2 Kronika 7:22 - ŊMALƐ KRƆŊKRƆŊ LƐ

²² Mɛi aaabua he akɛ, ‘Amɛkwa Yehowa, ni ji amɛtsɛmɛi aNyɔŋmɔ lɛ, mɔ ni yahere amɛtsɛmɛi lɛ yɛ Ijipt shikpɔŋ lɛ nɔ kɛba lɛ, ni amɛkɛ amɛhe yahã nyɔŋmɔi komɛi, ni amɛja amɛ ni amɛsɔmɔ amɛ. Enɛ hewɔ Yehowa ehã nɛkɛ nɔ fɔŋ nɛɛ eba amɛnɔ nɛɛ.’ ”

Ṅmãle̱ Kroṅkroṅ Le̱

²² Ni aahere no̱ ake̱: Edšake̱ ame̱kwa Iehowa, ame̱tše̱mei a-Nyoṅmo̱ le̱, moni dšieame̱ ke̱-dše̱ Mizraim šikpoṅ le̱ no̱ le̱, ni ame̱ke̱ ame̱he yakpe̱te̱ nyoṅmo̱i krokomei ahe, ni ame̱dšáame̱ ni ame̱súmo̱-ame̱, nohewo̱ ni ehã ne̱ke̱ efõṅ ne̱ fẽ ba ame̱no̱ ne̱.

2 Kronika 7:22 ပူးပေါင်းရင်းမြစ်များ

2 Kronika 36:17

Enɛ hewɔ lɛ, Yehowa yakpala Babilon maŋtsɛ lɛ kɛba, ni ebatua Yudabii lɛ, ni egbe Yuda oblahii lɛ kɛnyiɛ Sɔlemɔ we lɛ mli tete po. Eyanaaa mɔ ko mɔ ko mɔbɔ, oblanyo jio, oblayoo jio, nuumo jio, yoomo jio, gbɔmɔ kpiŋtiŋkpliŋŋ jio, helatsɛ jio, egbe fɛɛ.

Yeremia 1:16

Mibagbala miwebii lɛ atoi yɛ amɛnifɔ̃ɔjianii lɛ hewɔ akɛni amɛkwa mi, ni amɛyashã tsofakɛŋmai amɛhã nyɔŋmɔi krokomɛi, ni amɛkɛ amɛniji efee amãgãi, ni amɛja amɛ.

Yeremia 16:11

no lɛ okɛɛ amɛ akɛ, mi Yehowa, mikɛɛ akɛ, ‘Nyɛtsɛmɛi lɛ kwa mi, ni amɛtee amɛyanyiɛ nyɔŋmɔi krokomɛi asɛɛ, ni amɛsɔ̃mɔ amɛ, ni amɛja amɛ; amɛkwa mi ni amɛyeee mimla lɛ nɔ.

Yeremia 22:5

Shi kɛji nyɛbuuu nɛkɛ wiemɔi nɛɛ lɛ, no lɛ mi Yehowa, miikɛɛ akɛ, mikã mi diɛŋtsɛ mihe kitã akɛ maŋtsɛ we nɛɛ baatsɔ̃ amaŋfɔ̃.’ ”

Ezekiel 14:23

Kɛji nyɛna amɛjeŋba kɛ amɛnifeemɔnii lɛ pɛ nyɛbaanu shishi, no aaahã nyɛle akɛ nii fɛɛ ni mifee Yerusalɛm lɛ mifee ni shishinumɔ yɛ he.” Nuŋtsɔ Yehowa kɛɛ.

Daniel 9:12

Ekɛ amanehulu kpeteŋkple ni eba wɔnɔ nɛɛ lɛ ema wiemɔ ni ewie eshi wɔ lɛ nɔ mi. Ogbalako maŋ ko toi nɛkɛ pɛŋ dã, yɛ je nɛɛ mli fɛɛ, tamɔ ogbala Yerusalɛm toi nɛɛ.