klala atadei fɛɛfɛji, ni amɛhiɛhiɛ ŋmɛji kɛ bɛji kɛ saŋkui kɛdamɔ afɔleshãa latɛ lɛ bokãgbɛ. Osɔfoi oha kɛ nyɔŋmai enyɔ ni ji tɛtɛrɛmantɛrɛkpãlɔi fata lalɔi lɛ ahe.

2 Kronika 5:13

Tɛtɛrɛmantɛrɛkpãlɔi nɛɛ kɛ lalatsɛmɛi lɛ anitsumɔ ji akɛ amɛla kɛjie Yehowa yi, asaŋ kɛda lɛ shi hu. Be ni osɔfoi lɛ je kpo nɔŋŋ yɛ He Krɔŋkrɔŋ Fe Fɛɛ lɛ, kɛkɛ ni Levibii lɛ wo lala nɔ kɛ tɛtɛrɛmantɛrɛi kɛ ŋmɛji kɛ saŋkui srɔtoi, ni amɛ jie Yehowa yi amɛkɛɛ, “Yehowa hi, ejaakɛ emɔbɔnalɛ sɛɛ efooo, emɔbɔnalɛ lɛ yɛ kɛmiiya naanɔ.” Kɛkɛ ni atatu bayi Yehowa Sɔlemɔtsu lɛŋ obɔ̃;

2 Kronika 7:3

Be ni Israelbii lɛ na la lɛ ni jɛ ŋwɛi lɛ kɛ Yehowa anunyam la lɛ ni ebayi Sɔlemɔtsu lɛŋ obɔ̃ lɛ, amɛkɛ amɛhiɛiaŋ bumɔ shi, yɛ he ko ni aka jɛi tɛ, ni amɛja Yehowa, ni amɛda lɛ shi yɛ emlihilɛ kɛ esuɔmɔ ni sɛɛ efooo kɛmiiya naanɔ lɛ hewɔ.

2 Kronika 7:5

Maŋtsɛ Solomon kɛ maŋ muu lɛ fɛɛ shã afɔlei amɛkɛhã Yehowa. Maŋtsɛ Solomon shã afɔle kɛ tsinai akpei nyɔŋmai enyɔ kɛ enyɔ, kɛ toi hu akpei oha kɛ nyɔŋmai enyɔ, ni lɛ maŋtsɛ lɛ, kɛ maŋ muu lɛ fɛɛ kɛgbele Nyɔŋmɔ Sɔlemɔtsu lɛ naa.

Ezra 6:18

Ni amɛto osɔfoi lɛ kɛ amɛsafokui lɛ, kɛ Levibii yɛ amɛmlijai lɛ anaa amɛhã Nyɔŋmɔ sɔ̃ɔmɔ nitsumɔ ni yɔɔ Yerusalɛm lɛ, taakɛ bɔ ni aŋmã yɛ Mose wolo lɛ mli lɛ.

Lalai 106:1

Nyɛjiea Yehowa yi! Nyɛdaa Yehowa shi, ejaakɛ ehi, ejaakɛ esuɔmɔ ni tsakeee lɛ hiɔ shi kɛyaa naanɔ.

Lalai 107:1

Nyɛdaa Yehowa shi, ejaakɛ ehi ejaakɛ naanɔ esuɔmɔ ni tsakeee lɛ hiɔ shi kɛyaa.

Lalai 138:8

Yehowa aaahã eyiŋtoo lɛ aba mli ahã mi. Oo Yehowa, naanɔ osuɔmɔ ni tsakeee lɛ hiɔ shi kɛyaa; gbee bo diɛŋtsɛ oninenaa nitsumɔi lɛ anaa.

Lalai 87:7

Mɛi ni laa kɛ mɛi ni joɔ fɛɛ aaakɛɛ akɛ: “Wɔjɔmɔi fɛɛ kwa jɛɔ Zion.”

Yesaia 52:6

No hewɔ lɛ, mimaŋbii lɛ aaale migbɛi lɛ; ejaakɛ nakai gbi lɛ nɔ lɛ, amɛaale akɛ mi ji mɔ ni kɛɔ akɛ, ‘Naa, mi nɛ lɛ.’ ”

Amos 6:5

Mɛi ni kɛ saŋku laa yakayaka lalai, ni amɛsɔ̃ɔ saŋkui tamɔ David nɔ lɛ amɛhãa amɛhe.

Yoshua 6:4

Osɔfoi kpawo ahiɛ bɛji kpawo ni akɛ ojwɛni akloŋto fee kɛnyiɛ Kpãŋmɔ Adeka lɛ hiɛ. Gbi ni ji kpawo lɛ nɔ lɛ, nyɛbɔlea maŋ lɛ shii kpawo be mli ni osɔfoi lɛ miikpã bɛji lɛ.