2 Kronika 7:3 - ŊMALƐ KRƆŊKRƆŊ LƐ

³ Be ni Israelbii lɛ na la lɛ ni jɛ ŋwɛi lɛ kɛ Yehowa anunyam la lɛ ni ebayi Sɔlemɔtsu lɛŋ obɔ̃ lɛ, amɛkɛ amɛhiɛiaŋ bumɔ shi, yɛ he ko ni aka jɛi tɛ, ni amɛja Yehowa, ni amɛda lɛ shi yɛ emlihilɛ kɛ esuɔmɔ ni sɛɛ efooo kɛmiiya naanɔ lɛ hewɔ.

Ṅmãle̱ Kroṅkroṅ Le̱

³ Ni Israelbii le̱ fẽ mīkwe̱, beni la le̱ dše̱ ṅwei ba ni Iehowa anumnyam le̱ bayi šĩa le̱ no̱ lo̱, ni ame̱ko̱ ame̱hĩeiaṅ bumo̱ ši ye̱ beni aka dše̱i te̱ le̱, ni ame̱-dšá Iehowa ni ame̱dale̱ ši, edšake̱ *ehī, edšake̱ nāno̱ emo̱bo̱nale̱ hĩo ši ke-yaä! *5,13. Lal. 136.

2 Kronika 7:3 ပူးပေါင်းရင်းမြစ်များ

1 Maŋtsɛmɛi 18:39

Be ni maŋ lɛ fɛɛ na nɔ ni eba lɛ, amɛkɛ amɛhiɛiaŋ bumɔ shi, ni amɛbolɔ amɛkɛɛ, “Yehowa lɛ, lɛ ji Nyɔŋmɔ! Yehowa lɛ, lɛ ji Nyɔŋmɔ!”

1 Kronika 16:34

Nyɛdaa Yehowa shi ejaakɛ ehi; ejaakɛ esuɔmɔ ni tsakeee lɛ hiɔ shi kɛyaa naanɔ.

1 Kronika 16:41

Mɛi ni ahala afata amɛhe ji Heman kɛ Yedutun kɛ mɛi krokomɛi hu ni aje gbɛ ahala amɛ akɛ amɛla kɛda Yehowa shi yɛ esuɔmɔ ni tsakeee kɛmiiya naanɔ lɛ hewɔ.

1 Kronika 29:20

Kɛkɛ ni David kɛɛ asafo ni ewo shi lɛ akɛ, “Nyɛjiea Yehowa, nyɛNyɔŋmɔ lɛ, yi!” Ni asafo muu lɛ fɛɛ jie Yehowa, amɛtsɛmɛi aNyɔŋmɔ lɛ, yi; ni amɛmamɔ amɛyi shi amɛja Yehowa, ni amɛkoto maŋtsɛ lɛ hu.

2 Kronika 20:18

Kɛkɛ ni Maŋtsɛ Yehoshafat ma eyi shi ni ekɛ ehiɛ bu shi, ni Yudabii lɛ kɛ Yerusalɛm maŋ lɛ mli bii lɛ fɛɛ hu bumɔ shi, ni amɛja Yehowa.

2 Kronika 20:21

Be ni Yehoshafat kɛ maŋ lɛ eto ajina sɛɛ lɛ, ehala lalatsɛmɛi komɛi akɛ amɛwula kɛ atadei ni amɛwoɔ yɛ gbii krɔŋkrɔŋi anɔ lɛ koni amɛla kɛjie Yehowa yi kɛnyiɛ tabilɔi lɛ ahiɛ amɛkɛɛ akɛ, “Ajie Yehowa yi, ejaakɛ esuɔmɔ sɛɛ efooo kɛyaa naanɔ!”

2 Kronika 29:28

Asafo ni yɔɔ jɛi lɛ ja Yehowa. Lalɔi lɛ la, ni tɛtɛrɛmantɛrɛtsɛmɛi lɛ hu tee nɔ amɛkpã bɛji lɛ aahu kɛyashi agbe shãa afɔle lɛ shãa naa.

2 Kronika 29:29

Be ni ashã afɔle lɛ agbe naa lɛ, Maŋtsɛ Hezekia kɛ mɛi fɛɛ ni yɔɔ jɛi lɛ koto shi, ni amɛja Yehowa.

2 Kronika 29:30

No sɛɛ lɛ, Hezekia kɛ maŋ onukpai lɛ bi Levibii lɛ akɛ amɛla lalai ni David folɔ lɛ kɛ nɔ ni Gbalɔ Asaf hu folɔ lɛ amɛkɛjie Yehowa yi. Kɛkɛ ni asafo lɛ koto shi, ni amɛja Nyɔŋmɔ.

2 Kronika 5:13

Tɛtɛrɛmantɛrɛkpãlɔi nɛɛ kɛ lalatsɛmɛi lɛ anitsumɔ ji akɛ amɛla kɛjie Yehowa yi, asaŋ kɛda lɛ shi hu. Be ni osɔfoi lɛ je kpo nɔŋŋ yɛ He Krɔŋkrɔŋ Fe Fɛɛ lɛ, kɛkɛ ni Levibii lɛ wo lala nɔ kɛ tɛtɛrɛmantɛrɛi kɛ ŋmɛji kɛ saŋkui srɔtoi, ni amɛ jie Yehowa yi amɛkɛɛ, “Yehowa hi, ejaakɛ emɔbɔnalɛ sɛɛ efooo, emɔbɔnalɛ lɛ yɛ kɛmiiya naanɔ.” Kɛkɛ ni atatu bayi Yehowa Sɔlemɔtsu lɛŋ obɔ̃;

Ezra 3:11

Amɛla ni amɛhereheree nɔ amɛkɛkafo Yehowa, ni amɛkɛda lɛ shi amɛkɛɛ, “Ejaakɛ ehi, ejaakɛ esuɔmɔ ni ekɛsumɔɔ Israel lɛ yɛ kɛmiiya naanɔ.” Maŋ muu lɛ fɛɛ bɔ oshe waa amɛkɛkafo Yehowa yɛ Yehowa shĩa lɛ shishitoo lɛ hewɔ.

Lalai 100:5

Ejaakɛ Yehowa hi; esuɔmɔ ni tsakeee lɛ yɛ kɛyaa naanɔ; ni enɔkwayeli lɛ hiɔ shi kɛyaa yinɔi fɛɛ anɔ!

Lalai 103:17

Shi Yehowa suɔmɔ ni tsakeee lɛ eyɛ kɛjɛ naanɔ kɛmiiya naanɔ. Eyɛ hã mɛi ni sheɔ lɛ gbeyei lɛ, ni ejalɛ lɛ yɛ hã bii abii.

Lalai 106:1

Nyɛjiea Yehowa yi! Nyɛdaa Yehowa shi, ejaakɛ ehi, ejaakɛ esuɔmɔ ni tsakeee lɛ hiɔ shi kɛyaa naanɔ.

Lalai 107:1

Nyɛdaa Yehowa shi, ejaakɛ ehi ejaakɛ naanɔ esuɔmɔ ni tsakeee lɛ hiɔ shi kɛyaa.

Lalai 118:1

Oo, nyɛdaaa Yehowa shi, ejaakɛ ehi, ejaakɛ naanɔ esuɔmɔ ni tsakeee lɛ hiɔ shi kɛyaa.

Lalai 95:6

Oo, nyɛbaa! Nyɛhãa wɔkotoa lɛ, ni wɔjaa lɛ! Nyɛhãa wɔkulaa shi yɛ Yehowa, wɔBɔlɔ lɛ hiɛ.

2 Mose 4:31

Maŋ lɛ he lɛ ye. Ni be ni amɛnu akɛ Yehowa ekwɛ ni ena Israelbii lɛ amanehulu lɛ, amɛmamɔ amɛyitsei ashi ni amɛja.

Yesaia 63:7

Mibagba Yehowa mlihilɛ lɛ kɛ Yehowa yijiemɔ lɛ matsɔ̃ɔ, yɛ nibii fɛɛ ni Yehowa efee eha wɔ lɛ kɛ ejurɔ pii ni efee Israel we lɛ yɛ emusuŋtsɔlɛ kɛ emlihilɛ ni fa lɛ naa lɛ hewɔ.

Yeremia 33:11

nyamɔ kɛ mliflimɔ kɛ ayɛmforowu kɛ ayɛmforo gbee ekoŋŋ yɛ jɛi. Abaanu mɛi ni kɛ amɛshidaa afɔlei baa Yehowa we lɛ he ni amɛmiila akɛ, ‘Nyɛdaa Yehowa, Taiatsɛ lɛ, shi ejaakɛ Yehowa hi, ni esuɔmɔ ni tsakeee lɛ hiɔ shi kɛyaa naanɔ!’ Ejaakɛ mibahã shikpɔŋ lɛ ashwere tamɔ bɔ ni eyɔɔ tsuutsu lɛ. Mi Yehowa mikɛɛ.”

3 Mose 9:24

Trukaa lɛ Yehowa hã la ba ni ebashã shãa afɔle lɛ kɛ fɔi lɛ ni yɔɔ afɔleshãa latɛ lɛ nɔ lɛ. Be ni maŋ muu lɛ fɛɛ na lɛ, amɛbolɔ, ni amɛkɛ amɛhiɛ bumɔ shi.

4 Mose 14:5

Kɛkɛ ni Mose kɛ Aaron kɛ amɛhiɛ bumɔ shi yɛ Israelbii asafo ni ebabɔ gwa lɛ fɛɛ hiɛ.

4 Mose 16:22

Shi Mose kɛ Aaron kɛ amɛhiɛ bumɔ shi, ni amɛsɔle amɛkɛɛ akɛ, “Ao, Nyɔŋmɔ, heloo fɛɛ awala jɛɛhe! Aso mɔ kome aaafee esha, ni okɛ ehe nu aaaju maŋ muu lɛ fɛɛ he lo?”

Luka 1:50

Emɔbɔnalɛ yɛ mɛi ni sheɔ lɛ gbeyei lɛ anɔ kɛyashi yinɔi ayinɔi.